Не е само со ЈСП проблемов, секаде каде што треба да се плаќа, Македонецот задолжително си плаќа. Еве малку офтопик, ќе споделам случки од патиштата низ Македонија.
Летово се враќав касно вечерта од свадба во Струга накај Скопје со двајца братучеди во кола. На првата патарина што е, гледам пред мене никој жива душа не плаќа, мене ми ја спушти рампата и си платив. (Да напоменам дека секогаш плаќам патарини) На втората патарина кај Гостивар, пак гледам, Ауди и БМВ количиња си поминуваат, 5-6 коли не платија пред мене, пак платив јас. Е на патарината кај Тетово кога пак видов дека никој пред мене не плати веќе ми прекипа и му се пуштив на ропакот.
Јас: „Шефе што е ова неплаќање?“
Тој: „Епа така е тука сеа....“
Јас: „Дај пушти ме и мене?“
Тој: „Ама јас не можам....“
Јас: „Е како не можеш? Како што ги пушти овие така и мене.“
Тој: „Ама ти не ме разбираш, хова је Тетова, морам така.“
Јас: „Е добро де, Тетова е, пушти ме, што ако една кола што не е од Тетова ја пуштиш?“
Тој: „Ама ќе ти запишам таблички, морам така, не знаш како је тука...“
И му платив и си заминав. Значи чиста вистина е ова, ако лажам од креветов на кој што лежам моментално да не станам. Не ми беше за парите за кои му се инатев на ропаков, туку само за да ми се расчисти и комплетно каков третман имаат од државата етничките групи. Не велам дека нема Македонци кои ескивираат, ама и повеќе од јасно е дека од тој предел скоро никој од Тетова со германско ауто не плаќа патарина.
Друга случка беше исто летово кога ја поминував истата рута, но овој пат кога бев во Струга ми се зезна едниот фар и на моменти работеше, на моменти не. Колава имаше тогаш 6 месеца, уште под гаранција и се ама ми се случи тоа надвор од Скопје и дека е под гаранција треба да се носи кај овластениот сервисер. Сигурно нема да ја носам у Струга кај некој приучен - недоучен.
Се враќам накај дома и кај Кичево ме застанува исто таков припадник на етничката заедница во МКД кој верувале или не до толку беше неписмен што ни презимето не можеше да ми го прочита од возачката, буква по буква го запишуваше. Ме напна до максимум ради тој фарот, што се не му покажав дека колава е уште нова, дека сега ми се расипа фарот и уште дента ќе ја носам на сервис ама не, се запна бацево казна ќе ти пишам казна ќе ти пишам и ме прати кај тој што беше во колата, кој беше Македонец. Одам јас кај тој во колата и го гледам бацево кој како шибни со ненормална брзина овој крени му рака и насмеј се, помини ауто што не е од немачко производство и со океј брзина, застани го. Овој Македонецов ќути ко пичка. Почна да ми пишува податоци и му викам „До кога ќе ќутиме како пички некои? Го гледаш колега ти што прави? Само возила на Македонци застанува. Ќе дозволуваш сега ти Македонци да казнува и ќе си ќутиш?“
И ме гледаше како муле некое, веројатно не веруваше дека женско може такви зборови да му упати и ми рече, знаеш дека имаш право? И ме пушти.
Пак ќе кажам, не ми беше за никакви казни или бодови во книшка, да возев 200 ќе си платев казна како попче, ако нешто навистина грешам ќе платам, ама да гледам како едни не плаќаат и прават 20 прекршоци во исто време, а други ги запираат за глупости како расипан фар, едната гума легната до тротоар не требало така(еден со југо го запре за ова) не можам да гледам и морав да изреагирам така.
Сите што ме знаат, знаат дека сум мирна и весела личност ама најмногу се нервирам и избувнувам при неправди. Тогаш ми пука филм и можам во моментот на афект се да испукам.
До типот што продаваше демагогии за Јашар и Марко одозгора, баце немој. Според твојава логика јас треба во градов на бисерни улици да се движам и секоја недела бесплатен третман во Силуете да имам ако веќе си ги мериме кој кога дошол во градов и колку неговите предци направиле за државава. На никого не му е гајле кој од каде е и од кога е тука. Има правила, треба да се почитуваат. Ако имаш пари ќе се возиш. Ако немаш, не се вози. Просто како грав.
Да не ме разберат некои погрешно, имам премногу добри другари Албанци и Албанки кои се цивилизирани личности и знам дека и плаќаат патарина и се возат во автобус со платена карта и плаќаат придонеси на државава.
Ама општата слика не можеме да ја занемариме.
За автобуски случки не можам многу да допринесам на темава зошто во средно се возев со 5ка во која контрола имаше секое сабајле во таа што тргаше од Дексион во 6:45 часот и тивко беше. Сега на факултет се возам со 2ка веќе година и нешто и контрола ко прво барем јас, се` уште немам начекано.
Мејлови испратив, ќе испратам и утре и задутре па и нека ми го блокираат мејлот ако сакаат.
