Како се вовело обожувањето на дева Марија - Богородица

[Let 3]

јас сум писмен и знам да читам. Помош да прочитам книга, не ми е потребна, ниту мож некој да ме убеди дека напишаниот збор “бело“ всушност значи “црно“

 

[MIKI1]

Помош да прочитам книга, не ми е потребна, ниту мож некој да ме убеди дека напишаниот збор “бело“ всушност значи “црно“

Ич не му се секирај: форумов е полн со самоповикани истражувачи на Светото Писмо, кои цело време велат дека го „истражуваат„ Писмото (а Писмото немаше да биде досега истражено ако некој од Вас не се сетеше дека треба да почне да го истражува, нели....) а вешто избегнуваат да признаат дека истражувањето на Писмото без помош „од страна„ е Сизифовска работа. Таквите самоповикани истражувачи и тоа како се свесни за тешкотиите од тоа „истражување„ па мораат да примат и помош, која најчесто доаѓа од делата од Учителите и Светите Оци од раните векови, но никој од Вас нејќе тоа јавно да го признае, криејќи се зад авторитетот од Писмото, иако таа помош лесно Ви се чита од и во Вашите постови...

 

[Let 3]

A писмото е дефинитивно до крај истражно или има уше да се истражува?

мислам кој во која година го истражил и рекол “е ова е тоа и појче од ова нема мрдање“ и добил некој сертификат за тоа?

 

[MIKI1]

Со вакво водење на дискусијата, ем е бесцелна и бесплодна, ем ќе забегаме од темата па ќе не караат....

Ама ај накратко: Светото Писмо никој од Светите Оци не го истражил до крај и тие (Оците) не кријат дека го истражуваат/толкуваат Писмото само до онаа граница до која тоа го дозволува нивната моќ и до каде дозволува Творецот, оти Писмото е пишувано на едноставен јазик , кој „зад„ себе крие повеќеслојна сложеност, досега целосно неисцрпена. Светото Писмо е протолкувано од повеќето Вселенски Учители (особено Св. Василиј Велики и Св. Григориј Богослов) и подоцнежни богослови, а со сигурност е истолкунано речиси целото Писмо, со исклучок на делумното. т.е. непотполното толкување на Отрковението Јованово. Современите богослови велат дека Откровението ќе остане тајно и нецелосно јасно, се до последните времиња, кога припадниците на тогашната Црква ќе немаат потреба од негово толкување, туку едноставно, тие верници ќе ги гледаат непосредно предскажувањата од Откровението, како настани кои ќе се случуваат реално и очигледно, пред нивните очи.

Тековно, во православната Црква не постои протестантска опседнатост со „проучување„ на Писмото, оти неговата содржина е повеќе од доволно позната, преку Светото Предание, преку кое (Предание) Црквата го толкува Писмото. Црквата не советува само испразно проучување на Писмото, иако и тоа е корисно, туку ја посочува и потребата од живеење според истото.

 

[Genesis]

КАКО СЕ ВОВЕЛО ОБОЖУВАЊЕТО НА ДЕВА МАРИЈА - БОГОРОДИЦА

О

Еве ти постираше текст од твој протестантски извор, па да ја вратам услугата. Еве ти линк од Православен сајт каде се дадени одговори на некои ваши прашања.

http://www.verujem.org/apologetika/odgovor.html

 

[Чорбаџија]

Една од попознатите богохулни молитви е познатата „молитва до Пресвета Богородица“. Неа можете да ја прочитате на следниов линк:
http://preminportal.com.mk/content/view/2825/54/

Овде би сакал да издвојам одредени стихови од таа молитва и да ги анализирам преку призмата на Божјото Слово:

Во твои раце ја предавам мојава душа.

Христос, Давид, маченикот Стефан итн сите Божји луѓе во Библијата на Господ Му ги предале своите души, а не на блажената Марија.

"Во Твојата рака го предавам мојот дух; Ти ме откупи, Господи, Боже на вистината." (Псалм 31:5, Библијата)
"Тогаш Исус извика со силен глас: „Татко, Го предавам Својот дух во Твои раце." (Лука 23:46, Библијата)
"И фрлаа камења на Стефана, кој повикуваше, велејќи: „Господи Исусе, прими го мојот дух!”" (Дела 7:59, Библијата)

Радувај се, непорочна Мајко безмажна,

Блажената Марија имала маж - Јосиф.

"на Јакова му се роди Јосиф, мажот на Марија, која го роди Исуса, наречен Христос" (Матеј 1:16, Библијата)

Подари ми долг век и продолжи ми го животот како некогаш на Езекија,

Господ му го продолжи животот на Езекија, а не блажената Марија.

"Отиди и речи му на Езекија: ‘Вака вели Господ, Бог на твојот татко Давид: „Ја послушав твојата молитва, ги видов твоите солзи. Ќе те излечам; по три дни ќе влезеш во Господовиот Дом. Ќе му додадам на твојот век петнаесет години."
(Исаија 38:5, Библијата)

О Владетелке на ангелите и Господарке на мирот

Господ владее со Ангелите, а не блажената Марија.
Исус е наречен Кнез (Владете) на Мирот, а не блажената Марија.

"Зашто, ни се роди Дете, Син ни се даде, власта му е на рамото. Името ќе Му биде: Чудесен Советник, Силен Бог, Вечен Татко, Кнез на Мирот." (Исаија 9:6, Библијата)

Царице моја сефална,

Блажената Марија Царица? Библијата конзистентно учи дека има само Еден Цар на Небото - Бог.

Водителке на сите христијани,

На Христијаните водач им е Христос, а не блажената Марија.

„Јас Сум Светлината на светот; кој Ме следи, нема да оди во темнина, туку ќе ја има Светлината на Животот.” (Исус, Јован 8:12, Библијата)

О капино несогорлива,

Господов ангел му се јави на Мојсеј преку несогорлива капина, а не блажената Марија.

"Господов ангел му се покажа во распламнат оган од една капина" (Излез 3:2, Библијата)

Ти си лекарка на болните и спасение на светот.

Господ е Лекарот на болните и Спасение на Светот, а не блажената Марија.

Владичице, ти припаѓам,

Христијаните му припаѓаат на Бог, а не на блажената Марија. Всушност, и блажената Марија му припаѓа на Бог, затоа што е Негово создание.

„Зашто ангел од Бога, Кому Му припаѓам и Кому Му служам, застана до мене ноќеска,“ (Апостол Павле, Дела 27:23, Библијата)

Радувај се, Госпоѓо Владичице, повисока од сите!

Исус Христос јавно кажа дека Јован Крстителот е најголем меѓу родените од жена, а следствено и поголем од блажената Марија.

"Вистина ви велам, меѓу родените од жени не се подигнал поголем од Јован Крстител, но, најмалиот во царството небесно е поголем од него. "
(Исус Христос во Матеј 11:11, Библијата)

Некој од католиците и православните забележуваат дека блажената Марија сега е во Царството Небесно и затоа е поголема и од Јован и од сите. Но ова е чудна логика, бидејќи сите христијани се во Царството Небесно, вклучувајќи го и Јован Крстител. А кој какво место и позиција има таму - знае само Бог.

"да се седи од Мојата десна или лева страна, тоа не го давам Јас, туку ќе им припадне на оние, за кои Мојот Татко го приготвил."
(Исус Христос во ев. Матеј 20:23, Библијата)

Со самото тоа што ние се дрзнуваме да делиме позиции и положби на Небото (по некоја си своја логика и критериуми), ние го узурпираме Бог од Божјиот престол и сакаме таа улога да ја земем во свои раце. Такво нешто проба да направи Луцифер, но заради тој обид беше исфрлен од небото. Затоа треба да внимаваме да не го следиме неговиот пример, за да не не снајде и нам истата судбина како него.

Патем, имајте предвид дека Исус ја кажал горната изјава во моментот кога и блажената Марија и Јован Крстител биле на Земјата. Затоа да се оградиме од човечки филозофии и да ја прифатиме Христовата едномислена и јасна изјава дека никој не се воздигнал повеќе од Јован Крстителот.

Радувај се, проповед и слово на сите пророци!

Слово на сите пророци??? Единствен пророк што (маргинално) ја спомнува блажената Марија е Исаија и тоа пророкувајќи за Христос, а не за неа.

Затоа, Господ Сам ќе ви даде знак: Еве, девица ќе зачне и ќе роди син, и ќе му даде име Емануел! (Исаија 7:14, Библијата)

Значи само Исаија и само едно пророштво. За предавникот Јуда, на пример, има повеќе (две) и подетални пророштва отколку за блажената Марија. Оттаму сосема е неоправдано и неиздржано блажената Марија да се нарекува проповед и слово на сите пророци, знаејќи го фактот дека (освен Исаија) тие воопшто не проповедале за неа и воопшто не ја спомнувале во нивните книги/пророштва.

Радувај се, пофалбо на апостолите и добрино на мачениците!

Пофалбо на апостолите? Па апостолите НИТУ ЕДНАШ не ја спомнале блажената Марија во своите посланија. Таа е спомната само еднаш (и тоа маргинално) во почетокот на Делата на апостолите, но ниту еднаш во нивните посланија. Во евангелието по Марко и Јован воопшто и не е спомнато раѓањето на Исус Христос. Очигледно и недвосмислено е дека апостолите проповедале и го славеле Христос, Бог, а не блажената Марија или било кој друг човек.

Радувај се, избавителке моја од погубна смрт!

Бог е Тој што може да не избави од смрт, а не блажената Марија!

„Ете, Бог е мое спасение, се надевам, не се бојам веќе, зашто Господ е моја сила и песна, Тој е мој избавител.” (Исаија 12:2, Библијата)

Радувај се, најславно чудо на вселената!

Најславно чудо? Послано и од Христос, од Христовите чуда? Од Христовото воскресение? Немам коментар!

Радувај се, карпо на верните и спасение на сите луѓе!

Христос е карпата на верните и спасение на сите луѓе, а не блажената Марија!

„...зашто пиеа од духовната Карпа, која ги следеше, а таа Карпа беше Христос.“ (1 Коринтјаните 10:4, Библијата)

Радувај се, безбедност на сите умрени!

Тешко им на умрените ако се надеваат на Марија.

Радувај се, застапничке моја во денот на Судот!

Христос ќе биде нашиот застапник на Судниот ден.

"Кој е оној кој ќе ги осуди? Христос Исус ли, Кој умре - но уште и воскресна - Кој е од десната страна на Бога и Кој се застапува за нас?" (Римјаните 8:34, Библијата)
"и ако некој згреши, имаме Бранител при Таткото: Исус Христос, Праведникот." (1 Јованово 2:1, Библијата)

Радувај се, најопеана наша заштитничке и покровителке!

Поoпеана и од Бог? Бог е нашиот заштитник и покровител!

Радувај се, ти што на владетелите слава им даваш!

Господ им дава (земна) слава на Владетелите!

Пресвета Владичице, под твоја заштита припаѓаме сите,

Не сите! Христијаните припаѓаат под заштитата на Господ.

Владетелке на светот и Господарке на сите,

Господ е Владетел на светот и Господар на сите (вклучувајќи ја и блажената Марија), а не таа!

Заклучок: Христос, а не блажената Марија!

Еден од клучните слогани на реформацијата на Црквата бил и сеуште е: Soli Deo Gloria! (Само Божјата слава!)

 

[Mama.]

А што, со ова мислиш дека си „cool“ ???
Дали си свесен колкава „БУДАЛА“ изигруваш на форумов и колкаво „ЛИЦЕМЕРИЕ“ правиш пред БОГА и пред луѓето, прикажувајќи се „голем рисјанин“ а полош си од паганите (незнабошците).

Овие се делата со кои се „китиш“ и мислиш да се оправдаш пред Бога????

Секоја ти чест!!!

skoro site, ako ne i site obicai vo hristijanstvoto se paganski...
ako paganskoto e losho, togash zoshto go praktikuvate?

 

[MIKI1]

skoro site, ako ne i site obicai vo hristijanstvoto se paganski...

Е ми, од кај знајш?
--- надополнето: Sep 3, 2011 7:47 AM ---

ako paganskoto e losho, togash zoshto go praktikuvate?

Затоа што не е лошо, туку е спасоносно.
--- надополнето: Sep 3, 2011 7:50 AM ---

Еден од клучните слогани на реформацијата на Црквата бил и сеуште е: Soli Deo Gloria! (Само Божјата слава!)

Реформацијата, се чини, има ептен многу слогани, кои:
- самата си ги поставува,
- самата тврди дека слоганите се правилни,
- самата се повикува на нив,
- самата на себе си докажува и си потврдува дека е во право...

Еве еден мој слоган: „Солун е наш!„.

 

[Lurtz]

Пишува дека во протестантизмот постои убедување дека човек се спасува со вера, а не со дела. Вистина е?

Sola fide (Latin: by faith alone), also historically known as the doctrine of justification by faith alone, is a Christian theological doctrine that distinguishes most Protestant denominations from Catholicism, Eastern Christianity, and some in the Restoration Movement.
Historic Protestantism (both Lutheran and Reformed) has held to sola-fide justification in opposition to Roman Catholicism especially, but also in opposition to significant aspects of Eastern Orthodoxy. Protestants exclude all human works (except the works of Jesus Christ, which form the basis of justification) from the legal verdict / pardon of justification. Thus, "faith alone" is foundational to Protestantism, and distinguishes it from other Christian denominations. According to Martin Luther, justification by faith alone is the article on which the church stands or falls.

ова у пракса...

 

[MIKI1]

Според Црквата, верата спасува а делата откупуваат (ги покриваат личните злодела). Верата е категорија на духот а делата се категорија на телото, а верата и делата секогаш „идат„ заедно, никако одвоено. Ако верата ја одвоиме од делата, тогаш сме го преполовиле и човековото битие.

Протестантизмот, со цел да ја покаже својата уникатност, самиот си поставува правила и самиот тврди дека тие правила се точни, а да не зборувам за принципот „sola scriptura" („само Библијата„), кој воопшто не е протестантски, но тие го „позајмија„ и го нарекоа „свој„.

 

[Чорбаџија]

Пишува дека во протестантизмот постои убедување дека човек се спасува со вера, а не со дела. Вистина е?

Да, во целата Црква Христова постои тоа убедување согласно учењето на Светото Писмо:
„Зашто по благодат сте спасени, преку верата, и тоа не е од вас самите - тоа е Божји дар! Не од делата, за да не се фали некој. “ (Ефешаните 2:9, Библијата)

Него темава е за тоа како се вовело обожувањето на дева Марија.

Маријанците често велат дека ние сме должни да ја ословуваме со горните (богохулни!) титули, слава и почитување (да не речам обожавање) блажената Марија затоа што таа го родила Исус, го доела, го хранела, го изгледала, го пораснала итн. Чудно е како во оваа улога тие го занемеруваат влијанието на Христовиот очув - Јосиф, кој исто така учествувал во хранењето (тој заработувал и носел храна дома), во одгледувањето, пораснувањето на Исус.

Не е спорно дека блажената Мариа била мајка на Исус. Таа го доела, го хранела, го изгледала, го пораснала.
Но внимавајте кого Исус нарекува Своја "мајка" во следниве стихови:

„И некој Му рече: „Еве, мајка Ти и Твоите браќа стојат надвор и сакаат да Ти зборуваат.” А Тој во одговор му рече на оној, кој му кажа: „Која е Мојата мајка, и кои се Моите браќа?” И ја протегна Својата рака КОН СВОИТЕ УЧЕНИЦИ и рече: „ЕВЕ ЈА МОЈАТА МАЈКА и Моите браќа; зашто, кој ја врши волјата на Мојот Татко, Кој е во небесата, тој Ми е брат, и сестра, И МАЈКА.“ (Ев. Матеј 12:47-50, Библијата)

Од друга страна пак Исус во евангелијата никаде не ја нарекува блажената Марија "мајко", туку секаде и се обраќа со „жено“.

"Исус и одговори: „Што имам Јас со тебе, ЖЕНО? Уште не дошол Мојот час.”" (Ев. Јован 2:4, Библијата)
"А Исус, штом ја виде мајка си, и покрај неа, ученикот, кого го љубеше, и рече на мајка си: „ЖЕНО, ете ти син!”" (Ев. Јован 19:26, Библијата)

Од овие стихови заклучуваме дека оние што ја извршуваат Божјата воља се Христовата мајка, а Марија воопшто не е воздигната во тој поглед од Христос. Да се разбереме, јас не велам дека (порано или подоцна) Марија не почнала да ја извршува Божјата воља и со тоа дека не се вклопила во оние кои Христос ги нарекува „Негова мајка“. Но јас велам дека Христос воопшто не ја истакнува Марија како мајка над другите Христови мајки кои исто така ја извршувале, ја извршуваат и ќе ја извршуваат Божјата воља. Едноставно Христос не давал никаква предност на телесното наспроти духовното сродство.

Додека пак католиците и православните (и сите останати Маријанци) обратно постапуваат и тие ја величаат Марија (до степен на обожување) само затоа што била во телесно сродство со Христос. Но како што видовме погоре, Христос ја нарекува Марија "жено", а пак учениците Свои ги нарекува "мајко" и со тоа јасно дава до знаење дека за Него е поважно духовното сродство отколку телесното и затоа блажената Марија воопшто не е воздигната над другите Христови ученици кои ја исполнувале, ја исполнуваат и ќе ја исполнуваат Божјата воља.

 

[Јоан]

Протестанско мудрување. Дева Марија НЕ СЕ ОБОЖУВА.

КАКО СЕ ВОВЕЛО ОБОЖУВАЊЕТО НА ДЕВА МАРИЈА - БОГОРОДИЦА

Освен многуте богови, што ги имале паганите, тие имале и многу богинки, од кои најпочитувана била таканаречената Диана, или како што другите ја нарекувале Јуона. Ја претставувале со венец на главата и уште ја викале „небесна царица . Јудејците, иако не биле пагани, многупати вовлекувани во паганството, ги копирале соседните пагански народи, та и тие почнале во времето на пророкот Еремија, да кадат и да и принесуваат лебови на таа богинка. (Еремија 7:18; 44:17,25).
Паганските обичаи и идејата за обоготворување на познати и заслужни луѓе не можела да се искорени сосем меѓу некои пагани дури и кога станале христијани. Во христијанството немало други богови, освен еден Господ Бог. Идејата за паганството некако се задржала во обожувањето на светците, како подолни богови и посредници пред поголемите, и на мајката Исусова, како велика богинка и „небесна царица. Во почетокот на христијанството, при ревносното проповедање на апостолите и нивните следбеници, тие заблуди строго се изобличувани и не биле распространети.
Подоцна, тие пагански идеи повторно се вовлекле во христијанството. Во четвртиот век се вовело најнапред поклонувањето и молењето на светците, а потоа и поклонувањето и молењето на мајката Исусова, најпрво во Арабија од една секта, наречена Колиридијани, принесувајќи и лебови како на „небесна царица“ * Тогашните црковни учители им се противеле на таквите поклонувања, та за некое време и ги стопирале. Во петтиот век почнале Дева Марија да ја нарекуваат „Богородица“ и постепено да и искажуваат поголема чест, додавајќи го името Небесна Царица.
Триста и осумнаесетте Свети Отци во симболот на верата ја нарекуваат „Марија Дева". Дева Марија била мајка на Исус само по тело (Рим. 1:3). Во деветтиот век масовно и се поклонувале и и се молеле. Целото време, а особено во последните времиња, поклонувањето на Марија го надминало дури и поклонувањето на Господ Исус Христос. Некои отишле дотаму што сосем произволно дури и нејзиното зачнување го прогласиле за безгрешно, правејќи догма, која не само што не е потврдена од Св. Писмо, туку е и јавна заблуда. Така и денес продолжуваат да и се поклонуваат и молат двапати и трипати повеќе отколку на самиот Исус Христос. Така, сега тие поправилно е да се нарекуваат маријани, а не христијани. Други пак, иако ја отфрлаат заблудата за безгрешното зачнување на Дева Марија, сепак, не помалку од првите и се поклонуваат и и се молат како на мајка Божја и ја почитуваат како Небесна Царица. Според Св. Писмо, само семоќниот и сеприсутниот Господ Бог царува и на небото и на земјата. (2 Мојс.15:18; Пс. 9:16; 145:10; откр. 11:15) Нема друг соучесник во Неговото царување. (Данаил 4:34). Светото Писмо учи дека единствениот спасител на светот е Исус Христос (Дела Ап. 4:11-12) и единствениот посредник меѓу Бог и луѓето. (1 Тим. 2:5; Јован 14:6). Затоа ни Дева Марија, ни друг некој може да не спаси или да посредува за нас. Кога некои му рекле на Исус, како што читаме во евангелијата: „Ете, мајка Ти и браќата Твои стојат надвор и сакаат да зборуваат со Тебе". Тој одговорил: „Која е Мојата мајка и кои се Моите браќа?". Покажувајќи со раката на учениците, вели: „Еве ја Мојата мајка и Моите браќа; зашто кој ја исполнува волјата на Мојот небесен Отец, тој Ми е брат, и сестра, и мајка." (Мат. 12:47-50; Марко 3:31-35). „Мојата мајка и Моите браќа се оние, што го слушаат словото Божјо и го исполнуваат." (Лука8:21).
Од овие Исусови зборови станува јасно дека Тој многу повеќе го почитувал духовното родство отколку телесното. Со тоа јасно не учи дека духовните роднини, т.е. сите што ја исполнуваат Неговата волја, му се подраги дури и од мајка Му. Уште повеќе, Тој ни покажува дека во управувањето на своето небесно царство ни најмалку не ја меша мајка си, по тело, се со цел да ги испревари следбениците и да ги зачува од заблудата за која, расудувајќи човечки, би можеле да паднат - да и се молат нејзе за помош и да се надеват на спасение од неа. Ако Исусовата мајка имала таква власт да помага и да содејствува во спасението на луѓето, дали боговдахновените апостоли би премолчиле и не би кажале нешто за неа? Немаше ли нешто повеќе да напишат за неа, да ја препорачаат на грешниците и да ги побудуваат сите за да прибегнуваат кон неа? Секому му е познато каква ревност имал апостол Павле за спасението на луѓето, а тој не го ни споменува името на Дева Марија. Јован, којшто го напишал своето Евангелие најдоцна од сите други евангелисти, со посебна цел - да го надополни напишаното од нив, на кого таа (Дева Марија) му била препорачана од Христос како мајка и кај кого таа живеела по Христовото распнување, не напишал ништо повеќе одшто другите за неа, ни пак за пејзината смрт. Освен на едно место (Дела ап. 1:14), апостолите не спомнуваат ништо за неа ни во делата апостолски, ни во посланијата.
Премолчувањето од апостолите и многу кусото спомнување од евангелистите за мајката Исусова,мислите ли дека е непочитување и презир кон неа? Не! И ова, како и Христовите зборови погоре, не се ништо друго освен предупредување за нас, како што веќе рековме, да не паднеме во заблуда – да и се поклонуваме и да и се молиме. Навистина, ние сме должни и треба да ја сакаме како мајка на Исус, на Спасителот, и да ја почитуваме како најблажена и најблагословена меѓу жените (Лука 1:42). Но од тоа не произлегува дека треба да и се поклонуваме и да и се молиме. Кога жената од насобраниот народ извикала и рекла: „Блажена е утробата, што Те носела, и градите, од кои си се хранел!", Исус одговорил: „Да, но блажени се и оние што го слушаат словото Божјо, и го пазат". (Лука 11:27-28). А на друго место: „Блажени се бедните по дух"; „Блажени се оние што плачат"; „Блажени се кротките", итн. (Матеја 5:3-12). Исто така е кажано и за Јаил во Светото Писмо: „Нека е благословена мегу жените Јаил" (Судии 5:24).
Произлегува ли од сето тоа дека треба да им се поклонуваме и да им се молиме на блажените и благословените? Има и такви што мислат, затоа што Христос бил девет месеци во утробата на Дева Марија, ја осветил и и дал божественост, та затоа треба да и се поклонуваме. И таквото мислење, ако добро се испита, не држи да се земе како основа за поклонување. Со ништо не се докажува дека Христовото деветмесечно живеење во Дева Марија и дава божественост. Ако
во еден сандак биле ставени скапоцени камења, а потоа изведени, останува ли нешто од скапоценоста во сандакот? Треба ли тој сандак да се цени според цената на скапоцените камења? И Христовото живеење во Дева Марија не ни дава право нејзе да и се поклонуваме или да и се молиме како на осветена и обоготворена. Погрешното мислење за поклонувањето и молењето произлегува од заблудата на некои коишто мислат дека Дева Марија е мајка на вечното божество Исусово. И уште нешто, апостол Павле вели дека Светиот Дух, кој е Бог, живее во вистинските христијани. „Не знаете ли вие дека сте храм Божји, и Духот Божји живее во вас". (1 Кор. 3:16,17, 2 Кор. 6:16). Сепак, тоа не значи дека треба да му се поклонуваме и да му се молиме на секој христијанин, во кого живее Бог - Свети Дух. Најпосле ќе речеме, дури и да била Марија мајка на божеството Исусово (како што не била), сепак, не треба да и се поклонуваме и да и се молиме, зашто е забрането. Св. Писмо не дозволува поклонување на никој друг освен на Господ Бог. „На Господа, твојот БОГ, да Му се поклонуваш и само Нему да Му служиш." (Мат. 4:10) „И ако некој згреши, кај Отецот имаме застапник, Исуса Христа, праведникот." (1 Јован 2:1). „Зашто еден е БОГ, и еден е посредникот помегу Бог и лугето - Човекот Христос Исус". (1 Тим. 2:5) „Зашто под небото нена друго име дадено на луѓето, со кое би можеле да се спасиме." (Дела Ап. 4:12). „И рече Марија: Мојата душа Го велича Господа и мојот дух се зарадува во Бога, Спасителот мој." (Лука 1:46-47)

 

[Stanlio]

Vcera bese praznikot na pojasot na Bogorodica.
http://www.mpc.org.mk/Kalendar/prolog.asp?id=1761

Dali nekoj znae kako se odbelezuva ovoj praznik?

 

[MIKI1]

Денот е сеќавање на настанот, кој можеш да го прочиташ на посочениот линк. Начелно, денот не е обележан како посебен празник (со црвена или црна боја во црковното календарче), но и на тој ден, се служи вечерна молитва, придружена со мала проповед од свештеникот, посветена на настанот од денот.

 

[Чорбаџија]

Vcera bese praznikot na pojasot na Bogorodica.
http://www.mpc.org.mk/Kalendar/prolog.asp?id=1761

Dali nekoj znae kako se odbelezuva ovoj praznik?

На сите православци им го честитам празникот на каишот на Богородица. Нека му е вечна слава на каишот!