Акто 6 - фестивал за современи уметности - 11.8- 14.8 Битола

  • Креатор на темата Креатор на темата ИвањушкА
  • Време на започнување Време на започнување

ИвањушкА

some-thing
Член од
17 јули 2009
Мислења
342
Поени од реакции
526
zzzzzzzzakto-6-plakat-web-720px-x-1000px-01.jpg

АКТО РАБОТИ НИКОГАШ

Ве информираме дека и оваа година ќе имате можност да бидете дел од Интернационалниот Фестивал за современи уметности АКТО. Шестото по ред издание на Фестивалот ќе се одржи од 11-14. август во Битола. Самиот фестивал опфаќа визуелни уметности, изведувачки уметности, музика и теорија на култура. Организатори на Фестивалот се уметничкиот директор Филип Јовановски и продуцентите Никола Димитровски, Александар Јовановски и Борче Димитровски.

Фестивалот АКТО е дел од Битолското културно лето Битфест што пак е во организација на општината Битола и градоначалникот Владимир Талевски кој и овојпат го подржува Фестивалот технички, финансиски и логистички. Како и досега и оваа година фестивалот ќе се презентира преку двете константи форми со кои се занимава, а тоа се темата и просторите. Целта на Акто Фестивалот е отварање на културните рамки на едно современо општество преку нивно ре-поставување и дефинирање во нов контекст.Шестото издание на Акто става особен акцент на визуелните уметности и музиката.
***********************************************************
ПРОГРАМА

Оваа година на АКТО како дел од уметничката програма ќе има 30-тина еминентни учесници од Македонија, Италија, Хрватска, Бугарија и Србија, додека во музичкиот дел преку дваесет познати музичари од Македонија Србија и Канада. АКТО за своја насловна тема ја избра РАБОТИ (НИКОГАШ) ! Како повод за темата е графитот што францускиот филозоф Ги Дебор го испиша на еден зид од улицата покрај Сена во Париз кој гласеше Ne travaillez jamais / РАБОТИ НИКОГАШ !

После точно 58 години во Битола на улицата Солунска е испишан графитот РАБОТИ (НИКОГАШ)! Таа конциденција беше искористена како тема за овогодинешниот АКТО фестивал за современа уметност. Преку делата на овогодинешните уметници одново се прави обид да се преиспита поимот на работа и во емотивна и материјална смисла, како и негово значење во денешен современ контекст.

Провокативни и уникатни со својата уметност и делата кои ги презентираат насекаде низ светот оваа година на АКТО ќе настапат домашните уметници Игор Јосифов, Сузана Милевска, Игор Тошевски, Проект Зеро плус, Зоран Попоски,Драгана Заревска, Јасна Димитровска, Никола Узуновски, Филип Јовановски и Атанас Ботев, од Хрватска гостуваат контроверзните визуелни уметници Власта Делимар, Милан Божиќ, Немања Цвијановиќ и Петра Ковачиќ, Иван Мудов од Бугарија, уметничката група DETEXT (Raul Martinez и Valentin Duceac),гостинот кој потекнува од Мексико а живее во Италија Gaston Ramirez Feltrin како и италијанските визулени уметници Alessandro Mancassola, Anja Puntari и Barbara Cesarini Basilico.
zzzzzzzzzzposter-muzika.jpg


Во музичкиот дел на АКТО или таканаречената OFF програма пред публиката на денот на отварањето започнува со 20 години слободни канал 103 вечер, настап на ди џеите на канал 103, Millko и Sound Pollution, на 12 август ќе настапи светскит познатиот бенд од Канада Handsome Furs, домашните Т.Б. Трачери, Паркети, ХАХАХА и Молокаи, додека во сабота 13 август гостува познатиот диџеј од Србија Марко Милосавлевиќ и домашните диџеи K. Petrovsky, Saso Resid, Goran Tech иI Stojche.
*******************************************

Ден 1

Четврток_11.08.2011
Отворање на фестивалот

20:00ч.
Локација: Офицерски дом, пред споменик на Стив Наумов

ПОРТРЕТ НА УМЕТНИКОТ КАКО КУЛТУРЕН РАБОТНИК,
ЗОРАН ПОПОСКИ
(перформанс)

21:00ч.
Изложба 20 ГОДИНИ СЛОБОДНИ / КАНАЛ 103
“Леле” Метод,Simulakredenec, Labor party, Драгана Заревска / Јасна Димитровска (инсталација)
Не зјапајте романтично! Филип Јовановски (event, инсталација)
Портрет на работникот како уметник, Филип Јовановски (перформанс)
Талкање, Игор Тошевски (видео инсталација)
Percevez(plus), Beatrice Andre, (инсталација)
Love the future, Никола Узуновски (инсталација)
АНП / АВТОРСКИ НИЗ ПОЈАВНОТО, Група автори, (видео инсталација)
Јam , Неда Фирфова (инсталација)
Yugostalgia, Walter Steinacher (перформанс, инсталација)
Подмукли Процес!, Анонимен автор (по предлог на Драгана Заревска, Филип Јовановски, Дарко Алексовски (инсталација)
**********************************************

Ден 2

Петок_12.08.2011

Локација: Широк сокак
Libertas, Маријана Вукиќ (настан, знаме)

18:00ч.
Локација: Кружен тек на излез Битола-Охрид
Priority, Иван Мудов (настан)

20:00ч.
Локација: Кино Македони
Very hapy people, Progettozeropiu (видео)
Self portraits, Detext (настан)
Gotcha, Gaston Ramirez (видео)
Roye Lee, Mancassola Basilico (видео)
Lancetti, Mancassola Basilico (видео)
idol, Ања Пунтари (видео)
Por, Ања Пунтари (видео)
Atuenco, Ruben Guttierez (слика)
Great Dinar yorkshere, Nemanja Cvijanovic (видео)
Priority, Иван Мудов (видео)

22:00ч.
Локација: Паркинг пред Центар на култура
Mass v Power, Progettozeropiu (настан)
**********************************************************

Ден 3

Сабота_13.08.2011

11:00ч.
Локација: Плоштад Магнолија

Aplauz, Немања Цвијановиќ (настан)

20:00ч.
Локација: Плоштад Магнолија

УМЕТНИКОТ 2-КАФЕ И ЦИГАРИ, АТАНАС БОТЕВ (перформанс)

21:00ч.
Локација: Центар за култура

НОЌ НА ПЕРФОРМАНСИ
АКТО FESTIVAL & PERFORACIJE ФЕСТИВАЛ ZAGREB

In the Mind’s I
Колаборативен перформативен проект на Ворен Најдик (Warren Neidich) со Факултетот за ликовни уметности, Скопје. Соработници: Сузана Милевска и уметниците Дарко Алексовски, Симона Манчева, Филип Ризов, Катерина Соколова, Ивана Спироска, Слободанка Стевчевска.

Act(ing), PETRA KOVACIC (перформанс)

Cycle: Erszebet Bathory, VLASTA DELIMAR (перформанс)

Un-tight-en, IGOR JOSIFOV (перформанс)

I am always watching you, I, Viktorija Ilioska (перформанс)
**********************************************************************

Ден 4

Недела 14.08
Затворање на фестивалот

20:00ч.
Локација: Офицерски дом

Документарен филм:
АКО НИКОЈ НЕ СВИРИ
Режија:Ѓорѓи Јаневски

21:00ч.
Доделување на Акто награда

22:00ч. -
OFF Програма
We pretend home parties
***********************************************

АКТО ТРАНСПОРТ

OFF ПРОГРАМА

АКТО ТРАНСПОРТ

Четврток_11.08.2011

Поаѓање: 14:30ч.
Враќање: 03:10ч.

AKTO ТРАНСПОРТ – ЖУРКА ВО ВОЗ

/ Журка во воз на дестинација Скопје – Битола - Скопје /

КАНАЛ 103 DJ’S

Петок_12.08.2011

Поаѓање: 14:30ч.
Враќање: 03:10ч.

AKTO ТРАНСПОРТ – СЛОБОДЕН ПРЕВОЗ
/ Слободен превоз на дестинација Скопје – Битола - Скопје /

Сабота_13.08.2011

Поаѓање: 14:30ч.
Враќање: 03:10ч.

AKTO ТРАНСПОРТ – СЛОБОДЕН ПРЕВОЗ
/ Слободен превоз на дестинација Скопје – Битола - Скопје /

/ Резервација на : 071800053 / dimijmk@yahoo.com /

За резервација потребно е вашето име и презиме, како и да го наведете денот кога сакате да патувате.

ПРЕВОЗОТ Е БЕСПЛАТЕН / БРОЈОТ Е ОГРАНИЧЕН
 
Јако,јако вчера.. Од тоа што стигнав да слушнам - Т.Б. Трачери квалитет, Handsome Furs убедливо најдоброто нешто на вечерта, Паркети ништо посебно за мене, Хахаха штета што им слушнав само една песна и тоа е тоа..
P.S. Убај јаболката :icon_mrgr:
Одиме даље вечерва..
 
Типката од Handsome Furs е похаце од половина самопрогласени хаце металци. Владее!!!
Дечкото од бендот, солиден гитарист и добар хумор убацуваше. Интересен бенд и тоа многу.
 
Ептен кул бенд канаѓаните. Типот е луд -For all of you who shook my hand earlier I forgot to wash up so you touched my penis.

Вечер не очекувам ништо од дџите ама локацијата ме привлеква премногу.
 
Ептен кул бенд канаѓаните. Типот е луд -For all of you who shook my hand earlier I forgot to wash up so you touched my penis.

Вечер не очекувам ништо од дџите ама локацијата ме привлеква премногу.
назад во школските денови ?? :coffee:
Мене вчера локацијата не ме бендиса..Потаму да одеа..:P
 
Акто секогаш избират такви чудни неконвенционални места за нивните настани.
И Соколски не беше лошо, таман беше местото, организиран превоз, а и имаше многу луѓе ко за така далечно место.

А не знам како му дозволиле во горната да прат ^_^
 
Троа криво ми е шо не појдов на свирката во Соколски, ме здупија по малку колегите :rolleyes:
....шо се тиче у горна гимназија... зимање пива и да не нема .....од шо беше јако :)
 
Троа криво ми е шо не појдов на свирката во Соколски, ме здупија по малку колегите :rolleyes:
....шо се тиче у горна гимназија... зимање пива и да не нема .....од шо беше јако :)
Не му иди паметот на АКТО секоја година со овие "HAUS" журките. Културна музика, демек. lolo
 
АКТО 6 и официјално затворен. Се на се добро издание. Ја би за следната година наместо хаус журките би внесол малце свежина со днб,дабстеп, а што и да не хип-хоп журка.. :coffee:
 
АКТО 6 и официјално затворен. Се на се добро издание. Ја би за следната година наместо хаус журките би внесол малце свежина со днб,дабстеп, а што и да не хип-хоп журка.. :coffee:
абе ретро или латино музика е поарна од оние срањата шо ги пуштат. тех-хаус , прогресив, минимал бла бла бла ... жими к***т :pos:
 
И АКТО официјално заврши вчера, и ја би официјално такоџe да се пофалам дека колаборативниот проектот односно перформансот во кој што учествував заедно со моите колеги и професорката по
Историја и теорија на ум. од Факултетот за ликовни уметности Сузана Милевска , ја добивме наградата за интердисциплинарност "Драгиша Наневски", која се доделува секоја година на АКТО.
вухууууууууууууу :giggle::LOL:
--- надополнето: Aug 15, 2011 1:22 PM ---
http://kajgana.com/kultura/„-minds-i-pobednik-na-akto ....ме прекрстија во Ирена, thats just great, супер супер, му се радувам на моето име повеќе од се на светов -.-
 

Kajgana Shop

Back
На врв Bottom