МК-рекорди:20 доктори и 280 магистри се невработени

  • Креатор на темата Креатор на темата oon
  • Време на започнување Време на започнување

oon

Член од
3 ноември 2008
Мислења
3.169
Поени од реакции
1.333
МК-рекорди:20 доктори и 280 магистри се невработени

15.10.2010

Ова е најголем број невработени со вакви титули досега. Пораст бележи и бројот на невработените со завршено високо образование

laptop%5B6%5D.jpg


Дваесет доктори на науки и 280 магистри се пријавени во Агенцијата за вработување како невработени лица, покажа последната евиденција на оваа институција. Ова е најголем број досега на евидентирани невработени лица што ги имаат највисоките образовни титули. Пораст бележи и бројот на невработени со завршено високо образование и според последната евиденција за август тој изнесува 20.265 лица.

Според профилот на занимање, најмногубројни се доктори по филолошки науки, доктори по филозофија и доктори по географија. Од невработените магистри, најмногубројни се магистрите по економски науки, по правни науки, по земјоделски науки, како и по филологија. Слична е и ситуацијата со лицата што се стекнале со високо образование - најмногубројни се дипломираните економисти, правници, но и професорите по одделенска настава, лекарите и психолозите.

За некои универзитетски професори, она што и недостига на земјава се доктори по технички науки, но и математичари, хемичари, физичари.

- Ако државата не најде начин преку стипендии, на пример, да ги мотивира студентите, многу е извесно дека ќе останеме без професори по математика и по физика. За струките што се дефицитарни, на најдобрите студенти треба да им се гарантира вработување, па тогаш ќе се зголеми интересот за овие науки. Тоа што бројот на невработени економисти и правници расте е така зашто на универзитетите, особено на приватните, има студии по информатика, менаџмент, но не и по хемија, математика – смета Доне Ѓершановски, декан на Природно-математичкиот факултет.

Меѓу невработените магистри и доктори на науки нема ниту едно лице што се стекнало со ова звање од областа на техничките науки. И Аристотел Тентов, професор на Факултетот за електротехника и информациски технологии, вели дека нема ниту еден невработен магистер од електроструката.
- Кога се прашувале луѓето уште во поранешна Југославија во што треба да се инвестира, одговорот бил – во техничките факултети. Техниката е основен двигател на секое општество. Факт е дека ни недостигаат магистри и доктори на науки за потребите на новите технички факултети. За да ја смениме ваквата слика, треба на образованието да гледаме како на долгорочна инвестиција – вели професорот Тентов.
Иако земјава бележи суфицит на дипломци и магистри по право и економија, квотите за упис на нови студенти за овие студии не се намалуваат. За да се подобри сликата за техничките науки, пак, државата отвори факултети во повеќе градови низ земјава, но сепокажа дека интересот е мал.
za-vtr.jpg










http://www.novamakedonija.com.mk/NewsDetal.asp?vest=101510855174&id=9&setIzdanie=22108
 
не е се да го завршиш факултетот, треба да знаеш и да се снајдеш :)
 
не е се да го завршиш факултетот, треба да знаеш и да се снајдеш :)

Зависи ако си член на некоја партија ќе се снајдеш,ама ако не си тешко тебе, за жал ова е реалната и лошата слика на Македонија...
 
Па денес сите магистри станаа, не ме чудат фактиве :toe:
 
Па денес сите магистри станаа, не ме чудат фактиве :toe:

Истово сакав да го кажам.
Денес самиот систем 3+2, направи скоро сите да продужуваат даље, пошо ништо не правиш со три. И сега магистри ќе бидат невработени. Е па ќе бидат. Кога системот прави интелектуални инвалиди.
 
Плус неправилна распоредба. После ке се бунат зашто се доктори и невработени. Па вишок создавате бе луѓе. Учете нешо друго шо е барано а нема такви многу. Економисти и правници не ни требаат. Според мене овие струки треба пауза да направат некој период. А кој стварно сака да се запише на тие струки ке може и да си причека некоја година. Нема никаде правило дека одма после средно мора на факултет.
 
Факултетот е новото средно :). Нормално дека вакви проблеми ќе се создаваат кога 90% од средношколците се запишуваат на факултет. Од нив колку ќе се откажат, колку ќе влечат и колку на време ќе го завршат .... Апсолутно нема смисла бидејќи во пракса го прави факултетот задолжителен, и за да си нешто подобар нормално треба на пост да идеш, а единствена причина државата да го подржува таквиот тренд е да ја намали невработеноста на хартија ваљда.
 
Сите тие доктори на науки имаат некои приходи, не е можно да немаат никакви приходи и да седат дома со таква титула, за магистрите ништо и не ме чуди секој кој ќе заврши факултет оди на посдипломски.
 
Сите тие доктори на науки имаат некои приходи, не е можно да немаат никакви приходи и да седат дома со таква титула, за магистрите ништо и не ме чуди секој кој ќе заврши факултет оди на посдипломски.

И тоа што викаш, барем хонорарно, башка и трудот да им го објават во книга и од тоа може да се зема некој денар.
 
Па денес сите магистри станаа, не ме чудат фактиве :toe:

Истово сакав да го кажам.
Денес самиот систем 3+2, направи скоро сите да продужуваат даље, пошо ништо не правиш со три. И сега магистри ќе бидат невработени. Е па ќе бидат. Кога системот прави интелектуални инвалиди.

Сте виделе ли дека минимумот за вработување во државна структура е 240 ектс што е еднакво на - магистер :) од таму и оваа бројка на магистри и се тоа пропратено со самиот ектс кој нуди 3+2.

Технички факултети... ко демек сите сме кадарни за техничките факултети бе, и најпосле зарем сите кои ќе завршат на техничките факултети ќе бидат весело вработени?
 
Сте виделе ли дека минимумот за вработување во државна структура е 240 ектс што е еднакво на - магистер :) од таму и оваа бројка на магистри и се тоа пропратено со самиот ектс кој нуди 3+2.

Технички факултети... ко демек сите сме кадарни за техничките факултети бе, и најпосле зарем сите кои ќе завршат на техничките факултети ќе бидат весело вработени?

Па да де, убаво си пишав јас во постот.

Истово сакав да го кажам.
Денес самиот систем 3+2, направи скоро сите да продужуваат даље, пошо ништо не правиш со три. И сега магистри ќе бидат невработени. Е па ќе бидат. Кога системот прави интелектуални инвалиди.
 
Сте виделе ли дека минимумот за вработување во државна структура е 240 ектс што е еднакво на - магистер :) од таму и оваа бројка на магистри и се тоа пропратено со самиот ектс кој нуди 3+2.

Технички факултети... ко демек сите сме кадарни за техничките факултети бе, и најпосле зарем сите кои ќе завршат на техничките факултети ќе бидат весело вработени?


Да де да, знам дека се прави пропаганда по телевизииве да се запишат сите на факултети, видов на некои факултети примени матуранти рангирани и со по 50 перцентили, тоа е сите двојки да ти биле во средно а на матура едвај 2 да си имал по се` и сепак некој ти кажал дека си кадарен за на факултет и си отишол да се запишеш. Ова беше на државните факултети, за на приватните можам да замислам со колку перцентили се имаат запишано матуранти, затоа не ни вадат списоци ни било кое рангирање :toe:

Мојот факултет си има 240 кредити/четиригодишни студии, но знам дека некои факултети немаат четиригодишни студии па студентите се приморани да одат на постдипломски за да најдат работа во државна администрација а не секој има толку пари за фрлање и после пак тоа да не му гарантира дека ќе има сигурно работа.
 
Па еве вчера просветниот инспекорат јасно кажа: на сите државни факултети врие од непотизам. На медицински толку, на машински толку, ваму толку, таму толку. Епа затоа дел од овие доктори на науки ќе си седат дома, бидејки нивното столче е земено од некое татино синче или мамино галениче...

Втора најголема причина е неконтролираното делење докторати и магистратури.
 
Втора најголема причина е неконтролираното делење докторати и магистратури.

На кој начин би можело да се стави контрола на делењето докторати и магистратури? Да се оформи комисија која ќе решава кој може, а кој не може да се стекне со титула?

Дискриминација би имало, и повеќе МИТО.
 
На кој начин би можело да се стави контрола на делењето докторати и магистратури? Да се оформи комисија која ќе решава кој може, а кој не може да се стекне со титула?

Дискриминација би имало, и повеќе МИТО.

Построги би биле критериумите за докторати и магистратури. Тоа сака да каже. Не може едноставно секој да биде магистер или доктор, а да не знае да напише еден труд како што треба.
Ко шо читав сега за докторат ќе се заоструваат критериумите, т.е за да станеш доктор на науки ќе треба да имаш објавено трудови и на домашно и на интернационално ниво.

Затоа ќе се бунат шо немаат работа, СИТЕ станаа магистери, порано се знаело колку било тешко да се дојде до магистратура. Не е поентата на образованието, посебно високото, да се дојде до највисок степен онака, од ракав.
 

Kajgana Shop

Back
На врв Bottom