- Член од
- 3 ноември 2008
- Мислења
- 3.169
- Поени од реакции
- 1.333
UPDATE
2012
Вработување чекаат 16 доктори на науки и 692 магистри
29.11.2012
Покрај нив, дома седат и 20.669 лица со факултетска диплома
Рекорден број од 692 магистри се евидентирани како невработени во Агенцијата за вработување. Дури 20.669 други се невработени со завршено високо образование, а освен нив, работа чекаат и 16 доктори на науки.
Ова се бројки од последниот извештај на Агенцијата за вработување за октомври, кој ја отсликува состојбата на невработените лица според степенот на образование.
Бројката на граѓани со факултетска диплома што чекаат работа континуирано се зголемува, а најмногубројни се оние што завршиле правни и економски науки.
- Во Агенцијата досега се евидентирани вкупно 246.841 невработено лице. Од сите нив, од профилот доктор на наука евидентирани се доктор по економски науки, доктор по медицински науки, доктор по филозофија, доктор по ветеринарни науки, доктор по социологија и доктор по филолошки науки. Од оние, пак, со завршено високо образование, најмногубројни се дипломирани економисти, правници, професори по одделенска настава, дипломирани на јавна администрација, дипломирани социјални работници, психолози и педагози - информираат за „Нова Македонија“ од Агенцијата за вработување.
Од магистрите што чекаат работа, пак, најмногубројни се исто така магистрите по економски и по правни науки. Потоа следуваат магистри по политички науки, меѓународни односи, педагогија, социјална политика, магистри по филолошки науки, јавна администрација, ликовна уметност, магистри по музички науки и по земјоделски науки. Пред точно една година, бројот на магистри што немаат вработување бил 424, или за 268 помал од денешниот. Пред четири години, пак, оваа бројка била 185, кога имало и осум доктори на науки без работа.
Меѓу високообразовниот кадар што чека вработување нема лица што се стекнале со звања магистер или доктор од областа на техничките науки. Според универзитетските професори, мора да се смени односот кон овие науки за да почнат да се произведуваат онолку колку што има потреба од нив пазарот на трудот.
- Факт е дека ни недостигаат магистри и доктори на науки за потребите на новите технички факултети. За да ја смениме ваквата слика, треба на образованието да гледаме како на долгорочна инвестиција - вели професорот Аристотел Тентов од Факултетот за електротехника и информациски технологии.
Анализата што минатата година ја правеа Агенцијата за вработување, Министерството за труд и социјална политика и Министерството за образование и наука, покажа дека на државата ѝ фалат професори по математика, градежни инженери, програмери, ветеринари, а е преплавена од правници, наставници, економисти, административци и професори по македонски јазик. По ова следуваа и препораки за факултетите да се стават во мирување повеќе студиски програми - професори по одделенска настава, учители, професори за предучилишно образование.
Од невработените лица од профилот магистер најмногубројни се:
http://www.novamakedonija.com.mk/NewsDetal.asp?vest=112912843116&id=9&prilog=0&setIzdanie=22742
2012Вработување чекаат 16 доктори на науки и 692 магистри
29.11.2012
Покрај нив, дома седат и 20.669 лица со факултетска диплома
Рекорден број од 692 магистри се евидентирани како невработени во Агенцијата за вработување. Дури 20.669 други се невработени со завршено високо образование, а освен нив, работа чекаат и 16 доктори на науки.
Ова се бројки од последниот извештај на Агенцијата за вработување за октомври, кој ја отсликува состојбата на невработените лица според степенот на образование.
Бројката на граѓани со факултетска диплома што чекаат работа континуирано се зголемува, а најмногубројни се оние што завршиле правни и економски науки.
- Во Агенцијата досега се евидентирани вкупно 246.841 невработено лице. Од сите нив, од профилот доктор на наука евидентирани се доктор по економски науки, доктор по медицински науки, доктор по филозофија, доктор по ветеринарни науки, доктор по социологија и доктор по филолошки науки. Од оние, пак, со завршено високо образование, најмногубројни се дипломирани економисти, правници, професори по одделенска настава, дипломирани на јавна администрација, дипломирани социјални работници, психолози и педагози - информираат за „Нова Македонија“ од Агенцијата за вработување.
Од магистрите што чекаат работа, пак, најмногубројни се исто така магистрите по економски и по правни науки. Потоа следуваат магистри по политички науки, меѓународни односи, педагогија, социјална политика, магистри по филолошки науки, јавна администрација, ликовна уметност, магистри по музички науки и по земјоделски науки. Пред точно една година, бројот на магистри што немаат вработување бил 424, или за 268 помал од денешниот. Пред четири години, пак, оваа бројка била 185, кога имало и осум доктори на науки без работа.
Меѓу високообразовниот кадар што чека вработување нема лица што се стекнале со звања магистер или доктор од областа на техничките науки. Според универзитетските професори, мора да се смени односот кон овие науки за да почнат да се произведуваат онолку колку што има потреба од нив пазарот на трудот.
- Факт е дека ни недостигаат магистри и доктори на науки за потребите на новите технички факултети. За да ја смениме ваквата слика, треба на образованието да гледаме како на долгорочна инвестиција - вели професорот Аристотел Тентов од Факултетот за електротехника и информациски технологии.
Анализата што минатата година ја правеа Агенцијата за вработување, Министерството за труд и социјална политика и Министерството за образование и наука, покажа дека на државата ѝ фалат професори по математика, градежни инженери, програмери, ветеринари, а е преплавена од правници, наставници, економисти, административци и професори по македонски јазик. По ова следуваа и препораки за факултетите да се стават во мирување повеќе студиски програми - професори по одделенска настава, учители, професори за предучилишно образование.
Од невработените лица од профилот магистер најмногубројни се:
- Магистер по правни науки
- Магистер по економски науки
- Магистер по меѓународни односи
- Магистер по политички науки
- Магистер по филолошки науки
- Магистер по социјална политика
- Магистер по јавна администрација
- Доктор по економски науки
- Доктор по медицински науки
- Доктор по филозофија
- Доктор по ветеринарски науки
- Доктор по социологија
- Доктор по филолошки науки
http://www.novamakedonija.com.mk/NewsDetal.asp?vest=112912843116&id=9&prilog=0&setIzdanie=22742