“Ќе им издигнам Пророк од среде нивните браќа, како што си ти,Ќе ги положам своите зборови во неговата уста,за да им каже се што ќе му заповедам”
Вие Иса а.с го сметате за пророк ??? Јас не мислам така. Среде нивните браќа, браќа на евреите биле арапите во тоа време.
Во Библијата арапите никаде не се наречени "браќа" на евреите. Повели наведи едно место во Библијата каде што арапите се наречени браќа на евреите.
Кога Библијата зборува за браќата на евреите, таа недвосмислено зборува за евреите. Еве еден добар пример за тоа, каде што експлицитно се вели дека браќа на евреите се евреите (а не арапите):
"Господ му рече на Мојсеја: Соопшти им на Израелевите синови (евреите) и речи им ....
Нив можете да им ги предавате во наследство на вашите деца, за да ги наследат за секогаш во сопственост. Кон нив можете да постапувате како кон робови. Но кон своите браќа, Израелевите синови, никој не смее да господари со жестокост." (Левит 25:1,2,46, Библијата)
Како што гледаш, оваа заповед Господ преку Мојсеј им ја упатува на Израелевите синови (евреите), и нивните браќа исто така ги нарекува Израелеви синови (евреи, а не арапи).
Дали ова го кажуваше Иса а.с. или Мухаммед с.а.в.с.?
Во книгата на Изаија 29 стих 12,читаме:
“А ако му биде дадена на некој што не знае да чита,велејќи:”Читај го тоа”!–тој ќе одговори:”Не знам да читам”
Тука не станува збор за пророштво туку за укор. Прочитај ја цела глава и ќе ти стане јасно. А еве ти го и стихот во неговиот контекст:
„Затоа секое видение ќе ви биде како зборови во запечатена книга: ако му биде дадена на некој што знае да чита, велејќи: „Ајде, читај го тоа!” - тој ќе одговори: „Не можам, зашто е запечатена.” А ако му биде дадена на некој што не знае да чита, велејќи: „Читај го тоа!” - тој ќе одговори: „Не знам да читам.” Господ рече: „Бидејќи овој народ Ми пристапува само со устата, и Ме почитува само со усните, а срцето му е далеку од Мене, и неговото почитување научено од човечки одредби, затоа, еве, и натаму ќе постапувам чудно со овој народ - чудно и пречудно: и ќе пропадне мудроста на неговите мудреци, ќе потемнее умноста на неговите умници.” Тешко им на оние што се кријат од Господа, за да ги скријат своите намери, и кои во мрак дејствуваат и зборуваат: „Кој нè гледа и кој нè позна?” Колкаво безумство! Дали се цени глината колку грнчарот, па делото да му рече на својот творец: „Тој не ме направи?” Или грнецот да му рече на грнчарот: „Тој не разбира ништо?”
“
(Исаија 29:11-16, Библијата)
Бог им зборува дека виденијата ќе им бидат како запечатена книга. Тој што ќе сака да ја отвори не ќе може да ја отвори
без разлика дали знае да чита или не. Значи Бог ќе им испраќа виденија преку пророците, но народот нема да ги препознава тие виденија, зато што во времето на Исаија народот е длабоко навлезен во идолопоклонство и паганство.
Првите зборови во Исаија на еврејски се: Ш'МА ЈИЗРАЕЛ, што значи ЧУЈ (СЛУШНИ) ИЗРАИЛЕ.
Целата книга на пророкот Израел има една порака: Чуј Израиле, слушни го тоа што ти го вели Бог, бидејќи ако не слушаш, бог ќе го сврти лицето негово од тебе, покај се и врати се при Бог. Никаде нема ниту еден збор кој што асоцира на Мухамед или на Ислам.
Приказната со Мухамед е сосем друга и ова не се применува на него.
