Ај да напишам нешто од денешна перспектива, пошто вчера сите бевме во фазон
wtf??? и повеќе емотивни реакции пишувавме а уште немавме претстава што по ѓаволите се случило. Па имавме во главно два вида постови:
1. Играчите се заслужни за првото полувреме а Бенитез е крив за второто.
2. Бенитез е заслужен за првото полувреме а играчите се криви за второто.
Во меѓувреме, сите заборавивме дека вчера уствари тепавме, хелоууу :classic:
Енивеј, фер е да се каже дека вчера беа одлични и Бенитез и играчите, и дека потфрлија и Бенитез и играчите. Првото полувреме беше газење, иако со огромна помош на судијата (поздрав до Марли) стигнавме до бодовите. Дечките си растураа, им влегуваа од сите страни. Нормално, знам дека Тотенхем е десеткуван во задната линија па и не е чудо, нивниот состав е како кај нас Матераци и Ривас да мораа да играат стопери вчера. Ето е во елемент, тоа што се врати на природната позиција има и дополнителен ефект, гладен е за голови, смачено му е да игра бек. И тој и Пандев жртвуваа многу минатата година и сигурно пак ќе жртвуваат ако мораат, но ова е тоа вистинското. Ето веќе има 14 голови и дури се поставува прашањето колку е паметно воопшто да се тргне од таа позиција, дури и по цена на тоа Милито да грее клупа. Кутињо има одличен осет за пас а Ето е навикнат да игра покрај такви играчи. Останатиот дел од тимот офанзивен, уште со Мурињо го надминаа оној страв да излезат од половината и да тргнат кон голот. Сега се размислува како да се даде гол, и тоа ме радува. Вчера посебно ме израдува влегувањето на Карло Кудичини. Се сеќавате ли на онаа статија на Карло Гаргамелезе од гоал.ком, по натпреварот Интер - Милан 2:0. Тогаш Карло пишуваше дека го гледал натпреварот со другиот Карло, и дека другиот Карло го пцуел Дида за голот што го примил од Пандев, и дека Карло го мразел Интер (факт, двајцата Карловци го мразат Интер). И кај сакаш подобро, Карло влегува во игра, спремен за торпедирање
Нема што многу да се додаде околу првиот дел, бевме надмоќни, решителни, доминиравме, газевме.
Вториот дел како и да е, го затемни брилијантното прво полувреме. Кај кого е вината и кои се причините?
Како јас гледам на работите, вина има и кај Бенитез и кај играчите, но повеќе кај вторите. Зошто? Вчера излезе инфо дека Бенитез по завршувањето бил многу лут во соблекувалната. Нормално. Но што правеше Бенитез на полувремето во соблекувалната? На 4:0 мотивацијата паѓа, и тука тренерот треба да даде се од себе да ги мотивира играчите. Можеби се обидел, не знам. Ако имавме замерки на Мурињо за натпреварот со Милан во кој Интер застана во второто, сега мислам дека можеби не било до Мурињо, и не е до Бенитез. Овој состав на Интер има чудна навика да покажува милост. Но и понатаму, од снимката се гледа дека Бенитез реагираше по првиот примен гол. Ме чуди зошто не реагираше по вториот? По вториот си остана на клупата. 90-та е, што има да станува. Факт е дека и тој бил на иста бранова должина како и играчите.
Но сепак, играчите се тие кои се на теренот. Со мотивацијата се мачеа и Манчини и Мурињо. Натпреварот со Тотенхем после 4-0 можам да го споредам со било кој натпревар со најслабите екипи од сериа А на кој водиме 0:1, а некогаш и 0:0. Еден куп играчи тотално незаинтересирани на терен, како Алваро Рекоба во последните денови во Интер. Шетачи, посматрачи, олеснувачи... Кога имаме силен противник како Челзи, Барселона, тогаш сите ораат по теренот. Проблем е мотивацијата. Проблем е кај сите, но кај нас е хроничен проблем. Трае со години и никако не се гледа крајот.
Но уште еднаш, вчера сепак победивме. Натпреварот не беше загрозен (пак фала му на судијата што не продолжил повеќе, и уште еден поздрав до Марли :smir
. Добра лекција е во секој случај. Добро е, како што вика Вијали, што не победивме 4:0, зошто онака опуштени во Лондон ќе не прегазеа. Сега барем знаат дека таму ќе мора да се одигра. Знаеме дека уште имаме недостатоци, но мислам дека тајмингот во кој ќе ги надминеме е вистинскиот, сега, кога започнуваат вистинските битки во првенството. Се надевам дека Занети е во право кога вика дека оној Интер од првото полувреме е вистинскиот, и дека тоа ќе го покаже во Лондон. Се надевам дека Бенитез од ова ќе свати дека мора да ја држи мотивацијата на највисоко ниво. Се надевам дека играчите ќе сватат дека после 4:0, чашата е само до пола полна и треба да се наполни. Се надевам дека Морати и Бранка ќе направат 2-3 интервенции во јануари. Знам дека е почеток на сезоната и место за некои посебни паники, нема. И онака ми недостигаше Pazza Inter
Ова не е ни саглам пост нити пак недај боже колумна. Само рандом мисли како што ми доаѓаат околу вчерашниот натпреварот. Се извинувам за несреденоста...
