Пред да се поднесат документите за развод треба да се направи добра проценка на односите помеѓу партнерите и дали вреди да се зачува бракот или неговото прекинување ќе биде од полза за сите.
Неизбежен развод во случај на...недоволна посветеност на бракот,недостаток на комуникација помеѓу сопружниците,неверство,напуштање од страна на еден партнер,зависност од алкохол и дрога,физичка,сексуална и психичка злоупотерба,“непремостиливи“ разлики во карактерите на партнерите,финансиски проблеми,мешање на свекор и свекрва/дедо и баба,недоволна зрелост како и интелектуална и сексуална способност,губење на љубовта и емоционалната поврзаност помеѓу партнерите,религиозни и културни разлики,ментални болести,криминално однесување и склоност кон извршување на кривични дела...
Како најчеста причина се истакнува недостатокот на комуникација помеѓу сопружниците.Кога комуникацијата ќе потфрли бракот е веќе на “стаклени нозе“.Не може да постои ефективен однос доколку не се разговара за чувствата,личните и заедничките проблеми и да се остави на партнерот да претпоставува во што всушност е проблемот.
Разводите најчесто се случуваат затоа што луѓето ретко ги кажуваат своите очекувања во бракот и откако ќе стапат во него не се трудат да го сочуваат,се потпираат на краткотрајни решенија наместо да ги искоренат проблемите во целост...не е ни чудно што луѓето веќе се разведуваат и доколку еден од партнерите има проблеми со спиењето и грчи во сон.
Многу од проблемите кои се појавуваат во бракот постоеле и во долготрајните врски пред него,само што двојките ги игнорирале и се надевале дека со бракот тие проблеми ќе се решат и тука всушност сите се спрепнуваат.
Факт е дека не можеме да промениме и да спасиме некого или да очекуваме од некој друг да го направи тоа за нас-за брак се потребни две целини,не две половини.
