Родители, чувајте си ги децата!

[leandra]

Родители, чувајте си ги децата!


Да сме Кина или Индија, да имавме повеќе од милијарда граѓани, па државата да речеше „Аман бе луѓе, тешко оди, многу сме за да може веднаш да откриеме како исчезнуваат децава“, ќе голтнев кнедла. Ќе речев, па да, многу сме.
Ама, за наша среќа или несреќа, не има колку еден сокак во Пекинг или во Њу Делхи, и не може да им простиме на одговорните што не знаат каде се децата.
Токму оваа голема дилема во државава, која се наметна откако се пресметавме и сфативме дека не поминал еден месец, а да не исчезнало некое дете, го наметна застрашувачкото прашање: „Дали некој ги краде децата?“
За експертите оваа појава е составен дел од развивањето на криминалната „сфера“ што ја овозможуваат порозните граници, поради што не е изненадување тоа што секојдневно се зголемуваат трговијата со оружје, дрога и со бели робје, но и најстрашното, шверцот со човечки органи. Иако кај нас последното се уште не е потврдено, појавата е присутна во сите земји што не опкружуваат. За тоа доволно говорат извештаите од повеќето странски хуманитарни организации и полициски служби. Поради тоа, не треба однапред да се исклучи ни таквата можност. Но, засега, многу се пореални претпоставките дека децата ги снемува, пред се, поради негрижата.
Едни велат дека државните институции не реагираат навреме на пријавите. Втори за виновни ги прогласуваат родителите, кои не се грижат доволно за децата. Сите се во право. И сите грешат. Полицијата истражува и трага. Социјалните и образовните институции помагаат колку што можат. Се грижат и родителите, но секој според своите знаења, можности и начинот на живеење.
Упатените предлагаат социјалните и образовните институции уште во градинките да ги учат децата за опасност од губење или од киднапирање. Но, што е со улиците на кои секојдневно можат да се сретнат се повеќе запуштени деца, кои очигледно се „ослободени“ од секаква грижа.
Ако полицијата ги врати на улица патролите, се разбира, со повеќе овластувања, можеби овие црни бројки ќе се намалат. Веројатно ќе помогне и едукацијата и тоа од најмали нозе. Но, сепак, најбитна е одговорноста на родителите. Тажен факт, со кој, конечно, сите треба да се соочиме, е тоа дека децата веќе не смеат да се пуштаат неконтролирано да талкаат по улиците и по ридовите. Никој не може да насети каде се се кријат нездрави или криминални умови и што се може да им текне на децата, така што нема држава што може да обезбеди 24-часовна заштита за сите. Може да се дебатира за брзината и за исправноста со која реагираат надлежните на пријавите за исчезнатите, но тоа што со сигурност може да се констатира е дека во земјава има премногу запоставени деца.

http://www.vreme.com.mk/DesktopDefault.aspx?tabindex=0&tabid=1

Кој треба да гарантира сигурност?Кој треба да ги чува децата?Кој е крив?

 

[Lurtz]

Најверојатно одговорот е познат за јавноста

Тажен факт, со кој, конечно, сите треба да се соочиме, е тоа дека децата веќе не смеат да се пуштаат неконтролирано да талкаат по улиците и по ридовите.

кој е излезот за родител во овој случај. Дали треба да ги придружуваме во Инсомниа, на игралиште на фудбал, во уличка каде се шетаат и намигнуваат на девојки, каде се забавуваат? Не би рекол.

но тоа што со сигурност може да се констатира е дека во земјава има премногу запоставени деца.

Оваа споредба е дискутабилна.
Да додадам дека начинот на чување на децата од пред 15-тина години и сега е потполно ист, а бројот на исчезнувања расте (во најмала рака да се забележи дека родителите се најмалку виновни за пораст на овој вид криминал).

 

[Красулка]

Навистина е застрашувачка ситуацијата, што се случува во нашата земја.
Во последниов период зачестија исчезнувањата на деца.
Сите го знаеме случајот Со Ангела кој го "разрешија" надлежните.

Во секој случај не е дека можеш да идеш со боринче по детето и секаде да го пазиш, меѓутоа и контролата од родителите е различна во зависност од возраста на детето.
Со оглед на возраста на децата кои се исчезнати, мислам дека сепак станува збор за "ослободени" деца од дома, така што недоволната грижа на родителите може да е е една од причините за ваквите појави.
Но сигурно е дека тие не се криви за ваквите настани.

За да се најде кривецот мислам дека треба да се тргне од расветлување на причините за грабнувањето на децата, па после до вистинските кривци.
Да се надеваме дека овие настани нема брзо да се заборават и да се турнат под чергиче како се во нашата држава.

 

[delfybuba]

Многу одамна гледав на телевизија како во Холандија,ги водат децата по трговски или на пазар...со каиш врзан околу половината на мајката/таткото а другиот крај за детето.
Си велев болна работа.Сосем исто како и кученцата шо ги водат.Ама не било така.
Родителите се грижат за децата.А децата во Македонија се премногу ослободени,и родителите исто.
-Македонија е ова,такви работи не се случуваат-
Во Македонија слободно може да се украде дете,посебно во малите места.
Тоа е застрашувачко и родителите мораат да обрнат повеќе внимание.Децата не смеат никако да се оставаат сами.

 

[-Даниел-]

Во Македонија децата имат дефенитивно добиено преголема слобода од страна на своите родители па можеби и затоа доаѓа до вакви појави. Сум видел и дете од 3 или 4 години само да се шета по пат и кој е за тоа крив ако не родителот, ако подобро се размисли мислам дека и државата е крива за тоа пошто ако родителот не се грижи доволно за своето дете можеби треба да му се одзеде наместо тоа невино дете да доживее пекол во тој дел од својот живот...

 

[Бат Елохим]

денес избега дете од училиште! Детето има 6 години, избега од Лазо Трповски и е пронајдено од шестоодделенец во близината на Тинекс во К3. Инаку катастрофа е сосотојбата во училиштето. Наставниците ги пуштаат децата надвор скроз сами и тие можат комотно да си излезат од главната капија, а родителите плаќаат и дополнително обезбедување. Училиштето иако се наоѓа на сред Карпош (нели најурбана општина во државава) тотално е запуштено, дворот личи на оние хорор куќи од мистерија-подфорум, педагогот и психологот служат за подмачкување на гомната на директорката и наставниците.
Како можеше ова да се дозволи во образованието.....

муабетот ми беше за деца од прво одделение, значи запишани со 5 години и 7 месеци (ко ќерка ми на пример)

 

[Наташа Радио Милева Мара]

Во Македонија децата имат дефенитивно добиено преголема слобода од страна на своите родители па можеби и затоа доаѓа до вакви појави. Сум видел и дете од 3 или 4 години само да се шета по пат и кој е за тоа крив ако не родителот, ако подобро се размисли мислам дека и државата е крива за тоа пошто ако родителот не се грижи доволно за своето дете можеби треба да му се одзеде наместо тоа невино дете да доживее пекол во тој дел од својот живот...

Точно така! Досега во Македонија беше многу безбедно па родителите беа и многу опуштени. Бев критикувана кога бев на одмор како јас претерано ги контролирам децата...но, живеам во земја каде секој ден исчезнуваат деца, силувани... Неможам да замислам дете да пуштам само на училиште, надвор да игра само... нон стоп се контролирани (знам страшно звучи, ја немаат слободата) но подобро без преголема слобода отколку ич да го нема.
Чувајте си ги децата, подобро под контрола отколку да вртиме во полиција...

 

[Тањушка]

Пу, пу, пу, скраја да е. Кога ќе се сетам дека јас на времето, во прво одделение сама одев и се враќав од училиште, со клуч врзан околу вратот, сама седев дома, јадев, се чував...нешто што ми е незамисливо да го направам денеска со моите деца. Секогаш ги имам на око, дури ни во двор не ги пуштам. без надзор. Абе никогаш не се знае. А грабнување ми е ноќна мора. Неколку пати имам сонувано како ми ги снемало децава. Кошмар! Иако, колку и да бидеш внимателен, никогаш не се знае. Како што кажа девојката погоре, во училишен двор на одмор ги пуштаат сами, па од кај знаеш дека нема да им текне да се прошетаат малку. Па не можеш ни како кученца да ги врзеш дечиња од прво, второ одделение, не се бебиња...

 

[leandra]

Пу, пу, пу, скраја да е. Кога ќе се сетам дека јас на времето, во прво одделение сама одев и се враќав од училиште, со клуч врзан околу вратот, сама седев дома, јадев, се чував...нешто што ми е незамисливо да го направам денеска со моите деца.

Јас од забавиште сама одев и улица преминував,исто со клуч на врат И дома си седев и ќотек си јадев баш како што е редот.Дали не фати параноја со децава или времево е такво не ми е јасно.Внук ми има 9 години и уште го чекаме и испраќаме на школо,сам дома во никој случај.Кога си игра пред зграда цела фамилија е на тераса да набљудува.Може претеруваме,може не ни веруваме во системот повеќе кој треба да не заштити.
Деца се краделе од секогаш.Сетете се само на 90те години Трст Виа Скопје серија што се прикажуваше,таа беше од реални случки.Јас како мала и имав незгодна ситуација среќа ме учеа со непознати да не правам муабет и да бегам колку што ме држат нозе.
Станавме параноични?

 

[rossonerka]

Живееме во такво време да мора и самите да се пазиме а посебно дечињата.
Али се киднапираат и постари лица. Да им забранат и на полнолетните лица да излегуваат надвор зашто може да ги киднапираат од Х причини (а пред се тука е трговијата со органи, која е прва претпоставка кога се работи за киднапирање на помладо лице). Повеќе во Македонија исчезнуваат полнолетни, него малолетни лица. Малолетните повеќе бегаат од дома. А тоа е веќе вина на родителите.
Во ред е родителите да се грижат за своите деца, не е во ред оние родители кои не се грижат ама да го зјапаш детето 24 саати и од балкон да го гледаш постојано додека игра? Да го испаќаш до училиште секој ден до 15 години иако школото му е на 2 минути пример? Да му забрануваш да излегува ако не можеш да го гледаш и му велиш ај седи пред компјутер, како тоа да е поздраво од играњето фудбал пред зграда?
Мене не ми е искрено логично тоа. Не дека не би го гледала детето еден ден, ама нема да живее во затвор кој јас ќе му го создадам.
Гледам дечиња кои многу се контролирани од родителите и не смејат да мрднат од нив ни 2 метри. А ако некој решил детето да го земе тогаш може и пред родителот да го направи тоа. Тоа е организирана криминална група која што ги прави тие киднапирања. Немоќен е родителот тука.

Не зборам за странство, не сум живеела ни да знам каква е стапката на криминал кон малолетните лица. Во Македонија послободни се децата. На 1 киднапирање годишно (иако може и едно да е на неколку години) детето да го затварам дома не иде. Подобро е да се воспита, да се знае кај да иде, со кој да збори, што да прави во училиште итн. Затвор 24 часовен до 18 години не му треба, барем не засега, за понатаму како ќе се одвиваат работите не знам. Али сепак далеку сме од Бруклин. Иако не му веруваме на системот имаме прилично ниска стапка на криминал, само имаме "добри" новинари кои за секоја улична тепачка не известуваат и креваат фама како да се испоубиле луѓето.

 

[marsovka]

Станавме параноични?

Да сме станале, превише амерички филмови гледање си го праат своето.

Прво и основно ако вие водите сметка за детето тогаш не верувам дека некоја будала ќе го украде, кој сака потерница на задникот. Тие деца кои исчезнуваат се деца питачи, деца роми.

Не знам каде поточно али имаше статистика каде се споменува дека околу 12 посто од ромите не постојат. Да точно не постојат!Немаат матичен број, не се евидентирани никаде. На власта и одговара да го отежнува тој процес бидејќи тие личности немаат право на здраствени картони, социјална помош или било каква помош и образование. Тие за власта претставуваат само пари плус трошење.
Е сеа било кој ги знае овие работи сваќа дека налетал на ризница за човечки органи, бело робје и тоа во Европа! не мора превише време да троши за транспорт нивен ниту пари.
Плус ромската заедница е позната по тоа дека ги остава своите деца на улица да живеат.Исто така и ги продаваат да не се лажеме.
Никој не е будала да грабне дете кое е чувано зошто родителите веднаш ќе реагираат и со тоа можат да добијат потерница по нивниот задник .
Кажи кој е будала да краде деца од школо кога има куп на улица за кој никој бе дава пет пари ?! Сериозно треба да е ментално заостанат.

Друга појава е залажување на малолетнички и малолетници со подобар живот во странција значи наместо вие да се однесувате како цајкан најдобро е да имате здрава комуникација со вашето дете за да дознаете што се случува исто така да го информирате за опасностите кои го демнат. Најдобро е да се снабдете со информации од невладини организации и совети како да ги извлечете информациите од вашето дете и како да спречите. Но едно е сигурно со падавичарење и параноја никаде нема да стигнете освен да израснете преплашено дете а тоа не е здраво.

Никако не смеете да му всадувате страв и параноја од луѓето утре он ќе треба да комуницира со непознати на работно место, школо, факултет како ќе ја изведе таа комукациија кога ќе гледа свесно или потсвесно непријател насекаде? како ќе гради врски и пријателства со таков став?

Толку од мене и давајте линкови за да мајките се снабдат со информации од невладини организации и совети како да востановат здрава комуникација и внесат во своето дете здрави сваќања а притоа да не има трауми и паранои.

 

[*-----*]

Не претерувајте со паранојата

 

[smart ass]

Јесте да надвор има ПСИХИ,ама има случаи на педофилија баш од луѓе блиски со родителите на жртвата.

 

[Lurtz]

Јеах рајт, децата и ние сме виновни што порано немаше вакви ствари (само инцидентно), а сега има. И ние сме се ашкале цел ден низ населба без родители, сами сме иделе кај ќе ни текнело -пола град ќе го минеш, од Маџир маало до парк ќе идеш...никој не те дирал. Мислам дека правата причина не е тоа. Поготово врзување со ортома за родителот. Јбг, затоа Македонија и Југославија беа едни од најбезбедните земји во Европа и пошироко. Ај сеа, дали е тоа причината -родителот или детето?

Кога сакаме да ктунеме дрво, треба да го одголиме и удриме по коренот, а не да удираме по лисјата бесцелно сметајќи дека дрвото се држи за лисјата.

Пред малку нешто глеав/читав за телевизијата и детската психа, за комерцијалните емисии и оние едукативни што се продуцираа порано од МТВ и емитуваа од други (као Опстанок), како еден од факторите за развој на здрава емотивна личност (споредбено со "модерниот запад" каде најчесто се даваат лимонади од типот телетабиси или Хамебран, трансформери). од друга страна, родителите во Македонија, сакаат или не, мораат да посветуваат голем дел од денот на работата, во спротивен случај им се заканува кратење од плата, дисциплински па и отпуштање (темата пазар на работна сила), многу често налик на робовладетелство (споредбено со "модерниот" запад каде е тоа многу поинаку уредено).
Можеби овие аспекти се предмет на расправа за друга тема (воопшто за состојбите во нашата држава), но во суштината ги допира и тоа како овие проблеми. истите не може да се занемарат или земат изолирано еден од друг. Не е значи само безбедносната состојба и чуварите на редот и мирот туку многу повеќе кое не зависи директно од нас граѓаните за да можеме да го промениме истото.

 

[Borg_Drone]

.....Едни велат дека државните институции не реагираат навреме на пријавите. Втори за виновни ги прогласуваат родителите, кои не се грижат доволно за децата. Сите се во право. И сите грешат......

Сите се во право, а сите се во право зошто не се вложува доволно во безбедноста на децата и од едната, но и од другата страна.
Но, заборавиле да ја споменат и третата верзија.
Има пример фамилии каде родителите посветуваат премногу внимание на своето дете, и премногу го чуваат но на крај детето пак одбира да го оди погрешниот пат во својот живот. „Од секое дрво, свирка не бива“
Има пример родители кои посветуваат саати, денови во давање совети на своето дете што да прави и како да прави, но на крајот пак детето разговара со непознати, се дружи со погрешни луѓе и.т.н.
Значи потребно е и соработка од страна на детето, ако ја нема таа соработка од негова страна, колку сакате зборувајте му, советувајте го, ако не сака тоа да соработува со вас, се ви е џабе, па дури и ако го казнувате или пак му удирате 24/7 на ден ќотек.
„Другите ќе ти помогнат, само ако самиот себе си помогнеш“
Оваа поговорка доволно кажува, што ми е поентата.
Што значи сите три фактори во државата се виновни: МВР не вложува доволно за безбедноста, родителите не вложуваат доволно за безбедноста а и самите деца не вложуваат доволно за својата безбедност.
За првите два нема да коментирам, општо на сите ни е познато зошто се тие два фактори виновни, само сакав да напоменам и за третиот фактор кој не е спомнат овде а треба да се спомне.
Јас пример знам за случај каде мајка (самохрана) која одела на три работни места само за да ги прехрани своите деца, не ги гледала децата со денови, децата нивни преминувале сами улица и тоа една од најфрекфентните во градот, па пак децата на крајот го изоделе правилниот пат и станале луѓе со кои се гордее и нивната мајка, но и луѓето што ги опкружуваат.
Знам за случаи каде родители премногу посветувале внимание на своето дете, го чувале како своите очи, но на крајот тоа пак забегувало по погрешни патеки во животот и пак правело работи кои му рекле дома неговите дека се лоши.
Само тоа сакав да споменам.