Нема врска ФФМ со проектов...пишано е само така други личности стојат позади ова :salut:
Не те сфаќам во кој контекст ти е ова дека нема врска со ффм ,тогаш со кого има врска ... со јужно афричка федерација може
Темава е отворена без никаков вовед или нешто повеќе напишано за информација затоа еве :
Терени за нови фудбалски ѕвезди Освен што ќе ги користат сите репрезентации на Македонија, тие ќе им бидат достапни и на фудбалските клубови и на сите граѓани за нивна рекреација
Освен со Националната арена "Филип Втори", македонските граѓани во иднина ќе можат да се гордеат и со новиот фудбалски комплекс што ќе никне во скопската населба Аеродром. Вчера на свечен начин беше поставен камен-темелникот на четирите фудбалски игралишта, што со помош на Владата на Р. Македонија ги гради Агенцијата за млади и спорт, а ќе бидат дел од проектот "Куќа на фудбалот". Покрај терените на истата локација ќе биде изградена и новата административна зграда на Фудбалската федерација на Македонија.
Започнувањето на работите симболично го означи премиерот на Р.Македонија, Никола Груевски, кој истакна дека овој објект ќе биде главен тренинг-центар и дом на сите репрезентативци на Македонија, на клубовите и на сите граѓани.
- За мене ова е голема чест и задоволство што Владата е дел од овој значаен проект. Одвоивме околу 780.000 евра, а игралиштата според првите проценки треба да бидат готови за седум месеци. Знаеме од колкаво значење ќе биде за репрезентативците, за ФФМ и за граѓаните на Македонија. Федерацијата ќе изгради административна зграда и стадион со капацитет од 3.000 гледачи. Комплексот ќе биде според светските стандарди, а ќе може да го користат и клубовите и граѓаните, истакна Груевски.
Премиерот потсети колку е досега инвестирано во оваа спортска дисциплина.
- Веќе изградивме 10 фудбалски игралишта, ја изградивме северната трибина, ги градиме и источната и западната на Арената "Филип Втори". И натаму ќе инвестираме во фудбалот, кој со причина е дефиниран како најважна споредна работа. Ова ќе биде место каде што ќе се родат и играат идните големи таленти и ѕвезди на мак-фудбалот, изјави Груевски.
Претседателот на ФФМ, Харалампие Хаџи Ристески, се заблагодари за поддршката што ја добива Федерацијата од Владата на Р. Македонија.
- Среќен сум што стартуваше новото поглавје во мак-фудбалот. Имаме одлична соработка со Владата, која има желба и чуство кога е во прашање фудбалот. Ова е заокружување на капиталниот проект "Куќа на фудбалот". Проектот е реализиран благодарение на Владата, со финансиска донација од УЕФА, вредна околу 2.8 милиони евра, и со помош на ФФМ. Се надевам дека ова ќе биде еден вид поттик за изградба на нови центри низ цела Македонија, изјави Хаџи Ристески.
Градоначалникот на Аеродром, Ивица Коневски, изрази задоволство што ваков комплексен фудбалски центар ќе никне во неговата општина.
- Чест ми е што овој комплекс ќе биде изграден во општината Аеродром. Ние експресно ги решивме сите имотно-правни пречки. Се е подготвено за реализација на истиот. Сега граѓаните ќе можат да ги следат тренинзите на репрезентациите, но и ќе можат да ги користат игралиштата, изјави Коневски.
Во знак на благодарност најдобриот македонски репрезентативец, Горан Пандев, им подари репрезентативни дресови испишани со презимето на ѕвездата од калчо-гигантот Интер на премиерот Никола Груевски, на градоначалникот на Скопје, Коце Трајановски, на градоначалникот на Аеродром, Ивица Коневски, и на новиот директор на Агенцијата за млади и спорт, Диме Спасов.
Како што беше претходно договорено, Владата на Р. Македонија ги даде четирите фудалски терени на користење на ФФМ под концесија во следните 99 години.
#
