- Член од
- 3 декември 2007
- Мислења
- 3.718
- Поени од реакции
- 772
Признал се за да си олесни на душата Скопскиот осомничен сериски убиец Виктор Карамарков, познат како Шеќерот, јаде, пие, ги слуша стражарите, мирен е и ја прима задолжителната метадонска терапија, вака накусо изгледаат неговите досегашните пет дена во КПД „Идризово“, велат од Управата за извршување санкции. Карамарков во затворот го чуваат стражари 24 часа, така било наредено од истражните органи бидејќи 30-годишното момче има самоубиствени мисли и може да искористи можност да се самоубие. Пред да дојде в затвор, тој очи в очи разговарал со истражен судија во скопскиот Кривичен суд. Не криел ништо, признал дека во полиција ја кажал вистината и повторно ги опишал делата за кои е приведен. Карамарков, како што неофицијално дознаваме, во истрагата рекол дека мора да ги признае убиствата за да се спаси од гревовите, маките и да нема веќе страшни соништа. - Се каам за се што направив, а сега откако признав се полесно ми е на душата - биле последните зборови на Виктор Карамарков кажани на заминување по разговорот со истражните органи на кои им признал како ги убил четирите жени и како исто толку се спасиле од неговата секира. Скопскиот убиец, кого полицијата го нарече Раскољников, убивал жени на возраст од 69 до 83 години. - За жал, неговите жртви се починати, но се надеваме дека осомничениот ќе ја добие заслужената казна, иако знаеме дека таа не може да биде некаква утеха за нивните семејства - велат од МВР.
Карамарков ги збунил полициските аналитичарите и со начинот на кој функционирал, односно убиствата не биле долго време планирани и немало шема според која би се утврдил кој е убиецот, кога ќе биде следното убиство, каде и кого ќе нападне. - Има еден факт, кој мора да се спомне, а тоа е неговата интелигенција.
Осомничениот Карамарков жртвите ги избирал по своја процена, дали и колку би можеле да му дадат отпор и да се спасат. Сите седум се жени, биле сами и незаштитени, а тој не водел сметка за материјалната ситуираност на жртвите и за пленот со кој би можел да си замине - велат од МВР.
Мирното момче од соседството - тивок и брутален убиец
Виктор никогаш не бил малтретиран од мајка си, тврдат соседите и пријателите на осомничениот сериски убиец
Мол, шок и неверување кај соседите на семејството Карамаркови. Никој не сака да коментира за момчето од нивната улица Виктор Карамарков, кој вчера и официјално беше обвинет како третиот сериски убиец во Македонија.
Пријателите и соседите ја потврдуваат приказната на МВР за Виктор, за среќата и за тагата, за подемот и пропаста на ова момче. Од бистар ученик до наркозависник и ситен крадец.
Според нивните приказни, Виктор бил момче што сите го сакале. Тие вината ја лоцираат кај неговата зависност од хероин. Соседите тврдат дека Виктор почнал да се дрогира пред повеќе од пет години, кога бил во врска со девојка, исто така зависник. Оттогаш тој одел само надолу. Од почит кон неговата мајка, му наоѓале понекоја работа, но тој не можел да задржи ниту едно работно место оти поткраднувал од касата.
- Не крадеше по многу, ситно за дрога. Му велевме да престане, но бадијала. Еден мој пријател го молев за да го прими на работа. По неколку дена ми се јави да ми каже дека го избркал оти го фатил како краде. По неколку часа го видов како се тетерави по улицата како пијан одејќи дома. Ми тврдеше дека имал мака, оти не сакал да краде. Толку ме изнервира што му удрив шлаканица, но Виктор никогаш не ми се налути за тоа - раскажува соседот.
Сите велат дека сé уште не можат да поверуваат оти тој можел да убие човек, а камоли да биде сериски убиец. Не бил насилник и немал насилна природа, велат тие.
Она што најмногу ги револтира е приказната за неговата мајка. Социопатолошки случај што го малтретирала во младоста.
- Тоа се невистини. Виктор лажел за да се „извади“. Па дали тој ќе живееше под овој покрив да беше таква мајка му. Таа е златна жена. За неа ми е најмногу жал - вели сосетката на Карамаркови.
Мајката на Виктор и вчера беше во болница, каде што е задржана на лекување. Таа е во шок по веста за нејзиниот син, за кого правела и давала сé.
- Да влезеш да видиш на што спие жената. Сé продаде заради Виктор. Се задолжи по банки и кај лихвари само за да го излечи. Трипати го испраќаше на лекување. Работеше како аргат и чистеше низ домови само да скрпи некоја пара за да врати долг и да купи храна. Паметам, секое утро и таа на врата со него, ќе го испрати да бара работа за да донесе некој денар и ќе му тутне 100 денари во џебот за цигари и за појадок. Тоа ли е патолошки случај, луѓе - вели соседот.
Екипата на „Нова Македонија“ вчера ги посети домовите на сите жртви на Карамарков. Она што и лаик може да забележи е дека тој внимателно ги избирал. На вратите од повеќето домови сé уште стоеше пломбата од полицијата. Кај соседите, кои не сакаа многу да разговараат, видливо беше олеснувањето што монструмот е зад решетки. Првиот сосед на убиената Елена Митева, постар човек, вели дека Карамарков не дошол на неговата врата, ниту пак дека го забележил. Истото го тврди и човекот што живее врата до врата со починатата Вера Богоева. Тој бил невидлив. Три од неговите жртви живеат во станбени згради со над дваесетина стана, а ниту еден од станарите не го видел или забележил.
Злосторствата според полицијата Карамарков не ги правел според однапред простудирана шема или план. И затоа не можело да се предвиди каде ќе биде следниот напад. Првото убиство се случи во населбата Бутел 2, а на 15-ти минатиот месец двата напада биле во станбена зграда спроти Воената болница и спроти бензинската пумпа на „Макпетрол“ во населбата Мичурин. Пет дена подоцна жртвата била нападната во зграда спроти болницата „Систина“, а наредниот ден во ТЦ „Мавровка“. Фаталната грешка е нападот на Смиљана Петровска, која живее на улицата Железничка, на само неколку стотини метри од седиштето на МВР. На излегување тој е снимен од безбедносните камери на „Зираат банкаси“, која се наоѓа од спротивната страна на улицата.
Вчера ја посетивме и црквата „Свети Петар и Павле“ во населбата Ѓорче Петров каде што Карамарков по секое убиство одел да се исповеда и да запали свеќа. Оттаму велат дека не го познаваат и дека е можно тој да ја кажува вистината, но во црквата секојдневно доаѓаат стотици верници, така што не можеле да го запамтат. Тие ја исклучуваат можноста тој таму се исповедал за злосторствата на свештено лице.
Нови детали околу Карамарков нема. Од МВР велат дека кривична пријава нема да биде поднесена против лицето што ги откупувало половните телевизори што убиецот ги продавал, а каде што и ја заборавил првата секира со која извршил две убиства.
Карамарков ги збунил полициските аналитичарите и со начинот на кој функционирал, односно убиствата не биле долго време планирани и немало шема според која би се утврдил кој е убиецот, кога ќе биде следното убиство, каде и кого ќе нападне. - Има еден факт, кој мора да се спомне, а тоа е неговата интелигенција.
Осомничениот Карамарков жртвите ги избирал по своја процена, дали и колку би можеле да му дадат отпор и да се спасат. Сите седум се жени, биле сами и незаштитени, а тој не водел сметка за материјалната ситуираност на жртвите и за пленот со кој би можел да си замине - велат од МВР.
Мирното момче од соседството - тивок и брутален убиец
Виктор никогаш не бил малтретиран од мајка си, тврдат соседите и пријателите на осомничениот сериски убиец
Пријателите и соседите ја потврдуваат приказната на МВР за Виктор, за среќата и за тагата, за подемот и пропаста на ова момче. Од бистар ученик до наркозависник и ситен крадец.
Според нивните приказни, Виктор бил момче што сите го сакале. Тие вината ја лоцираат кај неговата зависност од хероин. Соседите тврдат дека Виктор почнал да се дрогира пред повеќе од пет години, кога бил во врска со девојка, исто така зависник. Оттогаш тој одел само надолу. Од почит кон неговата мајка, му наоѓале понекоја работа, но тој не можел да задржи ниту едно работно место оти поткраднувал од касата.
- Не крадеше по многу, ситно за дрога. Му велевме да престане, но бадијала. Еден мој пријател го молев за да го прими на работа. По неколку дена ми се јави да ми каже дека го избркал оти го фатил како краде. По неколку часа го видов како се тетерави по улицата како пијан одејќи дома. Ми тврдеше дека имал мака, оти не сакал да краде. Толку ме изнервира што му удрив шлаканица, но Виктор никогаш не ми се налути за тоа - раскажува соседот.
Сите велат дека сé уште не можат да поверуваат оти тој можел да убие човек, а камоли да биде сериски убиец. Не бил насилник и немал насилна природа, велат тие.
Она што најмногу ги револтира е приказната за неговата мајка. Социопатолошки случај што го малтретирала во младоста.
- Тоа се невистини. Виктор лажел за да се „извади“. Па дали тој ќе живееше под овој покрив да беше таква мајка му. Таа е златна жена. За неа ми е најмногу жал - вели сосетката на Карамаркови.
Мајката на Виктор и вчера беше во болница, каде што е задржана на лекување. Таа е во шок по веста за нејзиниот син, за кого правела и давала сé.
- Да влезеш да видиш на што спие жената. Сé продаде заради Виктор. Се задолжи по банки и кај лихвари само за да го излечи. Трипати го испраќаше на лекување. Работеше како аргат и чистеше низ домови само да скрпи некоја пара за да врати долг и да купи храна. Паметам, секое утро и таа на врата со него, ќе го испрати да бара работа за да донесе некој денар и ќе му тутне 100 денари во џебот за цигари и за појадок. Тоа ли е патолошки случај, луѓе - вели соседот.
Екипата на „Нова Македонија“ вчера ги посети домовите на сите жртви на Карамарков. Она што и лаик може да забележи е дека тој внимателно ги избирал. На вратите од повеќето домови сé уште стоеше пломбата од полицијата. Кај соседите, кои не сакаа многу да разговараат, видливо беше олеснувањето што монструмот е зад решетки. Првиот сосед на убиената Елена Митева, постар човек, вели дека Карамарков не дошол на неговата врата, ниту пак дека го забележил. Истото го тврди и човекот што живее врата до врата со починатата Вера Богоева. Тој бил невидлив. Три од неговите жртви живеат во станбени згради со над дваесетина стана, а ниту еден од станарите не го видел или забележил.
Злосторствата според полицијата Карамарков не ги правел според однапред простудирана шема или план. И затоа не можело да се предвиди каде ќе биде следниот напад. Првото убиство се случи во населбата Бутел 2, а на 15-ти минатиот месец двата напада биле во станбена зграда спроти Воената болница и спроти бензинската пумпа на „Макпетрол“ во населбата Мичурин. Пет дена подоцна жртвата била нападната во зграда спроти болницата „Систина“, а наредниот ден во ТЦ „Мавровка“. Фаталната грешка е нападот на Смиљана Петровска, која живее на улицата Железничка, на само неколку стотини метри од седиштето на МВР. На излегување тој е снимен од безбедносните камери на „Зираат банкаси“, која се наоѓа од спротивната страна на улицата.
Вчера ја посетивме и црквата „Свети Петар и Павле“ во населбата Ѓорче Петров каде што Карамарков по секое убиство одел да се исповеда и да запали свеќа. Оттаму велат дека не го познаваат и дека е можно тој да ја кажува вистината, но во црквата секојдневно доаѓаат стотици верници, така што не можеле да го запамтат. Тие ја исклучуваат можноста тој таму се исповедал за злосторствата на свештено лице.
Нови детали околу Карамарков нема. Од МВР велат дека кривична пријава нема да биде поднесена против лицето што ги откупувало половните телевизори што убиецот ги продавал, а каде што и ја заборавил првата секира со која извршил две убиства.
