ените на влезниците ги одредуваат локалните власти, со што ги дискриминираат туристите што не се од ЕУ, кои плаќаат од 30 до 50 отсто повисоки цени од туристите од ЕУ. На влезовите во музеите туристите се делат на две групи. Групата туристи што не се од ЕУ ја пуштаат по групата што е од ЕУ, откако претходно темелно ја прегледуваат.
- ЕУ на тој начин ги штити својот идентитет и своите државјани на кои им се овозможува уживање во убавините и знаменитостите на Унијата по пониски цени – изјави Уберто Корпи, претставник за култура во градот Рим.
Жител на ЕУ плаќа четири евра за влез во археолошкото наоѓалиште Остиа Антика во Рим, додека државјанин од „втор ред“ плаќа двојно поголема цена, осум евра. Единствен исклучок од италијанското правило е Ватикан, каде што цените се исти.
Расцеп во партијата на Каракачанов
Раскол се случи на конгресот на бугарската партија ВМРО, чиј лидер е ултранационалистот и негатор на македонската самобитност, Красимир Каракачанов. Околу 300 делегати, речиси половина од присутните, го напуштија конгресот на кој се избираше нов лидер на партијата, незадоволни од начинот на кој Каракачанов ја водеше партијата. Приврзаниците на градоначалникот на Пловдив, Славчо Атанасов, кандидат за лидер, заминаа од собирот критикувајќи го управувањето со партијата. Тие нагласија дека партијата станала безначаен фактор во политичкиот живот во Бугарија.
Останатите делегатите сепак го избрале Каракачанов за лидер и тој изјави дека расцепот нема да значи крај на партијата.
