4.06.2009 19:45
Ристо Никовски
Република Македонија (Вардар) е име прифатливо за еден од луѓето кои го советуваат шефот на државата.
Ристо Никовски, поранешен амбасадор, сега во Кабинетот на Иванов во интервју за А1 вели дека термините „Горна“ и „Долна“ се апсолутно неприфатливи за Македонија бидејќи ќе предизвикаат разнебитување на македонскиот народ.
Имавте ригиден став дека сте апсолутно против промена на името, името на пример Северна Македонија, или против името Република Македонија (Скопје). Против географска одредница сте, која пак, за Грција е апсолутно единствено прифатлива. Се уште ли го имате овој став?
- Прво, ригиден став, не е соодветен на она за што јас се залагам. Второ, јас се залагам апсолутно за компромис, бидејќи компромис е неизбежен. Мора да води сметка за интересите на двете страни, меѓутоа пред се за нашата, бидејќи кај нас е се доведено во прашање доколку се оди на решение кое ќе значи, де факто, разнебитување на македонскиот народ.
Можеби сега е пореално да одиме со Република Македонија (Вардар) и дури сум напишал дека ние се сметаме за Вардарска Македонија, имаме песна „Ој Вардаре“ итн., меѓутоа, ако се дојде до такво решение што ќе биде пак само за надворешна употреба без да се менува Уставот, дури и да се смени Уставот со такво нешто, но без никакви други ограничувања.
Ние после да си останеме Република Македонија насекаде на конференциите, дури и да го ставиме во Уставот Република Македонија (Вардар), де факто тоа ништо не менува, ништо апсолутно, само е една додавка од географија.
Јас тоа би го прифатил, под еден единствен услов - дека тоа е само за надворешна употреба, без никакви ограничувања - Македонци, именки, заменки. Таков мандат нема никој, Северна, Горна, Долна се апсолутно неприфатливи, бидејќи тие водат кон разнебитување на македонскиот народ.
Тоа го кажавте на 18.05.2009, додека на 08.07.2008 рековте дека е понижувачко, навредливо и недостоинствено името Република Македонија (Скопје), во колумна во „Дневник“. Значи ли тоа дека ќе го советувате Претседателот за ова име со додавка - Република Македонија (Скопје) или (Вардар), како што за вас е прифатливо.
- Што ќе го советувам јас Претседателот не е најклучно, изборот е негов.
Многу е важно за транспарентноста.
- Јас мислам дека е поинтересно за јавноста да се обидеме да ја анализираме состојбата со името.
Но, многу е важно за јавноста да објасните што точно би го советувале Претседателот.
- Не можам да го советувам Претседателот нешто друго од она што го мислам, но изборот е негов, се разбира.
Во вашите колумни многу често потенциравте дека не ни треба НАТО (15.01.2008), во контекст на промена на името сте против НАТО; изјави дека без НАТО земјата нема никакви перспективи се неодговорни (29.03.2008); членството во НАТО и ЕУ нема да ни ги реши проблемите, всушност нашиот клучен интерес е ЕУ, а не НАТО, улогата на НАТО и потребата е релативизирана, и ако останеме подолго без НАТО ќе опстанеме (08.07.2008).
- Тоа се точни цитати.
Ова ли е советот за Претседателот, дека НАТО не ни е потребен, дури ни ЕУ?
- Ако целата задача членство во НАТО е разнебитување на македонскиот народ, јас сум апсолутно против тоа.
Но, вие ова го ставате во контекст на промена на името, а претходно рековте дека промената на името е неизбежна, дури имавте и решенија.
- Не, тоа не е промена на името, промена на името е Северна Македонија, промена на името е Горна Македонија. Додавката (Вардар) или (Скопје) е само едно допрецизирање.
Целото интервју со Ристо Никовски погледнете го на видеото.
link :
http://a1.com.mk/vesti/default.aspx?VestID=110027
:pos2::pos2: а брегалница штип бе???
