Олимпија
Македонија во срцето!!!
- Член од
- 26 март 2008
- Мислења
- 5.624
- Поени од реакции
- 9.146
Изјаснувањето за името може да ја влоши ситуацијата во земјава и да ги продлабочи поделбите меѓу Македонците и Албанците, предупредуваат аналитичарите и од албанскиот политички блок.
Неуспешен референдум за името може да ја влоши ситуацијата во земјава и да ги продлабочи поделбите меѓу Македонците и Албанците, предупредуваат аналитичарите, по се' поцврстата позиција на Владата, граѓаните да го имаат последниот збор ако се дојде до компромисно решение за името. Освен опозицијата и во албанскиот политички блок, вклучително и владејачката ДУИ, предупредуваат дека е ризично да се оди на референдум.
Опозициската ДПА оди чекор понатаму во процената дека полошо од бојкот на референдумот е повикот „масовно да се излезе и да се гласа против“. Тоа е една од опциите на Мендух Тачи ако со референдумот не се гарантира и посебноста на идентитетот на Албанците.Тачи изјави дека Албанците никогаш нема да гласаат на референдум за државата да се идентификува само со македонскиот идентитет. ДПА смета дека референдумот ќе придонесе за затегнување на односите меѓу Македонците и Албанците и за уназадување на државата ако решението е неприфатливо за Албанците.
- Ќе се продлабочи поделбата меѓу двете заедници. Нема да повикаме на бојкот, оти нема да седиме настрана за толку важно прашање. Поопасно е да се повика на масовен одѕив и масовно да се гласа против ако се понуди решение кое им одговара само на Македонците - велат во ДПА.И владејачката ДУИ е против референдум, но одби да коментира за можните последици од евентуално неуспешниот референдум. Ние сме одговорна партија. Народот ни ја даде довербата да ја водиме државата и да понесеме одговорност за сите одлуки - вели Џеват Адеми.Портпаролот на Нова демократија, Арианит Хоџа, истакна дека стратегиска определба на државата е да биде членка на НАТО и на ЕУ.
- Во рамките на овие определби треба да се најде компромисно решение со Грција за овие цели да се остварат. Потребен е единствен став на власта и на опозицијата и на Македонците и Албанците за компромисно решение за името. А треба да има и гаранции од меѓународната заедница дека компромисното решение е прифатливо за Грција. Секое решение за кое ќе се постигне единство ќе може да оди на референдум - вели тој.И за аналитичарите референдумот како опција е прифатлив само ако се постигне политички и меѓуетнички консензус.
- Неопходен е компромис за името прво меѓу ВМРО-ДПМНЕ и ДУИ, а потоа тој да биде потврден од опозициските СДСМ и ДПА. Ако тоа компромисно решение е прифатливо за релевантните партии, тоа би поминало и на референдум. Ако компромисното решение го одразува мултиетничкиот, мултикултурниот и мултијазичниот карактер на државата, тоа решение и без потврда на референдум би било прифатливо за двете најголеми заедници -смета аналитичарот Сефер Тахири.
Тој додава дека референдумот не е решение, туку трик на власта за да ја префрли одговорноста кај народот. Според Тахири, иако е легитимно барањето на Тачи за гаранции за идентитетот на Албанците, тоа нема да повлече правни реперкусии, туку ќе предизвика политички последици, бидејќи произлегува од се' позачестените барања за целосна рамноправност на Албанците.
Според професорот на Штуловиот универзитет Јетон Шасивари, идејата за референдум не е позитивно дочекана ниту од надворешниот фактор, бидејќи може да отвори многу прашања. Тој смета дека е неопходен внатрешен консензус за да може референдумот да се легитимира и надвор.
- Ако референдумот не успее, според законот, две години не ќе може да се повтори истото референдумско прашање. Можно е власта да оди на таа варијанта за да купува време, оти за две години се парламентарните избори. Изјавата на Тачи ја сфаќам како порака да не ни се повтори референдумот од 1991 година со бојкот на Албанците. Ако не се постигне меѓуетнички и политички консензус, тогаш референдумот ќе го нема потребниот легитимитет - вели тој. Шасивари додава дека и меѓународните претставници стравуваат од можноста референдумот да не успее. Според него, пораките на меѓународниот фактор и на Тачи се дека неуспешен референдум може државата да ја вовлече во негативен правец и да ја поларизира по етничка линија.
Извор:http://www.dnevnik.com.mk/?ItemID=BD40F7487C10BD4393DB8B3B283AB753
Неуспешен референдум за името може да ја влоши ситуацијата во земјава и да ги продлабочи поделбите меѓу Македонците и Албанците, предупредуваат аналитичарите, по се' поцврстата позиција на Владата, граѓаните да го имаат последниот збор ако се дојде до компромисно решение за името. Освен опозицијата и во албанскиот политички блок, вклучително и владејачката ДУИ, предупредуваат дека е ризично да се оди на референдум.
Опозициската ДПА оди чекор понатаму во процената дека полошо од бојкот на референдумот е повикот „масовно да се излезе и да се гласа против“. Тоа е една од опциите на Мендух Тачи ако со референдумот не се гарантира и посебноста на идентитетот на Албанците.Тачи изјави дека Албанците никогаш нема да гласаат на референдум за државата да се идентификува само со македонскиот идентитет. ДПА смета дека референдумот ќе придонесе за затегнување на односите меѓу Македонците и Албанците и за уназадување на државата ако решението е неприфатливо за Албанците.
- Ќе се продлабочи поделбата меѓу двете заедници. Нема да повикаме на бојкот, оти нема да седиме настрана за толку важно прашање. Поопасно е да се повика на масовен одѕив и масовно да се гласа против ако се понуди решение кое им одговара само на Македонците - велат во ДПА.И владејачката ДУИ е против референдум, но одби да коментира за можните последици од евентуално неуспешниот референдум. Ние сме одговорна партија. Народот ни ја даде довербата да ја водиме државата и да понесеме одговорност за сите одлуки - вели Џеват Адеми.Портпаролот на Нова демократија, Арианит Хоџа, истакна дека стратегиска определба на државата е да биде членка на НАТО и на ЕУ.
- Во рамките на овие определби треба да се најде компромисно решение со Грција за овие цели да се остварат. Потребен е единствен став на власта и на опозицијата и на Македонците и Албанците за компромисно решение за името. А треба да има и гаранции од меѓународната заедница дека компромисното решение е прифатливо за Грција. Секое решение за кое ќе се постигне единство ќе може да оди на референдум - вели тој.И за аналитичарите референдумот како опција е прифатлив само ако се постигне политички и меѓуетнички консензус.
- Неопходен е компромис за името прво меѓу ВМРО-ДПМНЕ и ДУИ, а потоа тој да биде потврден од опозициските СДСМ и ДПА. Ако тоа компромисно решение е прифатливо за релевантните партии, тоа би поминало и на референдум. Ако компромисното решение го одразува мултиетничкиот, мултикултурниот и мултијазичниот карактер на државата, тоа решение и без потврда на референдум би било прифатливо за двете најголеми заедници -смета аналитичарот Сефер Тахири.
Тој додава дека референдумот не е решение, туку трик на власта за да ја префрли одговорноста кај народот. Според Тахири, иако е легитимно барањето на Тачи за гаранции за идентитетот на Албанците, тоа нема да повлече правни реперкусии, туку ќе предизвика политички последици, бидејќи произлегува од се' позачестените барања за целосна рамноправност на Албанците.
Според професорот на Штуловиот универзитет Јетон Шасивари, идејата за референдум не е позитивно дочекана ниту од надворешниот фактор, бидејќи може да отвори многу прашања. Тој смета дека е неопходен внатрешен консензус за да може референдумот да се легитимира и надвор.
- Ако референдумот не успее, според законот, две години не ќе може да се повтори истото референдумско прашање. Можно е власта да оди на таа варијанта за да купува време, оти за две години се парламентарните избори. Изјавата на Тачи ја сфаќам како порака да не ни се повтори референдумот од 1991 година со бојкот на Албанците. Ако не се постигне меѓуетнички и политички консензус, тогаш референдумот ќе го нема потребниот легитимитет - вели тој. Шасивари додава дека и меѓународните претставници стравуваат од можноста референдумот да не успее. Според него, пораките на меѓународниот фактор и на Тачи се дека неуспешен референдум може државата да ја вовлече во негативен правец и да ја поларизира по етничка линија.
Извор:http://www.dnevnik.com.mk/?ItemID=BD40F7487C10BD4393DB8B3B283AB753
