Зошто знаев дека од толку едноставно прашање и одговор, ке почнеме со демагогии и комплицирање.
Се читам бе брате. Кажи ми дали ти се читаш??
Те прашувам затоа што го подржа
Елехмк кој за Тито напиша:
http://forum.kajgana.com/showpost.php?p=2532154&postcount=33
Ај сега објасни ми како тоа он морал да прифати создавање на македонска држава??
Никоја голема сила не го присилувала да прифати создавање на Македонска држава!!( Твоето писмо го потврдува тоа)
Така да он можел како и Кралството Југославија пред него да не дозволи да се формира Македонска држава.
Ајде сега одговори си зошто не го сторил тоа?
А од друга страна да тврдиш дека Македонците биле воено толку силни, па затоа Тито морал да им ги прифати нивните барања е смешно.
Македонците фигурираа веќе со своја армија и свои управувачки тела, доколку се решел да ја држи под окупација Македонија, тогаш би се соочил неминовно со војна, која многу веројатно би се проширила во сеопшта војна на Македонците во трите дела.
Точно, ги ликвидира затоа што не му одговараше Македонија да биде независна држава. Му одговараше да биде федерална држава во рамките на СФРЈ. Затоа одобри да се создаде федерална Македонија и не одобри да се создаде независна Македонија.
Монти, незнам дали јас сум конфузен во објаснувањето или ти си инаетлив ко магаре?
Тито ПРИСИЛИЛ, не одобрил, ги СИЛУВАЛ Македонските заложби и се родило вонбрачно дете како федеративна единка.
А ти да беше претседател на независна Македонија во 1945 што ке направеше? Ке им објавеше војна на Грција и на Бугарија знаејки дека големите сили се против таа идеа?? Ке придонесеше за смрта на илјадници Македонци без притоа да ја оствариш целта за обединета Македонија?
Ченто беше претседател и мислам дека многу подобро од тебе и мене ги согледувал работите.
Доколку имаш некои сомнежи кон што се стремел Ченто и кои му беа целите, не ми го троши времето.
Сам си се фаќаш во стапици.Од една страна викаш дека Тито ништо не одобрил, а од друга дека Македонците се бореле за Независна Македонија. Ако се бореле за независна Македонија тогаш ај објасни ни на сите нас зошто тоа не било остварено? Да не е можеби затоа што на Тито не му одговарало и не го одобрил??
Ти рече дека Тито одобрил создавање Македонска држава.
Македонска држава ќе беше формирана, пречката беше надворешното влијание на кое не му одговараше независна Македонија, па ги поткупија комунистичките поданици да се задоволат со федеративна република, а притоа да добијат функции.
Оние кои до крај опстанаа на својот автономистички став беа ликвидирани.
Одговори си зошто сите членови на АНОК
освен Глигоров, беа политички ликвидирани?
Тито како и неговите Британско-Советски ментори НЕ дозволија создавање независна суверена Македонија, за да ги заштитат претходно окупираните делови од Грција и Бугарија.
ПС: Не сите Македонски интелектуалци се залагале за независна Македонија. Огромен дел од нив се залагале за Македонија да биде вклучена во федерација, дали е тоа Балканска или Југословенска. Тие луѓе биле многу практични, затоа што знаеле дека Независна Македонија ке имала многу повеке проблеми, нешто за што сме сведоци денес. Постоиме како независн држава ``веке`` 18 години, а со сите соседи имаме огромни нерешени проблеми.
Не, туку некои си гледаа исклучиво за својот газ, како Киклопот кој во зависност од екипата менуваше де Бугарско де Српско потекло.
Останатите исцвикале,се исплашиле и свиткале опаш, само Бог знае со што ги уценувале.
Изгледа не си ја прочитал декларацијата донесена на заседанието на АСНОМ. Тамо е одлучено Македонија да биде федерална држава во рамките на Југославија
Одлучено, но од кого?
Документи, том втори, издание на Факултетот за филозофско-историски науки, Скопје, 1981 година, документ бр. 288, стр. 614-,-
“Проглас од првото заседание на АСНОМ до македонскиот народ”, каде пишува, дека АСНОМ го донел и следново Решение /цитат/:
“1. Македонија ја прогласи за федерална држава во нова ДФ Југославија…”-
но, со
фуснота 879, која дообјаснува:
”Посебен документ за прогласување на Македонија за федерална држава во нова ДФ Југославија НЕ Е ДОНЕСЕН, туку, произлегува од контекстот на другите документи презентирани и усвоени на Заседанието, како и прифаќањето на одлуките донесени на Второто заседание на АВНОЈ во 1943 година”.
За да ти биде јасно што е наметнато (а има повеќе), дека одредени одлуки отстапуваат од изворните решенија на АСНОМ.
Можеш да консултираш и одредени историчари, кои се плашат да говорат гласно, но неопходна е конечна демистификација при формирањето на Македонската држава и сите позитивни и негативни учесници.
Мал извадок бидејќи ми е напорно да верглам едно те исто:
Првите несогласици на Ченто со комунистите, особено со
Светозар Вукмановиќ – Темпо, почнуваат многу брзо по неговото преминување на слободна територија.
Меѓу другото, Ченто упатува забелешки на содржината на Манифестот на Главниот штаб.
По ослободувањето на земјата несогласиците со тогашниот македонски врв продолжуваат.
Ченто се противи 15-от македонски корпус да оди на Сремскиот фронт, се залага за обединување и поголема самостојност на Македонија,
се противи на враќање на имотот на избеганите српски колонисти и се залага за поголема финансиска независност и залагање за сопствен буџет на Македонија и на останатите југословенски републики.
Комунистите пополека му ја одземаат реалната власт и поради несогласувањето со мерките што ги преземаат комунистите, Ченто на
14 март 1946 година поднесува оставка на функцијата претседател на Президиумот на Народното Собрание на Македонија.
Сака да се повлече од политиката и намира да живее во Прилеп, но на
14 јули е уапсен од полицијата пред својата куќа во
Прилеп,
а на 31 јули Министерството за внатрешни работи објавува дека Ченто бил уапсен поради обид за бегство во Грција. На
8 август против него е покренат обвинителен акт, а пред суд е изведен на
19 ноември.
Судењето трае доста кратко и по два дена, на 21 ноември првиот македонски претседател Ченто е осуден на 11 години затвор. Затворен е во скопскиот затвор „Идризово“ каде во најтешки услови бил во „специјалната ќелија“ и бил чуван од посебна стража и му биле дозволувани триесет минутни прошетки на одредено место во затворот и еднаш неделно биле дозволувани посети на членовите на неговото семејство.
Додека бил во затвор, властите често му нуделе да признае и потпише дека згрешил и се покајува, по што животот ќе му бил наполно обезбеден.
Пуштен е условно на
4 септември 1955 година, по одлежани 9 години и 4 месеци затвор. Сепак затворскиот живот остава траги врз неговото здравје.
Бара од Тито да му дадат пасош за да отиде да се лечи во Швајцарија, но бил одбиен.
Осамен и во тешки болки и маки, Ченто на
24 јули 1957 умира од рак на желудникот, во својот дом во
Прилеп.
И по излегувањето од затворот не се откажал од идеите на самостојна и обединета Македонија.
