Најдов интересен текст ако го има постирано извинете:smir:
Што ќе биде Овен: Новиот Кантона или новиот Форлан
Алекс Фергусон откако дојде на Олд Трафорд направи неколку сензационални трансфери, но имаше и неколку промашувања. Во која група ќе припадне Овен?
Претседателите на Лидс и Манчестер Јунајтед во септември 2006-та година разговараа околу можи трансфери. Покрај својот претседател седеше и Алекс Фергусон и го следеше разговорот. „Кантона?“, напиша сер Алекс на парче хартија, сугерирајќи му на својот шеф да се распраша за можноста проблематичниот Французин да прејде во Јунајтед. Овој го послуша и успеа, во Лидс и така сака да се ослободат од Кантона, кој важеше за вонсериски играч, но и тип кој беше магнет за проблеми. „Го имаме, доаѓа Кантона!, му соопштил претседателот на клубот на Фергусон, кој веднаш прашал за цената.
„Нема да веруваш, но го добивме за милион фунти“, гласел одговорот. Алекс не можел да поверува, како што не можеше да поверува ни целата фудбалска јавност. До ден денеска тој трансфер се смета за еден од најисплатливите до сега. Слично беше и со Кристијано Роналдо. Младиот Португалец Фергусон го донесе за 17,5 милиони евра, а овој шест години му носеше трофеи и на крајот му донесе и петкратна заработка.
Но Фергусон го красат и цела низа грешни проценки. Полно играчи доаѓаа и многу бргу заминуваа од Олд Трафорд со статус – промашувања. Англиските медиуми во очи новата сезона се прашуваат на која група ќе и припадне Мајкл Овен. Дојде бесплатно и многумина веруваат дека може да биде „новиот Кантона“, но многу побројни се оние кои се уверени дека ќе биде „новиот Џемб-Џемба“.
Весникот Сан ги наброја десетте најголеми промашувања на Алекс Фергусон:
Давид Белион – Францускиот напаѓач дојде во 2003-та година од Сандерленд за три милиони евра. За две години постигна четири гола и си замина. Лани беше член на Ница, но 27-годишниот напаѓач повеќе не го сакаат ни таму.
Вилијам Пруниер – Алекс овој француски одбранбен фудбалер го донесе во 2005-та година. Првиот натпревар го одигра солидно, но во вториот беше виновник за четири примени гола и повеќе никога на влезе во игра.
Овен Харгрејвс – Канаѓанецот со англиски пасош Ферги го донесе на Олд Трафорд за 25 милиони евра. Се Уште има време да докажа дека не е промашување, но во првите две сезони повредите буквално го „убија“.
Лијам Милер – Рој Кин се збогуваше и Фергусон си пронајде нов Ирец за местото последен играч за врска. Проблем е единствено тоа што Милер ни одблиску не ги поседуваше квалитетите на Кин, па брзо мораше да си замине.
Ерик Џемба-Џемба – И тој требаше да биде „новиот Кин“, но беше само уште едно големо промашување. Алекс го плати 4,5 милиони евра, но тоа беа фрлани пари. Денеска Џемба настапува во данскиот Оденсе.
Манучо – Напаѓачот од Ангола го импресионираше Фергусон на Африканскиот куп и тој за него издвои милион евра. Овој не одигра ниту еден натпревар за Јунајтед и сега заминува за Ваљадолид.
Клеберсон – Бразилецот беше светски првак во 2002-та година и веднаш потоа дојде во Мачнчестер за 8,6 милиони евра. Но најдоброто што Фергусн го доби од него е отштетата од 2,6 милиони евра која за него ја даде Бешикташ.
Масимо Таиби – Дојде бесплатно, но можеби ќе беше подобро да не дојдеше. Бранеше на два натпревари, доби пет гола во мрежата и се прости од дресот на Јунајтед.
Диего Форлан – Алекс го плати Уругваецот 11 милиони евра, но тој не се снајде на Островот. По две сезони минати во Манчестер замина за Виљареал каде влезе во кругот на најдобрите светски напаѓачи.
Хуан Себастијан Верон – Астрономски 42 милиони евра му палти Фергусон на Лацио за извонредниот Аргентинец. Но во дресот на Јунајтед тој блескаше многу ретко. За две години пружи само неколку добри партии. Две години подоцна Алекс го продаде во Челси за 20 милиони евра помалку отколку што го плати.
Во врска со Македа јас сум оптимистична за него...верувам дека ке се снајде во Јунајтед...неговото време ке дојде допрва но се плашам да не се случи истото како и со Иглс па да заврши во некоја ниска екипа...