Мал коментар за некои играчи за кои се дебатира
НАНИ - Ова е последната сезона кога или ќе покаже дека вреди да го носи црвениот дрес или со сигурност ќе си замине. Јас верувам дека со поголем број на одиграни натпревари оваа сезона ќе се подобри и ќе покаже дел од неспорниот талент, а мислам дека за тоа и ќе има шанса оваа сезона
ТОШИЌ - Искрено најскептичен сум за Тошиќ и мислам дека нема да добива многу минути на теренот освен можеби како резерва, инаку тој има одличен центаршут кој и тоа како ќе ни треба оваа сезона по заминувањето на еден португалец. Исто така и неговите центар-шутеви ќе мораме да ги искористиме
ПАРК - Еден од најголемите борци на теренот. Мислам дека ќе има добра сезона како минатата и многу минути во првиот тим
ВАЛЕНСИЈА - Мислам дека добро ќе се вклопи во нашиот тим. Брз, техничар, баш таков играч кој ни треба за нашите контри. Нема да постигнува исто голови како португалецот, ама мислам дека ќе даде солиден придонес во нашата игра, плус е играч кој може да игра на двете крила па на натпреварите ќе може често да ја менува позицијата
ОБЕРТАН - За Обертан би рекол дека навистина има голем талент ама мислам дека ова ќе биде сезона на адаптација на Обертан. Со силна работа и тренинзи мислам дека Ферги ќе го извлече најдоброто во него
ОВЕН - Секој може да каже што сака за Овен ама факт е дека кога Овен не е повреден давал голови во секој клуб каде играл. Само му посакувам сезона без многу повреди, а ако се случи тоа головите ќе дојдат
Инаку најдов една статија која вели дека Јунајтед нема да испрати понуда за Ето, ама бидејќи е без цитати ја сметам само за уште една шпекулација