Дескридитирањето на Поповски е единствениот аргумент кои го имаат моите соговорници на темава.
Они би за се, само за она кое тој го напишал не.
Што е најжалосно јас мислам дека 95% од оние кои оставиле коментар на темава, го немат ни прочитано текстот.
Ај еден рипит на колумната, и ги замолувам следните дискутанти да го издвојат делот со кој не се согласуваат, па да продискутираме аргументирано :smir:
Кризата и Владата
Светската криза нема никаква врска со промашеното управување со процесите околу „Сведмилк“ и други такви случаи. Каква е релацијата меѓу светската криза и масовното колење на добитокот во Македонија?Никаква. Тој процес е во рамките на релацијата меѓу Владата, нејзината погрешна и еуфорична политика и сточарите во земјава
Кога светската економија и побарувачката во светот се движат по нагорна линија тоа влијае и на македонската економија, па нашата влада прави прес-конференции на кои си ги присвојува резултатите само за себе. Кога нашата економија оди надолу, Владата бега од прес-конференции и вината ја префрла само на светската криза. Еднаш ги крие, другпат ги потенцира влијанијата на светската економија врз македонската. Тоа засега успешно функционира. Мнозинството граѓани на земјава навистина мислат дека позитивните движења во економијата се резултат на владината политика, а негативните на светската криза. Како нашава влада да е безгрешна. А таа е грешна до гуша. Пред пет месеци сите предупредуваа дека владината економска политика за 2009 година е неиздржана, но Владата си тераше по свое и ги усвои мерките, а на Собранието му поттури буџет кој е неодржлив и штетен за економијата на земјава. Денес тоа се потврдува. Сега Владата, иако со задоцнување, почнува да ретерира. Каква врска со ваквата грешка има светската криза, освен што владата при очи се правеше слепа? Никаква.
Дефицитот на општиот буџет за 2009 година е погрешно планиран на близу 3 отсто од годишниот БДП на земјата и тоа ја турка Владата во постојани, дури и месечни задолжувања, за да си ги обезбеди парите за финансирање на дефицитот на буџетот. Таа грешка го доведе Министерството за финансии во состојба да мора да ги зголеми каматите на трезорските записи за да ги привлече проектираните средства од банките, населението и претпријатијата. Тоа што на сите им беше јасно е дека тоа ќе ги зголеми и каматите на благајничките записи на НБМ, но и каматите на банкарските кредити за населението и корпоративниот сектор. Реакцијата на пазарот беше молскавична. Тоа се случи во рок од четири недели. Единствено власта го сфати тоа предоцна, откако каматите отидоа до небо. Последиците по населението и економијата се веќе големи. Но затоа Владата сега најавува корекција на сопствената грешка со поголема грешка. За финансирање на дефицитот ќе се задолжува во странство иако таа не мораше воопшто да се случи. Каква врска со оваа кусогледост на Владата има светската криза? Никаква. Таа единствено има врска со погрешната економска политика.
Во времето на евидентниот раст на светската економија, на огромните финансиските вишоци на пазарите и инвестицискиот бум во светот од 2006 до 2008 година Владата ги отфрли сите понуди за инвестиции во енергетскиот сектор од страна на реномирани странски компании. Немаше храброст (или нешто друго немаше?) да влезе во барем еден голем и вистински проект. Освен ако за големи не се сметаат проектите за изградба на некој музеј, некоја фискултурна сала или изработка на еееј... бронзана скулптура. Сега веќе е доцна. Сега нема заинтересирани инвеститори, што би се рекло „и со боринче да ги бараш“. Ако некој немаше добра процена, тоа е само Владата и никој друг. Тоа нема никаква врска со светската криза. На крајот од краиштата, оваа Влада без сериозно образложение ги поништи и вредните инвестициски преддоговори со странски компании што ги наследи од претходната власт.Поради погрешната надворешна политика на Владата, која сопствената непромислена агресија ја насочи на погрешна страна, земјава веќе губи околу 60 милиони евра поволни кредити од Европската банка за обнова и развој за изградба на патишта во земјава. Како тука влијаела светската криза? Никако. Влијаела само лошата владина политика.
Кога Владата на Македонија во 2007 година непромислено се засили во однос на процената за сопствената моќ, прво го истера ММФ од земјава и се' до пред една недела ја исмеваше оваа институција нарекувајќи ја со погрдни зборови, испраќајќи ја во историјата и во вечните ловишта. Сега конечно почна да ја преиспитува таа своја грешка, но нема сила самата да ја признае, па јавно повикува професори и стопански комори да и' укажат на сопствените грешки, за подоцна таа да соопшти дека ги прифаќа нивните сугестии, а не дека таа згрешила и се премислила. Ниту со ваквата грешка, светската криза нема ама баш никаква врска, како што нема ниту со промашеното управување со процесите околу „Сведмилк“ и други такви случаи. Каква е релацијата меѓу светската криза и масовното колење на добитокот, особено кравите, во Македонија? Никаква. Тој процес е во рамките на релацијата меѓу Владата, нејзината погрешна и еуфорична, но непромислена политика и сточарите во земјава.
Какво влијание има светската криза со неспособноста на здравствените власти во земјава да реализираат јавна набавка на здравствена опрема за 40 милиони евра, која со прес-конференција на целата Влада ја најави премиерот пред повеќе од две години, а потоа неколку пати ја одложуваа од само ним познати причини? Деновиве по кој знае којпат повторно се распишува јавен повик за истата таа опрема и истите тие пари.Какво е влијанието на светската криза врз компјутерите за училиштата што одамна се набавени и оттогаш се оставани да скапуваат по училишните подруми (заедно со парите потрошени за нив) и бесполезно да стојат по училниците со единствена задача да им ја намалат корисната површина на училишните клупи? Многу вакви прашања може да се постават што немаат никаква врска со светската криза, а кои Владата ги маскира со божемните светски случувања. Тоа веќе долго трае, но веројатно не може предолго да трае. Еден ден проблемите што власта, а не светот, сама ги создаде ќе испливаат на површината, а со нив и виновниците за тоа.
Никола Поповски
За Даб....овај за Крале Марко
Или евентуално за тектот погоре :smir:
