Во следната преговарачка рунда со државна стратегија за името
Автор: Ивана Костовска
Собранието ќе донесе државна стратегија за преговорите околу името пред почетокот на новата преговарачка рунда, откако ќе завршат јунските избори во Грција. Координаторите на пратеничките групи и спикерот Трајко Вељановски деновиве се договориле дека Стојан Андов, кој ја поднесе предлог-стратегијата, треба да се сретне со шефот на дипломатијата Антонио Милошоски. Целта на таа средба би била тие двајца да се договорат за можните сугестии на МНР во однос на содржината, со оглед на тоа што Владата даде негативно мислење за предлогот на Андов. Координаторката на пратеничката група на ВМРО-ДПМНЕ, Силвана Бонева, ја доби задачата да ја договори средбата меѓу Андов и Милошоски.
- Целта е да договорат, да видат како треба да се одвива седницата и дали има некакви сугестии од МНР. Ова беше усогласен став на сите координатори на пратеничките групи - рече Бонева.
Најверојатно предлог-стратегијата на Андов за решавање на спорот со Грција ќе се најде пред пратениците на 27 мај. Самиот предлагач Андов, пак, вчера не знаеше дека еден ден претходно кај Вељаноски имало координација за неговата стратегија. Пратеничката Роза Топузовска-Каревска од ЛДП, која беше на координацијата, вели дека договорот да се организира средба меѓу Андов и Милошоски е поради негативната оцена на Владата за предлог-стратегијата. Во владиното мислење што пратениците го добија пред еден месец се вели дека севкупниот материјал не би можел да се донесе како државна стратегија, од причини што не ги содржи сите елементи неопходни за документ врз основа на кој Македонија би преземала одредени активности во насока на презентирање на нејзината позиција во однос на наметнатиот спор со Грција.
Во мислењето на кое е потпишан вицепремиерот за економски прашања Зоран Ставрески се вели дека државната стратегија треба да се состои од прецизно наведени насоки и решенија што ќе ги определат содржината, формата, принципите и начинот на кој ќе се презентира позицијата на Македонија пред меѓународните фактори. Сепак Ставрески оценува дека предлогот на Андов може да се користи како основа за подготвување државна стратегија, но дека тоа треба да биде класифицирано со соодветен степен на доверливост, што предлогот на Андов не го содржи. Предлагачот Андов, пак, смета дека нема потреба да разговара со Милошоски за промена на текстот.
- За она што не се задоволни може да побараат промена преку амандмани - рече Андов.
Наспроти мислењето на Владата, тој смета дека стратегијата мора да биде јавен документ. Македонските парламентарци уште лани во ноември побараа итно донесување државна стратегија за преговорите околу името. Поради изборите, предлогот на Андов не беше ставен на гласање. Во резолуцијата треба јасно и недвосмислено да бидат вградени единствените ставови на политичките субјекти кои понатаму ќе бидат основа за преговори. Со документот се предвидува да се заштитат највисоките државни и национални интереси и да се зачува идентитетот на македонскиот народ, јазик, историја, култура и постоењето на македонско малцинство во Грција.
http://novamakedonija.com.mk/Deskto...=2&fCat=1&top=1&EditionID=368&ArticleID=22662
Автор: Ивана Костовска
- Целта е да договорат, да видат како треба да се одвива седницата и дали има некакви сугестии од МНР. Ова беше усогласен став на сите координатори на пратеничките групи - рече Бонева.
Најверојатно предлог-стратегијата на Андов за решавање на спорот со Грција ќе се најде пред пратениците на 27 мај. Самиот предлагач Андов, пак, вчера не знаеше дека еден ден претходно кај Вељаноски имало координација за неговата стратегија. Пратеничката Роза Топузовска-Каревска од ЛДП, која беше на координацијата, вели дека договорот да се организира средба меѓу Андов и Милошоски е поради негативната оцена на Владата за предлог-стратегијата. Во владиното мислење што пратениците го добија пред еден месец се вели дека севкупниот материјал не би можел да се донесе како државна стратегија, од причини што не ги содржи сите елементи неопходни за документ врз основа на кој Македонија би преземала одредени активности во насока на презентирање на нејзината позиција во однос на наметнатиот спор со Грција.
Во мислењето на кое е потпишан вицепремиерот за економски прашања Зоран Ставрески се вели дека државната стратегија треба да се состои од прецизно наведени насоки и решенија што ќе ги определат содржината, формата, принципите и начинот на кој ќе се презентира позицијата на Македонија пред меѓународните фактори. Сепак Ставрески оценува дека предлогот на Андов може да се користи како основа за подготвување државна стратегија, но дека тоа треба да биде класифицирано со соодветен степен на доверливост, што предлогот на Андов не го содржи. Предлагачот Андов, пак, смета дека нема потреба да разговара со Милошоски за промена на текстот.
- За она што не се задоволни може да побараат промена преку амандмани - рече Андов.
Наспроти мислењето на Владата, тој смета дека стратегијата мора да биде јавен документ. Македонските парламентарци уште лани во ноември побараа итно донесување државна стратегија за преговорите околу името. Поради изборите, предлогот на Андов не беше ставен на гласање. Во резолуцијата треба јасно и недвосмислено да бидат вградени единствените ставови на политичките субјекти кои понатаму ќе бидат основа за преговори. Со документот се предвидува да се заштитат највисоките државни и национални интереси и да се зачува идентитетот на македонскиот народ, јазик, историја, култура и постоењето на македонско малцинство во Грција.
http://novamakedonija.com.mk/Deskto...=2&fCat=1&top=1&EditionID=368&ArticleID=22662
