Си го заслуживме поразов, браво за Каљари за играта. Не знам која беше целта на Чиро со ставањето на Маркисио на левата крилна позиција, дечкото беше тотално отсечен. Џио мораше да игра на таа позиција. Друга забелешка... Молинаро?! :мрднат: Не ми се верува како сеуште Моли ужива каква таква доверба кај Чиро после сите оние негови изданија во дресот на Јуве. Па побогу, стај го Де Чеље, или евентуално Киелини лев бек, а Легро централен, Молинаро не треба да заигра за Јуве.
Некој спомна дека Сисоко изиграл добро денеска (поточно, во првото полувреме). Момо денеска беше очаен, заедно со Маркисио, но на вториов не му замерам, со оглед на тоа што штотуку се врати од повреда и играше на позиција на која не е навикнат да игра. Сисоко пробуваше да дрибла, да дава долги топки, да набацува.... Не знам дали Чиро тоа го побарал од него или не, но дефинитивно не беше добро за очи.
Околу одбраната, освен Касерес, кој заедно со Поулсен и Џовинко беше најдобар играч на теренот, другите претерано слабо. Канаваро, немам коментар. Дечкото може комотно да учи од Касерес. Киелини исто така доста слабо, до некаде крив за првиот гол. Човекот муабет праеше со некого место да се сконцентрира на играта... :офлеле: За Молинаро нема потреба да трошам зборови.
Браво за Диего, барем пробуваше нешто да направи, за разлика од Амаури, кој тотално е бескорисен со тие негови обиди за дриблинг низ 5 одбранбени играчи. Не знам што се случува со човеков, но не е пријатно за гледање.
И за крај, Чиро. Очигледно човекот не може да се сноси со притисокот. Му беа донесени супер играчи, но истите не може да ги распореди и контролира одкако тимот еднаш ќе киксне. Додека моралот беше висок, на почетокот од сезоната, газевме. Едно тешко гостување со Џенова смени се. Од тука па се до ден денес играме многу променливо. Чиро мора тоа да го среди, доколку сака да има иднина на кормилото на Јуве. Замените, стандард. Па добро бе, мајкуму, како може против Каљари во 70-та минута кога губиш и немаш никаква игра, упорно на клупа да чуваш играчи кои можат да направат нешто за да се смени резултатот (Џовинко, Дел Пиеро, Де Чеље...). Не го разбирам, едноставно не го разбирам човеков. Како и да е, не ни останува ништо друго освен да се надеваме дека ќе не демантира сите нас со добри резултати наредниве неколку утакмици, а ако не, отказот не му бега.
