Родителите и како тие ги воспитуваат нивните деца има голем удел во формирањето на една личност, меѓутоа откако тие се соочуваат со улицата, со училиштето, кога доаѓаат лице в лице со првата љубов, првиот сексуален однос, нивните родители не се таму.
Треба да се зборува за сексот, треба да се зборува за дрогата, ама колку едно дете ќе го прими и ќе го задржи мислењето и сугестијата и советите на нивните родители, најмногу зависи од него.
Не можеш ти со инка да им туриш дека на 12 години не треба ни да се помислува на секс, а камоли да се практикува.
Јас на 12 години уште играв со барбиките и „Да бие, да бие топката“, а денес гледам дека почнаа да се занимаваат со шминки, дечковци, мсн, интернет романси.
9 годишно чупенце, ми иди на врата и ми вели ајде напрај ми мсн.
Во наше време, кое и не е толку далеку, кај се видело бе дома да седиш на компјутер. Телевизија гледавме само кога имаше „Во светот на бајките“, „Мечето Ушко“, „Тетка Биберче“, „Були, Були“.
Со ова сакам да кажам дека телевизијата и интернетот се огромен фактор кои влијаат во воспитанието на едно дете.
Нормално, ако еден родител им забрани на своите деца да гледаат телевизија после 10 сатот, тие се Хитлеровци кои не знаат како да го воспитуваат своето дете.
Оттука, детето почнува да има одбивност кон нив, почнува да се жали наоколу како мама не го остава да игра Дота или Кантер Страјк и откако ќе му биде исклучен интернетот тој виси по интернет клубови.
