Еве, пак се јави СДСМ како не сме требале да ја тужиме Грција зошто не ја почитува времената спогодба со која колку сме ние обврзани, толку е обврзана и Грција.
Овој проблем го создаде СДСМ заедно со Грција уште во 1993 г., кога ја прифати грчката иницијатива да промена на уставното име на Р. Македонија. Во тоа време СДСМ измислуваше секакви изговори дека ќе не снемало ако не сме го променеле името во ФИРОМ и немало да сме влегле во ООН, наместо да се бори за меѓународните права на Македонија, според сите меѓународни повелби усвоени и од самите ОН; но СДСМ одлучи дека не треба да се бориме за нашите права и дека Грција треба да ја слушаме. Ни ја представуваа Грција како Бог, како нешто најсилно, против кого не можеме да се бориме и покрај тоа што правдата (ако ја баравме) беше и е на наша страна. И сега после 17 години, СДСМ не дозволува Македонија да се бори за своите права.
А и тогашното раководство, на големо и помагаше на Грција во тоа, дури и тогашниот председател (СДСМ книшка бр. 1) јавно изјавуваше дека Македонците немаат врска со античките Македонци, туку се чисти Словени, дојдени од зад Карпатите во 6 век и демек немаме право да се нарекуваме Македонци и Македонија; подоцна самиот тој во своите Мемоари спомнува дека Грција, преку министер од тогашна СДСМ влада нудела мито за да се потпише целосно бришење на македонското име.
Но, една единствена добра работа од чедото на СДСМ- Привремната Спогодба за ФИРОМ е што по дефолт, на истата е обврзана и Грција, која пак воопшто не ја почитува, а нашите комуналци на тоа никогаш и не реагирале.
Грција јавно и недвосмислено сега кажува дека не бара само смена на името на Р. Македонија, туку и промена на македонскиот идентитет и јазик и доколку се топтан не се промени, нема ЕУ и НАТО за нас. И покрај ова, СДСМ се залага за компромис за името, а тој компромис е можен само ако се прифата сите услови на Грција- бришење на името, идентитетот и јазикот, зошто Грција НЕМА намера да попушти во ниту еден свој услов. Да потсетам, сите условувања на Грција се надвор од меѓународното право.
Кога Владава тајно ја поднесе тужбата против Грција, која е обврзана пред ОН да не ја блокира Македонија во влезот во меѓународните иституции (НАТО и ЕУ) под референцата ФИРОМ, СДСМ остро се спротистави на тужбата. Со тоа индиректно и даде легитимитет на грција да изигрува Бог (ако дозволи Грција има влез во НАТО и ЕУ), да не угнетува и да ги крши меѓународните договори на кои Грција е оврзана, исто колку што и ние. Искрено, првенствено и јас ја обвинував Владава зошто идејата за тужба на Грција пред м.с.п. во Хаг не ја споделила со СДСМ и Претседателот, но по нивните коментари по однос на тужбата, ми стана јасно дека Владава си знаела со кого си има работа.
И еве ги континуирано СДСМовците и нивните сателити, со жестоки критики зошто сме ја тужеле Грција, дека тоа не оддалечува од ЕУ и НАТО и од конечен договор за името, а тоа решение за името единствено значи прифаќање на сите услови на Грција, заедно со се бришење на идентитето и јазикот македонски.
Сдсм засрами се!
