РАМАЗАН – најдрагиот гостин
“
Месецот Рамазан е месец во кој е објавен Кур,анот како Патоказ за луѓето, јаснотии по Показот и Одделувач на вистинаата од невистината. Па , кој од вас ќе се најде во тој месец – нека пости, а кој е болен или е на пат – нека ги напости тие денови. Аллах со тоа посакува да ви олесни а не да ви отежни : определениот број денови да ги надополните, и Аллаха да го величате затоа што ве упати, и благодарни да бидете.” (Ел – Бекара ,185 ).
Месецот Рамазан за сите муслимани ширум светот е најдрагиот гостин кој што ги посетува секоја година и им донесува скапоцени подароци. Тоа се подароци за јакнење на телото и духот низ откажувањето од јадење, пиење и удоволување на страстите, долго исчекуваните моменти на радост во заедничките ифтари ( прекинот на постот во секоја рамазанска вечер ), незаборавните доживувања и убавини на полните џамии за време на Теравих намазите (заедничките рамазански вечерни молитви ) ,чувствата на поголема солидарност и љубов меѓу луѓето, сласта од закрепнатиот и зголемен иман ( внатрешна вера ) и обилното присуство и опсипување на Аллаховата милост која силно се чувствува во овој свет месец.
Мубарек ( светиот ) Рамазан пред се е месец на нагласената Божја присутност во срцето на секој муслиман. Во него муслиманот ја обновува својата вера, јакне својот карактер , сомилост и заедништво, и така оснажен станува поспремен да се бори со искушенијата на животот на кои наидува во текот на годината.
Исламскиот рамазански пост има своја надворешна и внатрешна форма. Во надворешната форма верниците во текот на триесетте или дваесет и деветте дена секојдневно се воздржуваат од јадење и пиење, телесните пороци, интимниот однос и лошиот говор, и тоа во период од изгревањето па се до заоѓањето на Сонцето. Во текот на целиот месец тие поинтензивно чинат ибадет ( молитва ), делат садекатул – фитр ( обавезен рамазански допринос ) и меѓусебно се состануваат на заедничките ифтари и теравии.
Во внатрешната форма, верниците се обидуваат да ја воздигнат својата човечка особеност на едно повисоко ниво и низ јакнењето на сите особини кои што го красат на еден верник во односот кон неговиот Господар и кон другите луѓе, та барем во тој месец да ја реализираат визијата за идеален поединец и друштво, онаа визија на духовна благосостојба која што е вкоренета во секој човек.
Сите овие денови се исчекуваат со нетрпение и тие за верникот представуваат еден од најрадосните периоди во годината и оставаат неизбришлив печат на неговата душа, кој тој со себе го носи се додека трае патувањето низ разбранетите води на овосветскиот живот.
Мухаммед с.а.в.с. рекол:
“ Секоја работа што ќе ја сработи човекот нему му припаѓа , и за таа работа наградата е од 10 до 700 пати зголемена. Рекол Возвишениот Аллах : “ Освен постот, тој Мене ми припаѓа и Јас за него посебно наградувам. Постачот ги остава своите страсти и храна поради Мене. Постачот има две радости : за време на ифтар и за време на средбата со својот Господар. Здивот на постачот кај Аллах е поубав и попријатен од мирисот на миск. “ (Муттефекун алејхи ).
Возвишениот Аллах го одбрал овој племенит месец и оваа плодна ибадетска сезона, давајќи му многу специфичности и вредности , од кои ќе спомнеме само некои:
- тој е најдобриот месец, зошто во него започнала Кур,анската објава,
- тој е месец на постот кого Аллах џ.ш. го направил како еден од столбовите на исламот,
- тој е месец на ослободување од џехеннемскиот огин,
- тој е месец на трпението – сабурот,
- тој е месец на џихадот и одлучувачките победи во нашата историја,како битката на Бедр, Фетхул Мекке ( освојувањето на Мека )...
- тој е месец на хајрот ( доброто ), берекетот и секој вид на добродетелство,
- неговиот почеток е рахмет ( милост ),средината магфирет ( опрост ), а крајот ослободување од џехеннемскиот огин,
- Нафилето во овој месец е рамно на фарзот, а еден фарз е еднаков на 70 фарзови во другите месеци,
- кога ќе настапи неговата прва ноќ , се отвараат џеннетските капии а се затвараат џехеннемските,и пркосните шејтани се ставаат во окови.
- во него е величенствената ноќ Лејлетул Кадр која е повредна од илјада месеци итн.
Вредностите на постот
- постигнување огромни севаби и награди кои што немаат одредени граници,
- постот е бедем – штит од џехеннемскиот огин,
- тој е од причините за влегување во џеннетот низ посебните врати кои што се викаат Ер – Рејјан,
- тој е причина за простување на гревовите,
- тој е причина за шефа,атот - заземањето на судниот ден,
- тој е една од причините за примање на довите,
- тој е феноменална припрема на нашиот нефс ( душа ) и тело за поднесување на можните потешкотии во животот,
- тој е една голема школа низ која верникот ја чисти својата душа и корегира своите морални вредности,
- тој е превентива и лек за многу болести итн.
Мухаммед с.а.в.с. рекол:
“ Кога луѓето би ја знаеле вредноста на месецот Рамазан, би посакале секој ден да им биде Рамазан.”
РАМАЗАН МУБАРЕК ОЛСУН!