До BIRD_ON_WIRE
Колку што сум јас упатена, референдумот во 1991 година беше бојкотиран од албанското малцинство...:raz:
Грешка си. Вистината е дека без гласањето на албанците тој референдум за независност на државава немаше да успее, ова може да ти го докаже некој друг од форумов кој живее во западна Македонија. Во тоа време имаше доста двоумење помеѓу македонското население дали да се остане во братската југословенска држава или да се осамостоиме. Кај албанците оваа дилема не постоеше, со сигурност знам барем за Гостивар и Тетово дека дури и печалбари во западните земји дојдоа да гласаат во тој референдум.
Да се навратиме на темата, кога ќе земеш во обзир дека одредена партија со минимум 200 000 гласачи гласа или апстенира во референдум,ти овозможуваат двотретинско мнозинство, може да направат пресврт на резултатот во втор круг гласање на претседателски избори, владее на околу 30% од општините на државава без разлика дали ДУИ или ДПА има подршка од мнозинското албанско население, занемарувањето или потценувањето на толкава политичка моќ на одредена партија јас барем ја сметам за политичко самоубиство. Претпоставувам се сеќавате колку проблеми имаше владата со толку силна опозиција, а нефункционалноста на влада составена од ДПМНЕ И ДПА политичките аналитичари ја сметаа на времето влада со краток век, дури многумина мислеа дека нема ни 6 месеци да функсионира таква влада.
Владата треба да ужива доверба и подршка не само кај мнозинското македонско население туку треба да ужива подршка и кај доста влијателното албанско население.
Сакал некој или не, албанци во власта мора да има, дали тоа ќе бидат албанци членови на ДПМНЕ, дали тоа ќе биде партија со помала или поголема подршка од албанското население е политички потег на мандатарот. Владеење заедно со ДПА со помала подршка од албанското население се покажа како недемократски, лош политички потег. Претпоставувам дека премиерот Груевски научи нешто од своите грешки, знам дека излезе на избори со желба да освои што повеќе пратенички мандати за да ги избегне опструкциите,уцените итн но сепак ја нема подршката на албанците. Албанците сепак го уживаат правото да преку партиите на кои тие им го даваат мандатот да опструираат,уценуваат или пак да подржуваат одредена влада и сето ова во зависност од политичката клима и внатрешните меѓуетнички односи.
