vo vreme
``СЕ ИСПЛАЌААТ ПАРИ ЗА ЕСЕНСКИТЕ ПОСЕВИ
Жетвата и субвенциите одат рака под рака Во тек е исплатата на субвенциите за растителното производство на земјоделците кои барањата ги поднеле до 31 март. По 6.000 денари за еден хектар засеана површина со есенски посеви, 75.000 денари за еден хектар подигнати нови овошни насади и по 120.000 денари за еден хектар за подигнати нови лозови насади се субвенциите што им следуваат на земјоделците. За производителите во ридско-планинските предели субвенциите се за 10 проценти повисоки. - Досега финансиска поддршка добија земјоделските производители од 26 подрачни единици. Во наредните денови очекуваме да заврши исплатата за првата фаза и во останатите шест подрачни единици. Првпат годинава исплатата на средствата од програмата за финансиска поддршка во земјоделството се извршува во фази. Први пари зедоа тутунарите, по 30 денари за еден килограм предаден тутун, за кои се одвоија 488 милиони денари - изјави Тони Димовски, директор на Агенцијата за финансиска поддршка во земјоделството и руралниот развој. Производителите на млеко добија по два денари за еден литар предадено млеко во регистрирана млекарница. Исплатата продолжува и понатаму, со доставување на потребните документи од млекарниците и обработка на барањата. Од платежната агенција апелираат до млекарниците за навремено доставување на потребната документација до Агенцијата, со што ќе се овозможи редовна исплата на производителите од сите региони. Поради зголемениот интерес за користење на средствата од програмата, Владата го продолжи рокот за поднесување на барањата до 30 јуни.``
go molam abc da iskomentira