Нимиц со компромисен предлог
Нимиц со компромисен предлог за името, пишува електронското издание на “Нефтемборики“. “Во полза на двете страни е спорот за името да биде решен“, изјавил специјалниот пратеник на ООН за спорот меѓу Скопје и Атина за името на Македонија, цитира, електронското издание на “Нефтемборики“.
Нимиц, како што пренесува изданието, истакнал дека моментот за решавање на спорот дошол, затоа направил компромисен предлог за двете страни кој што според него е “праведен и достоен“, макар што не им одговара сто проценти на желбата на која било страна. Содржината на предлогот одбил да ја коментира.
Како што пренесува изданието, Нимиц одбил да ја коментира врската меѓу присоединувањето на Скопје кон НАТО и спорот со Атина за името.
“Јас сум преговарач за ООН, и не можам да зборувам за процедурата на присоединување на Скопје кон НАТО“ изјавил Нимиц. Тој истакнал дека и двете страни имаат желба спорот да биде решен. “Колку побрзо ќе биде решен спорот толку подобро“ рекол тој.
Нимиц изразил надеж дека неговиот предлог ќе биде основа за постигнување решение за спорот, иако според “Нефтемборики’“, некои делови од предлогот ќе бидат примени тешко од двете страни. Преговарачите од двете страни ќе треба да го претстават предлогот на своите влади кои ќе го анализираат, земајќи ја во предвид ситиуацијата во регионот.
Нимиц пристига во Атина вчера за да се сретне со преговарачите за спорот меѓу Скопје и Атина, Адамандиос Василакис и Никола Димитров. Следната средба, како што рекол Нимиц, можела да биде за неколку дена до неколку недели, зависно од двте страни.
Автор на веста: Нетпрес
Објавена на 19.02.2008 15:43:58
