Едно од најголемите табуа во Македонската национална историографија во изминативе 60 години е Бугарија и ВМРО.
Во класичен комунистички стил селективно се пласираа информации за одредени личности и организации без да се даде објаснување на историскиот контекст на настаните, затоа и ни се случува да после 17 години “независност“ сеуште да немаме национален консензус кој сме што сме, која е нашата етногенеза. Овдека во претходните постови се развива дискусија околу правото за некој да се вика ВМРО. Мојот став е јасен да, зашто да не? Исто како што СДСМ има право да се вика КПМ или СКМ (само што некако не им се допаѓа таквото поистоветување, не е во мода да бидеш комуниста). Во однос на припадноста на Александров, Михајлов и компанија кој што застапуваат пробугарски ставови, јас би запрашал, а какви ставови застапуваше Колишевски, Глигоров, Црвенковски, Малевски, дали овие ликови треба по автоматизам да ги прогласиме за немакедонци. (башка побајаги материјал оставаат за такво нешто).Што е со осудата на Трбиќ, на останатаите србомани, во која партија ваквите србомани се инфлитрирани, дали е тоа таканаречената СДСМ, дали таму можеме да ги најдеме? Дали имаме полно право СДСМ да ја наречеме антимакедонска збирштина со оглед дека ги имаме на купче (југоносталгичари, србомани, срби, цинцари и слични антимакедонски сили). Во рамките на револуционерната организација впрочем и не постои некој кој што е наклонет кон Србија или Грција. Постојат само варијации на тема кој што се движат од Автономија до отворени симпатии кон Бугарија. Мисирков го потврдува истото, кај него постојат исто така варијации од комплетна самостојност до пробугарски ставови. Да се префрлиме на комунистичкото движење, какви беа ставовите на Шаторов, на Шатев на Ченто, Чучков, Брашнаров, Рацин, Кузман? Дали беа идентични со Лазо, Видое Смилевски, Темпо? Зашто пола УДБА по војната беше исклушиво составна со Срби и просрбски кадри?
Зашто Античка Македонија 60 години беше табу тема? Работите се комплексни или ќе се открие вистината или ќе не нема. Дај да расчистиме кој се Македонците? Или ќе ги прифатиме сите под бајракот на Македонија и како Македонците заблудени од пропагандите или преку к... од вакви комунистички сценарија еднострани демек бугарашиве се лошите, а србоманите се добрите.