Трофејот првпат кај Металург Скопје
По 15 едноподруго победи на ѓорчепетровки, тимот на Металург Скопје дојде до триумф со кој стана третиот женски состав кој стигнал до пехар од Купот.
МЕТАЛУРГ СКОПЈЕ - КАЛЕ КИЧЕВО 35:23 (17:5)
Сала: Автокоманда во Скопје. Гледачи: 300. Судии: Чавдаров од Богданци и Наумовски од Скопје. Делегат: Драган Начевски од Скопје.
МЕТАЛУРГ СКОПЈЕ
Андрејева 13 одб.
Антиќ 1 одб.
Крстевска 3 одб.
Мечевска 4/6
Андреева 1/1
Новеска 4/5
Серафимовска -
Д. Георгиевска 4/9
Гемтовска -
Бајрамоска 5/10
Десподовска 1/4
Е. Георгиевска 6/9
Николовска 2/2
Величковска 2/2
Митрова 6/8
Седмерци: 2/3
Исклучувања: 10 мин.
Тех. грешки: 20
КАЛЕ КИЧЕВО
Костадиновиќ 14 одб., 1 сед.
С. Стефаноска -
М. Стефаноска -
Масева -
Здравевска 1/4
Ацковска 2/7
Адамческа 0/6
Костеска 3/3
Грујоска 5/9
Маневска 3/6
Јаковлеска 2/3
Младеновска 3/5
Михајловска 3/4
Белеска 0/1
Ходак 1/3
Седмерци: 3/3
Исклучувања: 4 мин.
Тех. грешки: 29
Ракометарките на Металург Скопје стигнаа до победа во финалето од Купот на Македонија откако против екипата на Кале Кичево имаа одличен почеток и по десетина минути игра направија голема разлика.
Гостинките од Кичево како да немаа сили да ја повторат играта од пред неколку дена кога во првенствениот меч имаа одлично прво полувреме. Овој пат Металург Скопје уште од првиот напад тргна решително и го тераше противникот да прави многу грешки. Кичевки, пак, делуваа безидејно во играта и премногу грешеа во додавањата. На тој начин му дозволија на составот на Металург набрзина да стигне до двоцифрена предност. По десет минути игра беше 7:1, во следните десет беа додадени уште четири разлика, па во 20. минута водството изнесуваше 13:3. Тука практично паднаа сите дилеми околу тоа кој ќе дојде до триумф во ова финале.
И покрај сите желби во продолжението да се направи нешто повеќе кичевки продолжија со лошата игра во нападот. Грешките само се зголемуваа, па со тоа веќе стануваше јасно дека составот на Металург Скопје на одмор ќе замине со висока предност, која во 30. минута изнесуваше 12 гола разлика, 17:5.
Она што беше направено во првото полувреме во вториот дел беше само продолжено и немаше речиси ништо ново. По пет минути игра разликата се искачи на 14 погодоци, по што следуваше најдобриот период одигран од Кале Кичево. Со четири гола во серија беше намалено на 21:11 и тоа беше најмалата разлика во второто полувреме.
Само неколку минути беа доволни за одново предноста на Металург Скопје да дојде до превисоки 16 разлика (30:14, 49 минута), па во тие моменти практично почна и славењето на ракометарките кои беа и домашни на овој куп. Беше јасно дека нема да има ништо изненадувачко до крајот бидејќи времето беше прекусо за да се направи нешто повеќе.
Во последните десет минути се играше смирено, а шанса за игра добија сите ракометарки кои беа во составот на Металург Скопје. Сите успеаја да почувствуваат како е да се игра во едно финале така што го дадоа својот придонес во првата титула за екипата на Металург Скопје. Сезонава ќе има сигурно и уште една бидејќи во првенството овој тим нема никаква конкуренција и с$ чека само да бидат доиграни сите средби за титулата да се официјализира.
На натпревар во кој с$ беше решено по неколку минути игра е многу тешко да се издвојат поединци бидејќи кај победничкиот состав имаше неколку ракометарки коишто одиграа добар меч. Сето ова им овозможи додека го играа финалето да размислуваат и за дуелот против Букстеуде в среда бидејќи против Кале Кичево немаше никаква неизвесност.
Д. М.
Освојувачи на Куп на Македонија - жени
1992/93 Ѓорче Петров
1993/94 Вардар
1994/95 Кометал Ѓ. П.
1995/96 Кометал Ѓ. П.
1996/97 Кометал Ѓ. П.
1997/98 Кометал Ѓ. П.
1998/99 Кометал Ѓ. П.
1999/00 Кометал Ѓ. П.
2000/01 Кометал Ѓ. П.
2001/02 Кометал Ѓ. П.
2002/03 Кометал Ѓ. П.
2003/04 Кометал Ѓ. П.
2004/05 Кометал Ѓ. П.
2005/06 Кометал Ѓ. П.
2006/07 Кометал Ѓ. П.
2007/08 Кометал Ѓ. П.
2008/09 Ѓорче Петров
2009/10 Металург Скопје
МВП наградата за Душица Георгиевска
Организаторот на играта на Металург Скопје, Душица Георгиевска ја доби наградата за најдобра ракометарка на завршниот турнир од Купот на Македонија. Таа вчера одигра речиси 60 минути против Кале Кичево. Задачата во одбраната ја заврши одлично, а и во нападот имаше забележителна партија каде повеќе ги проигруваше колешките. Покрај тоа постигна и четири гола.
Најефикасната вчера, Драгица Митрова воедно беше и најпрецизна на турнирот во 13 погодоци.
"Металурзите" најдобри
Младинските екипи на Металург ги освоија пехарите и во двете конкуренции, а вчера на полувремето од финалето на Купот ги добија пехарите за сработеното во оваа сезона.
Металург Скопје успеа да дојде до трофеј пред тимовите на Вардар Осигурување и Кале Кичево, а вчера медали имаше за трите екипи.
Покрај ова Металург успеа да дојде до трофеј и кај младинците. Таму тие беа први пред составите на Пелистер и В. В. Тиквеш.
Ова е првпат да се доделат медали за трите најдобри екипи во Супер-лигите во младинска конкуренција, а воедно и првпат шампионите во ова натпреварување да бидат и апсолутни прваци на Македонија во својата категорија.
