Предметите од прв семестар на институтот по психологија ти се
-Физиологија на нервен и ендокринен систем, 4 кредити (3 часа предавања+1 вежби неделно)
-Генетика, 4 кредити (2 школски часа предавања+2 часа вежби неделно)
-Историја на психологијата, 5 кредити (2+2)
-Перцепција, 6 кредити (4+2)
-Дескриптивна статистика, 6 кредити (3+2)
-Филозофија, 3 кредити (2+0)
-Странски јазик-можеш да бираш Англиски, Француски, Германски или Руски, кои носат 2 кредита (0+2)
Предметите во втор семестар нема да ти ги редам, сепак не ти се пресудни, ти ги наведов овие за да видиш како се движат работите.
Има и факултативни предмети како Македонски јазик и Физичко за кои не си обврзан да ги слушаш, единствено ако не ги пријавиш во индекс.
Во однос на предавањата типични се како и за сите други факултети според ЕКТС, се бара активност на студентото како на предавањата, така и на вежбите, како и компетентно учество во дискусија, постојано се бележи таа, заедно со присуството, се пишуваат семинарски работи, есеи, за одредени предмети (како Генетика) можеш да избереш и ако сакаш да преведеш труд од Англиски, Француски или Германски јазик кои секако ти носат поени.
Колоквиумите најчесто се подготвуваат со материјали од 70-100 страни, за секој предмет различно. Најчесто се учи од повеќе книги, и поголем дел од литературата е на српски, српско-хрватски јазик иако дел од професорите се трудат да ни обезбедат преводи.
Некои од професорите дозволуваат доколку не освоиш минимален број на поени да го преполагаш колоквиумот, некои автоматски те праќаат на испит во Фебруари. Сепак тоа не е индицирано од Филозофски како факултет, туку зависи од принципите на секој професор поединечно.
Се пополнуваат т.н. Сини листови за секој предмет посебно на кој на крајот на семестарот се запишуваат тие бодови во зависност од тоа колку се освоени на колоквиумите, од активноста, редовноста, изработка на есеј, семинарска, превод, библиографија и се сумираат врз основа на што се формира завршната оценка.
Задоволен/а?
