Ѕидарски, би можел ли да ја објасниш поврзаноста помеѓу Јунговата философија и масонеријата ?
Бидејќи кај повеќе автори имам забележано дека се користи за објаснување на трите степени, па и воопшто за објаснување на самата масонска философија, а од друга страна пак се вели дека интерпретацијата е индивидуална, односно не постои еден, да кажам догматски поглед ?
Точно, не постои догматски пристап.
Што се однесува до Јунг - секој има можност да ги толкува степените преку неговото филозофско видување, но јас лично не сум голем приврзаник на таа идеја, затоа што мислам дека е ограничувачка. Може да се користи делумно, како елемент во едно поцелосно објаснување, но не како единствен, односно самостоен начин на толкување. Потеклото на симболиката на степените е старо неколку илјади години и треба таму да се бара објаснувањето за масонската филозофија - да се земе во предвид времето во кое настанува, начинот на кој настанува, да се анализираат сите фактори, пред да се вади конкретен заклучок.
Искрено - многу малку автори имаат таков пристап. Повеќето тргнуваат да пишуваат книги или да прават проучувања, со претходно утврдена идеја, која само се обидуваат да ја докажат, а не со цел да дојдат до некој нов извод или идеја.
п.с. Да не дојде до некаква забуна - Јунг, психијатарот, не бил масон. Неговиот дедо, кој го носи истото име - бил и тоа на доста висока позиција во Швајцарската Ложа.
