Масони

[zidarski]

E za ovaa poslednoto ne sum zapoznaen verojatno gi imam postarite informacii .

Да, ова е релативно ново. Имаше дури и иницијатива да почнат да примаат и немасони, како придружен орден во рамките на Шрајн, но Големите Ложи низ цела Америка рекоа дека ќе ја укинат својата поддршка доколку се случи тоа.

 

[national1973]

zidarski, me interesira dokolku vo edna pogolema grupa na luge ima eden mason, dali ke go poznaes deka e mason(bez da ima znacki i prsten). Dali toj tebe ke te prepoznae deka si mason? Dali dvajcata treba da imate tret stepen za da mozete da se prepoznaete i na krajot kako ke reagirate eden kon drug?

 

[zidarski]

Ако разговараме и се поздравиме, има начин да разберам дали е масон или не. Ако само стоиме во поголема група на луѓе - не.
Не мора да си трет степен за да може да се препознаеш со друг масон.
Како ќе реагираме? Како браќа, кои иако прв пат се сретнуваат, всушност се познаваат со години...

 

[shapeless]

Мене ме интересира повеќе религиозниот аспект на масонеријата. Што точно подразбирате под големиот архитект ? Дали нужно го разбирате како свесно битие или пак единствено како битие, односно како нешто спротивно од ништо ? Понатаму, што постоело пред битието и доколку не постоело ништо како е можно да настанало нешто од ништо дури и по претпоставка дека нештото поседувало способност да се себе-создаде кога таа способност се уште не постоела бидејќи било ништо ?

Втор ред на прашања. Доколку го разбирате битието како свесно, тогаш што ви дава до знаење дека е свесно, а не несвесно ? Доколку битието е се што постои и е свесно, дали сме ние свесниот дел од битието ? Доколку не, што не прави нас помалку свесни од останатиот дел од битието и дали имаме потенцијал да станеме подеднакво свесни со него ?

Трет ред на прашања. Дали можете да го сфатите битието како форма на материја или енергија ? Доколку да, дали неговото, а воедно и нашето постоење како дел од него може да биде предизвикано од случајност ? И дали можете да го прифатите постоењето на битието како нешто кое не поседува квалитативни карактеристики како семоќ или се-знаење ?

Ќе следат и други прашања доколку сте расположени за дискусија...

 

[zidarski]

Мене ме интересира повеќе религиозниот аспект на масонеријата.

Проблемот е што нема универзален религиозен аспект на масонеријата, односно, секој овие прашања ќе ги одговори индивидуално, во зависност од личното верување и религија. Ќе се обидам да дадам колку што е можно понеутрални одговори.

Што точно подразбирате под големиот архитект ? Дали нужно го разбирате како свесно битие или пак единствено како битие, односно како нешто спротивно од ништо ?

Големиот Архитект е референца за Бог. Секој член го разбира онака како што личните религиозни убедувања му налагаат. Во секој случај - тоа е Врховно Битие, не е само нешто спротивно на ништо (иако - во некои форми на Тибетанскиот Будизам, токму празнотијата, односно непостоењето е Врховно Битие).

Понатаму, што постоело пред битието и доколку не постоело ништо како е можно да настанало нешто од ништо дури и по претпоставка дека нештото поседувало способност да се себе-создаде кога таа способност се уште не постоела бидејќи било ништо ?

Ова веќе не е масонска дискусија, туку религиозна. Односно - прашањето е дали Бог настанал од нешто или сам себе си се создал.
Проблемот со разгледување на ваквото прашање е гледната точка од која се разгледува. Односно - ти го поставуваш прашањето во материјалната призма на време-простор континуум, додека кај Бог тоа не постои, затоа што Тој Постои, независно од времето и од просторот. Вечноста и Бескрајот, не можеш да ги дефинираш со почеток и крај, затоа што тие се Вечни и Бескрајни, не почнуваат, не завршуваат, не траат, туку едноставно Се.

Втор ред на прашања. Доколку го разбирате битието како свесно, тогаш што ви дава до знаење дека е свесно, а не несвесно ? Доколку битието е се што постои и е свесно, дали сме ние свесниот дел од битието ? Доколку не, што не прави нас помалку свесни од останатиот дел од битието и дали имаме потенцијал да станеме подеднакво свесни со него ?

Повторно - лично видување. Има масони кои не веруваат во конкретен Бог, туку во некоја Виша Сила која се изразува себе си преку законите на физиката во универзумот. Има масони кои веруваат во крајно свесно битие - Бог во Јудео-Христијанската смисла на зборот. Последните две прашања и потпрашања, зависат повторно од личното религиозно убедување и немаат ограничувања или дефиниции во масонската "доктрина".

Трет ред на прашања. Дали можете да го сфатите битието како форма на материја или енергија ? Доколку да, дали неговото, а воедно и нашето постоење како дел од него може да биде предизвикано од случајност ? И дали можете да го прифатите постоењето на битието како нешто кое не поседува квалитативни карактеристики како семоќ или се-знаење ?

Не, затоа што зборуваме за Врховно Битие. Односно - Битие кое сепак се изразува себе си на некој начин. Ова е јасно одредено во масонските текстови и не може да подлежи на дискусија, иако начините на тоа изразување, може да се различни за секој поединечно.

Ќе следат и други прашања доколку сте расположени за дискусија...

Се разбира, во секое време...
Би препорачал да се движиме едно по едно прашање... така ќе имаме можност да навлеземе во детаљи и да стигнеме до попрецизни одговори.

 

[The Mad Doc]

Дали може сатанист да стане масон?

 

[somoteitbe]

Дали може сатанист да стане масон?

Ova mi lici kako na onaa Jas nauciv da vozam velosiped ,a dali nauci da vozil 10to brzinec? Posle tolku mnogu stranici pisuvano nekoj povtorno saka da go pritisne dugmeto reset ,ne e fer pa daj procitajte malku nanazad.

 

[The Mad Doc]

Ova mi lici kako na onaa Jas nauciv da vozam velosiped ,a dali nauci da vozil 10to brzinec? Posle tolku mnogu stranici pisuvano nekoj povtorno saka da go pritisne dugmeto reset ,ne e fer pa daj procitajte malku nanazad.

Се извинувам ќе барам назад.

 

[shapeless]

Во ред, благодарам на одговорите.

Следно нешто што до некаде ме држи во конфузија е структурата на самите ложи. Имено, на неколку масонски форуми забележав дека оние кои имаат намера да пристапат кон братството пред да контактираат некој надлежен речиси секогаш прашуваат за просечната старост на членовите на ложата, веројатно со цел да изберат ложа која што би била поприкладна на нивната возраст. Што е логично бидејќи вообичаено луѓето имаат тенденција да се дружат со луѓе со кои споделуваат слични интереси...

Мене ми е јасно дека за апликантите возраста реално и нема да претставува проблем, особено доколку претпоставиме дека штом се одлучиле да аплицираат сигурно се привлечени од масонеријата, но дали можеме да бидеме сигурни дека членовите на ложата условно кажано би прифатиле помлад или постар човек како брат ?

Прашањето го поставувам со конкретна причина, како би можел да знам јас доколку се одлучам на тој чекор дали е мудро да аплицирам во Македонија како моја матична држава при услови во кои нема поставено подетални информации на официјалната веб страна на ГЛМ, масонеријата реално е присутна во затворени кругови за разлика од други земји каде заинтересираните можат отворено преку разни медиуми како форумите да се информираат за разни прашања кои ги интересираат, а членовите се барем за оние кои знам високи фигури од бизнис секторот или правото. Знаејќи ги овие податоци и фактот дека е возможно единствено два пати да се аплицира за влез како што кажав дали би било мудро да аплицирам тука и дали со тоа би се соочил со некаков ризик да бидам одбиен поради разни X причини или пак можеби би било подобро тоа да го направам во земјата каде ќе одам на пост-дипломски студии (најверојатно Англија во конкретниот случај) ?

 

[El Bohemio]

zidarski - Масоните се настанати од Темпларите, а пак Темпларите на почетокот биле толку многу сиромашни колку што биле храбри, нели ? Како за многу "краток период " тие прераснуваат во најмоќна воена сила ? Зошто тогашниот Папа им го одобрил тоа ? Дали тие ја дознале, откриле најголемата црковна тајна и со тоа биле "непобедливи" ?
Можеби навистина постои Светиот грал или Ковитот ? Дали тука лежи најголемата тајна ?

Дали имате свој масонски устав ? ( доколку има дали е достапен за целата јавност ? ) Јас неамм сретнато до сега такво нешто.

Дали имате свој "масонски ракопис"?

И уште едно прашање кое не мора да го одговараш бидејќи е лично, онака чисто информативно ме интересира... Дали веруваш дека Исус Христос и Марија Магдалена имаат потомци, и до ден денес се живи ?

 

[zidarski]

Shapeless - ќе ти дадам детален одговор, првин да одговорам на прашањата на Peckata.

zidarski - Масоните се настанати од Темпларите, а пак Темпларите на почетокот биле толку многу сиромашни колку што биле храбри, нели ?

Многу често недоразбирање е ова. Да, монашкиот орден што го формираат се вика "Бедни Браќа, Воини Христови", но тоа се однесува на поединецот откако ќе стане член на орденот. Инаку - се примале само и исклучиво членови на аристократијата, кои веќе биле витези (нешто за што има посебни критериуми) и кои при зачленувањето се што поседувале го ставале на заедничко располагање на братството.
Така што - Темпларите НИКОГАШ не биле бедни, напротив, од самиот старт било многу богато братство, за разлика од сите останати монашки братства, каде што се примале и бедни кандидати.
Дали се масоните настанати од темпларите или обратно е друга тема на дискусија.

Како за многу "краток период " тие прераснуваат во најмоќна воена сила ? Зошто тогашниот Папа им го одобрил тоа ? Дали тие ја дознале, откриле најголемата црковна тајна и со тоа биле "непобедливи" ?
Можеби навистина постои Светиот грал или Ковитот ? Дали тука лежи најголемата тајна ?

Една од варијантите е токму тоа - дека откриле некоја тајна со која биле во позиција на моќ над папата. Тоа е многу веројатно. Но - нема конкретни податоци, во ниту една архива.
Од друга страна, голем дел од моќта се должи на тоа што биле заштитници на патниците кон Ерусалим. За да се сфати значењето на ова, мора да се сфати општеството во тоа време. Тоа е период на екстремна религиозност во Западна Европа. Од денешен аспект е тешко дури да се разбере дека такво нешто воопшто може да постои. Најноминалниот верник од тоа време е екстремен фанатик во споредба со најголемиот верник во денешно време. Луѓето навистина верувале во спасението, навистина се плашеле од пеколот, навистина сметале дека треба се да направат со цел да се избават - и тоа многу често се базирало на суеверие...
Еден од главните религиозни елементи во тоа време бил аџилакот во Ерусалим. Со паѓањето на Ерусалим во рацете на западните крстоносци, се отвора можност за Европјаните да одат таму на аџилак непречено и речиси секој кој имал можност да го прави тоа - не размислувал два пати. Патувањето било многу опасно и се поминувало низ многу земји кои не биле баш безбедни ниту за патниците, но уште повеќе за товарот кој го пренесувале (кој многу често се состоел од злато и пари - затоа што патувањата, односно аџилакот обично траеле по неколку години). Тоа создало потреба од создавање на "служби за безбедност", кои ќе се грижат и за патниците, но и за парите и стоката. Таа служба, всушност биле Темпларите. Биле единствени кои биле доволно организирани и во реална можност да го спроведат тоа на дело. Така што - разбирливо е што за многу кратко време создале огромна финансиска моќ. Таа финансиска моќ, како и паметните водачи, им овозможиле за многу кратко време да се претворат во "Банкерите на Европа", што во тоа време било многу важно, затоа што биле единствените кои располагале со огромни резерви на злато. Останатите европски кралеви биле многу задолжени и речиси банкротирани, затоа што ги финансирале и крстоносните војни, но и луксузниот начин на живеење кој го имале. Темпларите живееле бедно, повеќе од скромно, немале лична сопственост, огромен прилив на пари и имоти. Биле во состојба да позајмуваат пари на сите, а со самото тоа - биле во состојба потоа да ги контролираат сите (како денешните банки). Тие го создаваат современиот западен систем на банкарство.

Дали имате свој масонски устав ? ( доколку има дали е достапен за целата јавност ? ) Јас неамм сретнато до сега такво нешто.

Да, има. Има два вида на устав. Едниот е Уставот на Андерсон, има издание на Македонски, но и на интернет може да се најде многу лесно. Неколку страници поназад, објавив линкови од неколку PDF фајлови, едниот од нив е Уставот на Андерсон.
Вториот вид е уставот кој секоја Голема Ложа го има, кој се базира на Уставот на Андерсон, но има и дополнителни елементи, карактеристични за секоја земја. Овие се исто релативно јавни документи, но треба да се добие од самата Голема Ложа, не се поставуваат на интернет. Секој масон при зачленувањето добива копија од уставот на Големата Ложа.

Дали имате свој "масонски ракопис"?

Не. На времето имало таканаречен масонски код, односно шифрирано писмо, но тоа се користело релативно кратко. Побарај на интернет, има објаснување за ова, има и сликовен приказ како изгледа. Не се употребува, затоа што е многу едноставен, а и затоа што веќе нема потреба од него.

И уште едно прашање кое не мора да го одговараш бидејќи е лично, онака чисто информативно ме интересира... Дали веруваш дека Исус Христос и Марија Магдалена имаат потомци, и до ден денес се живи ?

Не. Верувам дека Исус Христос е Бог, кој се овоплоти во човек, како еден од Светата Троица. Тоа е мое лично религиозно видување. Друг ако прашаш, ќе ти каже според неговото видување.

Во ред, благодарам на одговорите.

Следно нешто што до некаде ме држи во конфузија е структурата на самите ложи.

Прашај што поконкретно од структурата на ложите те интересира, затоа што прашањето што следно го поставуваш не е врзано за структурата...

Имено, на неколку масонски форуми забележав дека оние кои имаат намера да пристапат кон братството пред да контактираат некој надлежен речиси секогаш прашуваат за просечната старост на членовите на ложата, веројатно со цел да изберат ложа која што би била поприкладна на нивната возраст. Што е логично бидејќи вообичаено луѓето имаат тенденција да се дружат со луѓе со кои споделуваат слични интереси...

Да, но ова е почесто на запад, каде масонските ложи се стари по стотина и повеќе години. Некои ложи веќе "одумираат", некои допрва се активираат. Тоа е реално битно, затоа што не сакаш да попаднеш во ложа каде што нема нови кандидати и просечната возраст е над 60-тина години, а ти си на 25 на пример. И обратно, за човек кој е над 60 години и сега сака да се зачлени, не е толку добро да оди во ложа каде просекот е 35-6... Масонеријата не се случува само во ложата, туку и во реалниот живот, во секојдневието. Ние сме многу блиски пријатели, другаруваме, работиме едни со други... ако попаднеш во средина која не е адекватна за тебе, нема да можеш да го искусиш вистинското лице - онаа вистинска близост и врска која ја имаме едни со други.
Во земја како Македонија, масонеријата е релативно млада и членовите се од сите возрасти, така што нема таков проблем.

Мене ми е јасно дека за апликантите возраста реално и нема да претставува проблем, особено доколку претпоставиме дека штом се одлучиле да аплицираат сигурно се привлечени од масонеријата, но дали можеме да бидеме сигурни дека членовите на ложата условно кажано би прифатиле помлад или постар човек како брат ?

Како што реков - не е проблемот во тоа дали ќе примат или не - а дали ти ќе се чувствуваш добро таму. Инаку - ако ги исполнуваш критериумите, нема воопшто причина да не те примат.
Во мојата ложа имаме многу интересен состав на членовите - има многу млади членови, кои се на 20 и нешто години, најголемиот дел (од активните членови) се од 30 до 50, но имаме и многу активни членови кои се над 70.
На тој начин, се добива интересен спој на ентузијазмот и енергијата која младите ја имаат, структурираност и стабилност која ја пружаат оние на средна возраст, и масонско и животно искуство и знаење кое постарите го имаат. Постарите се мотивирани од помладите, помладите учат од постарите... секој го добива она што му е потребно.

Прашањето го поставувам со конкретна причина, како би можел да знам јас доколку се одлучам на тој чекор дали е мудро да аплицирам во Македонија како моја матична држава при услови во кои нема поставено подетални информации на официјалната веб страна на ГЛМ, масонеријата реално е присутна во затворени кругови за разлика од други земји каде заинтересираните можат отворено преку разни медиуми како форумите да се информираат за разни прашања кои ги интересираат, а членовите се барем за оние кои знам високи фигури од бизнис секторот или правото. Знаејќи ги овие податоци и фактот дека е возможно единствено два пати да се аплицира за влез како што кажав дали би било мудро да аплицирам тука и дали со тоа би се соочил со некаков ризик да бидам одбиен поради разни X причини или пак можеби би било подобро тоа да го направам во земјата каде ќе одам на пост-дипломски студии (најверојатно Англија во конкретниот случај) ?

Не сум сигурен дека воопшто ќе можеш да аплицираш во Англија. Таму ќе бидеш на привремен престој.
Прво - за да аплицираш некаде, мора да живееш во земјата одредено време. Во секоја земја е различно, но мислам дека за Англија е една година (исто како и тука, во Канада). Тоа значи, дека од стапнувањето во Англија, најрано една година мора да помине додека воопшто да поднесеш апликација, па дури потоа да се разгледува истата.
Потоа - не знам дали воопшто ќе можеш да аплицираш таму, затоа што таму ќе бидеш привремено, а во твојата матична земја има Голема Ложа (која патем е произлезена токму од UGLE). Ова треба да го провериш самиот, пиши на сајтот на UGLE, ќе ти дадат одговор, ќе треба да почекаш, но ќе ти одговорат.
Дури и да можеш да аплицираш - тие повторно голем дел од процедурата за проверка ќе ја префрлат во Македонија, затоа што си од Македонија и информацијата за тебе, пред се ќе дојде од таму.

Така што - ако мислиш да одиш во Англија и да останеш таму, тогаш, да, аплицирај таму. Ако мислиш да се вратиш во Македонија, тогаш нема никаква логика да аплицираш било каде на друго место (дури и да можеш).

Во врска со членството во Македонија - не е точно дека само богати и познати личности се членови! Ти имаш слушнато за познати и богати членови, затоа што ако некој ти каже дека на пример Митре од Струмица е масон, ништо нема да ти значи, затоа што немаш поим кој е Митре... Додека личностите кои се познати - веднаш ти значат нешто (ги распознаваш и ги идентификуваш).
Инаку - има секакви членови, од сите слоеви и професии... познавам луѓе кои воопшто не се познати, работат како инжењери, сметководители, административци, имаат ситен бизнис (трговија на ситно на пример) итн... возраста - секаква - од 25-6 годишни, па до 70 годишни...
Така да - мој совет е прво да се обратиш кон ГЛМ, нема причина да те одбијат, доколку нема причина да те одбијат :smir:. Да, процедурата трае долго време - но тоа е сосема нормално. Сепак - трпеливоста е многу битен човечки квалитет кој еден масон мора да го има.

 

[shapeless]

Во ред, можеби се изразив погрешно, се извинувам... Она што всушност вистински ме интересираше, а бездруго има врска со структурата на ложите бидејќи де факто луѓето се тие кои ги сочинуваат, беше староста на членовите во ложите, нејзиното влијание и како може да се процени во овие услови дали е подобро да се аплицира, да се причека или пак можеби да се пристапи на некое друго место. Сето тоа токму поради фактот што ја разбирав потребата од интеракција, комуникација и како што кажа блискост и врска помеѓу членовите во и надвор од ложата, која веројатно би се одвивала со потешкотии доколку годишната разлика е поголема. Едноставно кажано, тешко веројатно е да се каже дека би излегле некоја петочна вечер јас на свои 20 години и некој средновековен човек кој бездруго би можел да ми биде татко и да пиеме заедно пиво разговарајќи за некоја тема од заемен интерес. Возможно е, но потешко веројатно... Оттаму произлезе моето прашање. Што се однесува до познатите личности, немав намера да преудицирам дека сите се богати и познати, туку едноставно сакав да прашам дали постои можност знаејќи дека масонеријата во Македонија сеуште е млада, поради сомнеж во помладите членови истите да бидат одбиени поради разни причини кои воедно не би постоеле доколку аплицираат малку подоцна.

Тоа беше се. Благодарам уште еднаш на одговорите, кога ќе дојде време доколку се одлучам благовремено ќе ја контактирам ГЛМ.

 

[zidarski]

Едноставно кажано, тешко веројатно е да се каже дека би излегле некоја петочна вечер јас на свои 20 години и некој средновековен човек кој бездруго би можел да ми биде татко и да пиеме заедно пиво разговарајќи за некоја тема од заемен интерес.

Како што реков - многу е важно во ложата да имаш луѓе кои ќе ти бидат блиску по возраст, но исто така е потребно да има луѓе кои се на различна возраст (повозрасни), затоа што од нив всушност можеш да научиш многу.
Проблемот е во друго... ти треба да прецениш дали не си премногу млад...
Ако си на 20 - тогаш си - затоа што минимумот е 21 година. Но, искрено, не би препорачал да не пристапуваш пред да си барем на 25-6 години... Односно - веќе да имаш некаква работа, да си стабилизиран во животот, да си во состојба сам да се издржуваш, а не да си на товар на родителите (кое во многу ложи е исто така услов за зачленување!)... односно - да бидеш барем делумно изграден како личност и активен во општеството барем делумно, па дури потоа да бараш нешто повеќе.

 

[Björn]

...Од друга страна, голем дел од моќта се должи на тоа што биле заштитници на патниците кон Ерусалим...

...Еден од главните религиозни елементи во тоа време бил аџилакот во Ерусалим. Со паѓањето на Ерусалим во рацете на западните крстоносци, се отвора можност за Европјаните да одат таму на аџилак непречено и речиси секој кој имал можност да го прави тоа - не размислувал два пати. Патувањето било многу опасно и се поминувало низ многу земји кои не биле баш безбедни ниту за патниците, но уште повеќе за товарот кој го пренесувале (кој многу често се состоел од злато и пари - затоа што патувањата, односно аџилакот обично траеле по неколку години). Тоа создало потреба од создавање на "служби за безбедност", кои ќе се грижат и за патниците, но и за парите и стоката. Таа служба, всушност биле Темпларите. Биле единствени кои биле доволно организирани и во реална можност да го спроведат тоа на дело. Така што - разбирливо е што за многу кратко време создале огромна финансиска моќ. Таа финансиска моќ, како и паметните водачи, им овозможиле за многу кратко време да се претворат во "Банкерите на Европа", што во тоа време било многу важно, затоа што биле единствените кои располагале со огромни резерви на злато. Останатите европски кралеви биле многу задолжени и речиси банкротирани, затоа што ги финансирале и крстоносните војни, но и луксузниот начин на живеење кој го имале. Темпларите живееле бедно, повеќе од скромно, немале лична сопственост, огромен прилив на пари и имоти. Биле во состојба да позајмуваат пари на сите, а со самото тоа - биле во состојба потоа да ги контролираат сите (како денешните банки). Тие го создаваат современиот западен систем на банкарство...

Се во ред за Темпларите, само морам да те поправам, за една off-topic ситница.

Од твојот текст (болдот, пред се) се добива впечаток дека Витезите Темплари се грижеле за безбедноста на аџиите по целиот пат, до Светата Земја.
Не. Тие се грижеле за безебедноста на аџиите само во Светата Земја. Поточно од пристаништето Хаифа до Ерусалим. Најголемите зулуми на бадитите се случувале токму по овој пат. Темпларите биле (во почетокот, нели, пред да станат банкари, археолози и што ли уште не) некаква вооружена придружба на аџиите, во Светата Земја.
Во тоа време крстоносците имале реативна контрола над Ерусалим и околината и речиси никаква во внатрешноста на земјата.

 

[zidarski]

Се во ред за Темпларите, само морам да те поправам, за една off-topic ситница.

Од твојот текст (болдот, пред се) се добива впечаток дека Витезите Темплари се грижеле за безбедноста на аџиите по целиот пат, до Светата Земја.
Не. Тие се грижеле за безебедноста на аџиите само во Светата Земја. Поточно од пристаништето Хаифа до Ерусалим. Најголемите зулуми на бадитите се случувале токму по овој пат. Темпларите биле (во почетокот, нели, пред да станат банкари, археолози и што ли уште не) некаква вооружена придружба на аџиите, во Светата Земја.
Во тоа време крстоносците имале реативна контрола над Ерусалим и околината и речиси никаква во внатрешноста на земјата.

Не баш.
Патувањето до Ерусалим се одвивало на два можни начини - едниот по море, другиот по копно (преку Балканот). Многу често, се комбинирале двата начини.
Кога се патувало по море, опасностите биле од пирати (кои во тоа време многу ги има низ Средоземно Море), но уште повеќе од лошото време - заради што биле потребни бродови кои биле доволно стабилни и големи, но и со добро вооружена и обучена посада.
Кога се патувало по копно, опасностите биле од разно-разните банди, од разно-разните локални владетели итн. Како што реков - опасноста не била само за патниците, туку пред се за товарот кој го носеле.

Каков бил уделот на Темпларите во целата работа?
Набргу по формирањето, формираат и флота, од (во тоа време) најголемите и најсилните бродови. Тие први го воведуваат модерниот начин на пловење во конвој (кој активно се применува во Втората Светска Војна на пример), каде флотата од неколку трговски бродови, кои се огромни и носат најразличен товар - од луѓе, до стока, злато, материјали, храна итн, е штитен од неколку помали, брзи и добро вооружени борбени бродови.
Доколку некој од Лион, Франција, сака да патува до Ерусалим, има неколку можности. Првата - да патува на Темпларските галии (со што по целиот пат има обезбедена сигурност од нив). Втора - да патува сам, но товарот да му патува со Темпларите. Третата - да патува со нив по копно. Ова обично го практикувале многу богатите луѓе, кои не сакале (од најразлична причина) да патуваат по море (патувањето по море било опасно - многу луѓе умирале од морска болест, како и од разните зарази кои ги имало на бродовите, па многумина, особено ако биле со жени, не се решавале на овој чекор). Во таквите ситуации, Темпларите ги спроведувале и штителе, по целиот пат, од Франција, се до Ерусалим, буквално како бодигардови.
А патот од Хаифа до Ерусалим, бил буквално предаден на нивна грижа.
Како што реков - денес не можеме ни да ја сфатиме важноста на таа позиција и на тоа што Темпларите го правеле во тоа време - а оттаму и нивната моќ и богатство.