- Отвори објави за инсталирање на нова медицинска опрема - се е донација Јапонија, Кина, Швајцарија
- Србите ни ја поправаат пругата накај Гевгелија за да не се прекине железничкиот превоз кон Грција.
- Оди при секое реновирање на школо, надвор има табла ЕУ, УСАИД, Швајцарција.
- Србите ни даваа донации од стоковни резерви кога имаше недостатоци поради Ковид и Украина.
- Пругата што се прави накај бугарија - скоро 250 000 000 евра грант од ЕУ.
- ЗЕЛС буџет, 14 000 000 евра од кој 12 000 000 евра подршка од Швајцарија.
- Цела пожарникарска опрема ни е донација, најчесто стара опрема од Австрија, Словенија и Норвешка.
- Скоро сите амбулантни возила ни се донација најчесто од Јапонија.
- МТВ реновирање на сите студија финансирано од Швајцарија.
- Секоја општина што има пренос на седници од совет е благодарение на Швајцарска донација.
- Онаа лузната на водно каде што треба да "прават" гасовод, го изградија зошто ЕУ даваше грант и колку да се потрошат парите земаа ја ископаа планината.
- Последните "набавени автобуси" ни се донација од ЕУ.
- И тоа што имаше нешто војската беше се донација најчесто од Турција.
- Пред да почне војната во Украина, имаше илјадници наши кои "работеа" по невладини и така влегуваа огромни пари во државата.
Тоа што ние го собираме од даноци е доволно колку да се покријат трошоците за корупција и некоја основна функционалност ( а веќе немаме ниту тоа). Се друго во државата се прави од грантови. Нашите влади се однесуваат како најбедни просјаци, само гледаат од негде некој милостина да им даде и молат по цел свет.
Моментално најголем проект на општина Аеродром е дека во долно лисиче го поправале греењето во школото со пари од Швајцарија. Најголемиот проект на град Скопје, е грант од ЕУ за БРТ.
Да не е градежната мафија, општините нема да можат 50 метри бекатонки да наредат. По 50% од буџетот им се пари од комуналии за градба, и сите општини се во долгови до гуша. Карпош има блокирана сметка, во Аеродром школите немаат платено струја скоро цела година. Да не се сите овие "студенти" од Турција нема да имаат на кој да ги изнајмат становите.
Ајде ајде можеш подобро.
Иако сосема друг контекст беше мојата порака изгледа не ти се допадна она за што пишав па сега се фати со демагогија.
Но добро ќе одиме со твојава приказна (има премногу твои истомисленици па заслужуваат): корупција, владите ни се најбедни просјаци, општините блокирани сметки, градежна мафија и се што оди со неа.
За да не биде прешироко само за првта точка.
-Ако веќе нешто тврдиш пожелно е истото да го поткрепиш со барем некаков доказ/линк, вака треба јас да барам и да докажувам дека не си во право, не е убаво тоа.
Никој не спори дека има донации во здравството, проблемот е што тие се потенцираат како да се основниот начин да функционирање на здравствениот систем. Да не се сфатиме погрешно ова не е оправдување на аномалиите во здравството ама и покрај сите тешкотии тоа сепак дава каква таква здравстевна услуга на населението. Ама пациентите не биле задоволни е па јас познавам човеци и од тие што ги познавам над 90% никогаш не се задоволни до пладне го мразат целиот свет а попладне и самите себе (еден пример, пациент го “крши“ вратот -дискус Ц4-Ц5- го оперираат истиот ден благодарение на таа интервенција и денес е во ред, нема парализа со мали потешкотии заради други причини но покрај се пациентот има приговори за хирургот дека не водел доволно грижа како да тој хирург нема 4-5 операции дневно и сега треба да се грижи за него како да е тој единствен пациент...).
Околу донациите има линк каде се дадени по список и вредност донациите, па еве самиот увери се:
Транспарентен преглед на сите донации примени од Министерството за здравство на Република Северна Македонија во 2024 година.
donacii.zdravstvo.gov.mk
Од она што се гледа на првата страна Крка донирала лекови од вредност во 50.000$
Што мислиш колку кутии со лекови се тоа и колку пациенти ги добиле?
Останатите донации се со многу мала вредност но секако се добредојдени.
За период 2024-2025 има вкупно 424 донации од 338 донатори и со вкупна вредност од €6,654,970!
Е сега да видиме што држвата односно ние кои живееме во Македонија придонесуваме за здравството:
Фондот за здравствено осигурување ги претстави клучните резултати за 2025 година: пораст на буџетот за 6,13%, зголемување на капитациониот бод за матичните лекари за 33% и прво место во транспарентноста меѓу државните институции.
fzo.org.mk
Фондот во 2025 година опфаќа вкупно 1.841.530 осигурени лица, зголемување за 1.993 нови лица. Структурата вклучува 558.469 активни работници, 358.716 пензионери и 630.914 членови на семејства. Трендот на стареење на осигурената популација е евидентен — пензионерите растат побрзо (+1,5%) отколку активните работници (+0,2%).
Буџетот на Фондот за здравствено осигурување (ФЗО) за 2025 година достигна 51,5 милијарди денари (приближно 836 милиони евра), со годишен пораст од 6,13% во споредба со претходната година. Приходите изнесуваат 52,08 милијарди денари, додека расходите се 51,49 милијарди денари. Здравствените услуги апсорбираат 86,4% од вкупните расходи — 44,5 милијарди денари (приближно 723 милиони евра).
Ова е онаа што ние издвојуваме нашето здравје!
Што мислиш колку од горниот износ оди на замена или набавка на нова медицинска опрема дали е повеќе од 6,5 милиони евра или помалку!
Дали е доволно, па според мислењето на оние кои го делат твоето ммислење НЕ, ако ме прашуваш и јас би издвојувал повеќе ама толку се има.
и уште ова,
Во петгодишниот период 2021–2025, буџетот на ФЗО нарасна од 35,5 на 51,5 милијарди денари, со просечен годишен раст од речиси 8%. Во регионален контекст, со 4,95% од БДП или 5,31% со вклучено МЗ, Македонија се наоѓа во средината на листата на јавни здравствени расходи во Југоисточна Европа.
Ако некој сака повеќе инфо околу буџетот за здравство може да провери
овде.
Да се вратиме на твоиве произволни тези.
Корупција има и ќе ја има се додека постои држава односно систем кој функционира на постоечките принципи.
Ако имаш лек за истата изнеси го можеби некој ќе прочита па сите ќе имаме бенефит, ако пак имаш други цели/мотиви тогаш не мораш.
Со постоечката влада и јас не сум нешто задоволен ако има подобра ајде да ја смениме само немој повторно со некој Црпнат!
Треба да се внимава на последиците од одлуката.
Општини со блокирани сметки!
Ова е од системска природа и потребна е децентрализација за да видиме кои сме и колку сме, но внимавај имаш западни комори, имаш јавно изнесени барања за федерализација и сецесија така да не брзај се во свое време.
Колку општини има и колку се со блокирани сметки?
Градежна мафија повторно нешто од системска природа, па самите баравте демократија кој ви е виновен сега ќе ги сносите последиците, или мислевте дека демократијата ќе ве направи побогати и посреќни или пак сеуште мислите!
И да го повториме прашањето а кое “
успешно“ го избегнуваш.
Колку од објавените грантови-донации од меѓ. субјекти, колку проценти од тоа НАВИСТИНА завршува во Македонија???
Изнеси свое мислење/проценка никој нема да ти замери
