Во концептот на Лино повеќе нема да има имиња, ќе има млади дечки, борци кои најдоброто ќе го покажат тука. Тоа е филозофијата на Лино.
Тоа е горе долу исправна филозофија за сите клубови на балканот, со тоа што треба да се пазари и најдоброто од Македонија, како и да се има по некој поискусен/докажан играч кој ќе ја држи стабилноста.
Интересен преоден рок засега, не се донесени баш некои "имиња", малку ме плаши дека се трупаат многу играчи, ама истовремено и се гледа дека некој нешто скаутирал, донесени се играчи кои имаат шанса да експлодираат и да се покажат тука, а не само како досега испукани пушки да се носат.
Горе долу позитивно мислење имам засега (иако е нереално да се очекува дека сите ќе се погодат), само ме плаши дека со овој ростер не е реално во брз рок да се биде конкурентен на Вардар (па можеби ни Охрид ако продолжат со овој калибар на засилувања), а јавноста не сум сигурен колку е спремна на чекање.
За мене, ако се гледа квалитетна работа, напредок на играчите, вадење на максимум од тоа што се има и пред се развој на македонски играчи - задоволен ќе бидам, без разлика на крајниот исход на табелата. Ако се работи квалитетно, модерно и дисциплинирано, резултатите евентуално сами ќе дојдат.
sportskadimenzija.mk
