Не знаете ти и другарчето твое да се ценкате.
На крајот од 2020 година кога штотуку почнавме да земаме здив после карантините и останатите пЛандемиски гнасотилаци кои ни ги приредуваше државата таа година, ангажиравме молер за 100 евра работна рака за кујна, дневна соба, спална и два ходника - во пракса над половина од 90 квадрати стан, другите две спални и последниот ходник ги молерисавме наредната 2021 година.
Типот сакаше да глуми бизнисмен велејќи дека пЛандемијата ги кренала цените и бараше 100 евра работна рака за една просторија, кога ние му рековме 50 евра за една просторија на крајот прифати 100 евра работна рака за половина стан, со материјали кои ние ги обезбедивме однапред се разбира.
И малку повеќе му ги расипавме плановите за брза и лесна работа со Бекамент - омилената кал наречена поликолор на повеќето молери кои повеќе сакаат брза и лесна пара отколку квалитетно завршена работа, бидејќи Бекаментот лесно се лепи и покрива со едно нанесување - наместо таа кал му донесовме вистински хрватски поликолор, не го помнам името, но помнам дека му се крена косата кога откри дека сепак ќе треба да си ги заработи тие 100 евра работна рака.
Не велам дека типот сака брза и лесна пара, но самиот факт дека се обиде да се прави господин бизнисмен говори дека очекуваше брза и лесна пара.
Кога мајсторот ти глуми бизнисмен, треба веднаш од самиот почеток да му ги поткастриш грабливите канџи за пари: тој ти вели иста цена како кај тебе + 30%, ти кажи му 50% помалку од цената кај тебе, на крајот ќе му прифатиш цена 10% помалку од цената кај тебе и ниту денар повеќе.
За волја на вистината, ова не е прв пат кај мене дома да си имаме работа со мајстори кои сакаат да глумат господа бизнисмени, пред 22 (ДВАЕСЕТ И ДВЕ) години во 2002 година реновиравме и кујна и тоалет и бања, плочкарот сакаше да мудрува велејќи дека ќе имало многу работа, почнувајќи со вадењето на старите плочки, истото попладне ние самите ги извадивме плочките и му подготвивме терен за работа, наредниот ден се фати за лицето кога откри дека дошло време да си ја заработи платата.
Секако дека има работа и секако дека има работници, за пофалба е тоа што сакаат да бидат добро платени, но тоа треба да го бараат од работодавачите со пари, а не од обичните смртници кои половина град го превртуваат во потрага по добар мајстор за една просторија од типот на тоалет, бања или кујна.
Ајт
