Искрено жал ми е кога го читам нивото на дискусија на форумот (чест на исклучоците!). Културно изразени критики, дискусија и објективно гледање на работите секогаш се добредојдени. Пцуење, плукање и малограѓанштина не му доликуваат на градот...
Јас ќе се свртам кон спортското и ќе искоментирам за ракометот. Објективно ако се гледа, во целиот подготвителен период (вклучително и супер купот кој за мене е повеќе финиш на подготовките и најава на новата сезона, отколку што е некој реален натпревар и титула) мислам дека се отцртаа предностите и слабостите на овосезонскиот Пелистер. Имав можност да изгледам 5 натпревари (ПАОК, Вардар, Мешков Брест, Татабања и Алкалоид) - 3 победи и 2 порази.
Коментари:
1. Генерално тимот мислам дека ќе има постабилна игра од лани, па и од сите претходни сезони од оваа ера на "платформата". Се е тоа под услов да остани здрава атмосферата во соблекувалната и да не се распадне се како кула од карти на првиот пораз и на притисокот од околината (без разлика колку критиката е заслужена). Се знае кои играчи какви улоги имаат, нема големи дупки во составот, здраворазумен е системот и поставите кои се играат. Ништо спектакуларно, ништо иновативно, но е сосема адекватно (за разлика од периодот лето 2022 - есен 2023 кога навистина имаше еден куп и тактички и играчки нелогичности). Тактички Пелистер не победуваше, но не ни губеше во овој изминат месец дена.
2. Составот има еден структурен ракометен проблем - начинот на кој се трансформира екипата од напад во одбрана. Тоа е директно поврзано со носењето или неносењето на одреден тип на играчи. Моменталната филозофија на екипата е следна: Кузмановски/Тајник/десен бек во напад со офанзивен пикер како Пешевски. Има некои вкрстувања и затскривање на идеите, но генерално се сведува на тоа што го игра цела Европа последните неколку години - напад еден на еден на точката во противничката одбрана која се проценила дека е најслаба. Ефектот на овој костур на тимот во напад не е нешто којзнае што, но е сосема ок. Проблемите на Пелистер според мене не се во напад иако на нападот се фокусира 90% од јавноста. Истиот тој костур на тимот (со оглед дека крилата кои главно играат се чисти крила и одбрана и напад и не менуваат позиција) трансформирајќи се во одбрана мора да прави една измена што создава ризик на прв бран транзиција против екипи кои форсираат таква игра (каков што е Алкалоид на пример, но и голем дел од сериозните европски екипи). Ако успешно постават одбрана со измената Абутовиќ-Пешевски, се отвара вториот дел од проблемот - нема измена за Тајник. Со тоа на 4ка и 5ка ги имаме Кузмановски и Тајник што е слабата точка во одбраната - тука главно пука играта без разлика од каде паѓаат головите, таму ќе напаѓаат СИТЕ противници (секако останатите мора да компензираат и да остават простор на друга страна). Затоа клучно беше да се донесе европска класа на пикер во два правци, кој ќе биде главен дефанзивец. Во таква ситуација, Абутовиќ ќе го менуваше Тајник (што е и побрза измена за правење), Кузмановски ќе беше на 5ка и одбраната многу веројатно ќе беше далеку поцврста.
Да не се сфатиме погрешно, ова е еден од клучните проблеми со кој се соочуваат сите екипи кои немаат ситуации од типот - Карабатиќ на бек и Фабрегас на пикер. Тешко е да се реши и најголем дел на една или друга страна од овој проблем евентуално паѓаат и губат.
Вака како што е составот, може што сакаат да тренираат и Бранче може да се посрамотува со дерење по тајмаути колку сака, наука со која се решева овој проблем не постои - прашање е само колку ќе може да издржи ваквата поставеност и дали ќе може да се добие некоја екипа во ЛШ на пример и покрај него. И ЛШ и дуелите со Вардар и Алкалоид во првенството ќе покажат. Проблемот е што за одговорот на ова прашање повеќе ќе се прашува квалитетот и фокусираноста на противникот отколку самиот Пелистер.
На ова се надоврзува и ротацијата на среден и лев бек. Против Алкалоид, не случајно, кога доби црвен Кузмановски и во второ играше Атанасијевиќ, одбраната драстично го крена нивото. Атанасијевиќ е добар во одбрана и може да е одговор на овој структурен проблем. Ама само под услов да е добар во напад - вчера беше, но дали може да биде таков и против појаки екипи под притисокот на ЛШ? Борзаш и Ѓорговски од друга страна, ќе се борат за минутажа еден против друг, можат да придонесат во напад против одредени екипи, но дури и го влошуваат структурниот проблем - или ќе играат со Кузмановски за тој да е на 4ка, па се забавува нападот или ќе играат со Тајник, што е смрт во одбрана (Борзаш се појавува тек тук на 4ка - тоа е КАТАСТРОФА).
3. Дали можеше подобро на трансфер пазарот? Веројатно можеше, не ги знам јас имињата, но за разлика од претходните 2-3 лета, овојпат и не беше толку катастрофална трансфер политиката - досега!
Митревски и Ивиќ - сосема добри голмани немам забелешки
Хосни - сосема добар за ротација со Цехте, за буџетот на Пелистер не може да бараме повеќе од ова на десен бек
Абутовиќ - би избрал дефанзивен пикер за два правци место дефанзивец во еден правец, но не можам со здрав разум да кажам дека Абутовиќ е лош играч - сепак е класа дефанзивец и се надевам нашите млади играчи ќе научат нешто од него
Цикатиќ - е ова е најверојатно целосно промашен трансфер, тотален анонимус - времето ќе покаже, но барем овојпат има само еден ваков, минатите 2-3 години едно 7-8 промашени трансфери видовме
Главните трансфер грешки се направија според мене во 2022ра кога се правеше премин од Бабиќ кон новите раководства (цел состав се смени, со донесоа премногу играчи, не се знаеше кој што треба да игра... Ракометна, па и бизнис логика НУЛА). Последната година дена, горе долу се истанчи и кристализира составот и сега е барем јасно кој е кој и што е ракометната логика на екипата.
Во секој случај, јас сум против за само носење на играчи и неразумно трошење на пари. Некогаш треба и да се биде разумен со амбициите и да се фокусираш на интерен развој на своите млади играчи. Поарно нека се инвестира во организација, во сала, во помодерен нутриционизам, во технологија за мерење на здравствена состојба и атлетски способности, во развој на софтвер и користење на аналитика во играта...
4. Павле Атанасијевиќ и Ѓорговски конечно покажуваат сериозен чекор напред! Како тоа ќе се преслика во сериозните натпревари, дали ќе имаат минутажа, дали ќе одржат конзистентност, ќе видиме. Ама првичните впечатоци се позитивни и конечно тропаат на вратата за реална минутажа.
5. Борзаш беше одличен трансфер кога го донесоа - сериозен талент, релативно млад, кој сеуште не можеше да склопи целосна игра и да експлодира. Пројде низ елитните унграски школи (Веспрем и други), Тулуз, Елверум - сериозни екипи го правеа истиот облог како и Пелистер и некако секаде исто завршуваше приказната. Или нешто едноставно не кликнува кај него или сеуште не може да созрее. Засега изгледа дека нема да успее трансферот, и во Пелистер постепено му се случува истото. Во секој случај, ако инвестираш во вакви играчи, некогаш ќе погодиш и некој кој ќе стане ѕвезда. Логиката на трансферот беше исправна и еден од ретките трансфери за странец кој апсолутно имал и ракомента и бизнис смисла. Има вистина во тоа дека него му треба класичен среден бек за да го даде максимумот (а ретко го добива), но и кога го има тоа, стагнацијата во одбрана прави да е невозможно да имаш таква постава а да си функционелен тим дефанзивно.
Мала прогноза пред почетокот на сезоната:
- Мислам дека за разлика од лани, овојпат ќе се освои некој бод во ЛШ - без да се помине групата. А во домашното првенство не очекува доста интересна битка - Алкалоид и Вардар се според мене доста потценети и немаат воопшто наивен играчки кадар иако навидум така изгледа на хартија (Митев особено се развива во фантастичен играч - на пат е да биде подобар од било кој играч на Пелистер ако продолжи вака).
