Апсолутно недозволиво однесување на Бранче на мечот со Мешков Брест. На пријателски турнир, да вадиш екипа заради судиска одлука е надвор од здрав разум. Какво сака нека е судењето, не е ни прв ни последен пат на пријателска некој да добие поттик до ниво да не смее да изгуби (а искрено и не беше толку лошо судењето за Пелистер, со исклучок на акцијата по која го напушташе натпреварот). Вакво однесување му штети и на реномето на клубот, па и на државата. Минимум што треба е да биде казнет од клубот и федерацијата за ваков однос.
Инаку за нов тренер... Премногу се фокусираме на тренери. Пред се играчите играат. Бранче има проблем со контролирање на емоциите (не му е првпат ова), од останатите аспекти не е толку лош ок ја води екипата. Никаков тренер нема да донесе промени во оваа фаза на подготовки. Ако сакаат нов тренер тоа се прави во Јуни или во Јануари. Уште еднаш менување на тренер сред сезона не смее да му се повтори.
За играта, на овој меч, без среден бек не знам што очекувавте, и ова беше многу дури. Тајник и Кузмановски се средните бекови на тимот, тие се моторот околу кои се функционира. Без нив нормално е офанзивно да не изгледа како што треба екипата. Кога беа здрави во Струга, според мене, сосема ок изгледаа, како за почеток на подготовки, доби физиономија тимот, се знаеше кој каква улога има во тимот, не беше раштиман оркестар како лани ова време. Ако заради скандали не се распаднат пред време, јас можам да се обложам дека ќе бидат подобри од лани, кога имаа 15 нови играчи, Кузмановски дојде сред сезона, менуваа тренери итн.
Најважно е каков е здравствениот билтен на Тајник и Кузмановски, се друго е одвлекување на вниманието. Нека се фокусира Бранче на хемијата во екипата и на креирање на тактика и ротација за периодот Септември-Декември, а не на судии и слични глупости. Ако треба и од трибини нека ја води екипата, ако не може да се контролира.
А добро почнаа во Струга, се гледаа цртите на екипа што знае која е. Хосни и Цехте, на десен, Тајник, Кузмановски и Борзаш во ротација на среден и лев - тоа ти се 5те бека на кој ќе смета во ЛШ. Павле и Ѓоргоски се ротацијата за ако има повреди - вчера тие двајца го вратија во живот Пелистер пред да го напуштат теренот (доволно квалитетни се за тоа и треба да добиваат шанса). Одбраната со Абутовиќ доби многу, се гледа дека има напредок на тој план. Голманите се ок.
Засилувања - екстра среден бек е добро да, ама само ако е замена за Тајник, а не додаток. Пикер во два правци да, ама само ако е европска класа, ЛШ ранг на играч, рандом балканци и африкаци нема да направат разлика. Трансфери колку за плус играчи во ротација НЕ СЕ ПОТРЕБНИ!
