Липи: Мурињо покажа непочитување кон своите колеги
Селекторот на Италијанската репрезентација, Марчело Липи е незадоволен од начинот на кој Жозе Мурињо се однесува кон своите колеги
Поранешниот тренер на Јувентс, Липи се вклучи во дискусијата по контроверзната прес-конференција на Жозе Мурињо во пресрет на куп дуелот со Сампдорија.
Португалецот беше незадоволен од медиумите од Италија и нивнита натписи по ремието со Рома од 3-3 на кое Балотели изглуми пенал.
Мурињо тогаш постави прашање зошто не се пишува за Милан и Рома, кои се два одлични клуба а сезоната ќе ја завршат без трофеи, нешто што предизвика лавина од изјави.
“Не сакам да му судам на никого но мислам дека сите треба да зборуваат по смирено, особено Мурињо, кој ја надмина границата.” – рече Липи.
“Никој не се сомнева дека тој е интелегентен човек и одличен менаџер но упати офромно непочитување кој своите колеги и другите клубови за време на прес-конференцијата.”
Липи потоа проговори и за Амаури, тема која е многу актуелна особено откако неговата сопруга доби Италијанско државјанство.
Наскоро и напаѓачот на Јуве ќе треба да стане државјанин на Италија со што ќе може да настапува за Аѕурите, но Липи не сека да шпекулира се додека Амаури не ги добие документите.
“Во моментов тој е играч од Бразил, и јас можам да мислам само на оние од Италија.”
“Доколку стане Италијанец, ќе разговарам со него. Немам сомнение дека тој е одличен фудбалер.”
