1. Анте Ковачиќ избор од романот
У регистратури (
Во регистратурата) составен од три дела со воведен коментар на Д-р Иво Франгеш.
Во регистратурата е реалистичен роман, климакс на хрватскиот реализам. Полу-автобиографски, во многу аспекти сличен со протореализмот на Шеноа особено класните судири, судирите со средината, типизираните ликови итн. Веројатно најцензурираниот роман во јужнословенска книжевност (барем од сè што досега сум видел и прочитал).
2. Антон Ашкерц избор од поезијата. Словенечки писател од преминот романтизам кон реализам и има важна улога во словенечкото национално будење. Конкретен и јасен во изборот на јазичната граѓа, во стилот не отстапува премногу од колоквијалниот говор. Во збиркава се содржани неговите најголеми лирско-епски песни (
Моја муза,
Цељска романса,
Стари град итн.), но и некои од раните лирски песни.
3. Бранко Радичевиќ Песме. Радичевиќ е еден од најголемите српски романтичари и лирици заедно со Ѓура Јакшиќ и Лаза Костиќ. Радичевиќ е под огромно влијание на народната поезија и граѓанската лирика. Од големите европски романтичари, романтизмот на Радичевиќ е најблизок до Хајне. Штета што некои од неговите пообемни дела (пр.
Безимена) ги нема во мојава збирка.
4. Амин Малуф
Самарканд. Ја почнав пред некое време, сè уште сум на почетокот (ја подзаборавив малку поради други обвски...), првата книга е
Поети и љубовници, ми изгледа интригантно. Самарканд, Персија во средниот век, Рубаији, Омар Хајам, Абу-Тахер... Нешто сосема ново за мене.
5. Милан Богдановиќ
Избор. Избор од литературна критика на Милан Богдановиќ, покрај јужнословенските автори Крлежа, Андриќ, Марин Држиќ, Његош, Нушиќ итн. содржани се и критики за Шекспир, Молиер и Шо.
6. Антун Густав Матош
Одбрани творби. Избор од раскази, критики и записи и песни во приредба од Матош на Гане Тодоровски. Еден од моите омилени есеисти, дефинитивно најголемиот симболист во јужнословенската книжевност, ги препорачувам расказите
Одмазда на огледалата,
Самотна ноќ и
Иглеста рожба. Сличен со пиктуралната поезија на Лаза Костиќ од Балканов.
Останатото е
Селанска буна А. Шеноа,
Господа Глембаеви М. Крлежа и
Селидби (коонечно ја најдов на македонски и ја купив) М. Црњански. Класици...