Конечно по многу натегања пред околу месец дена ја купив „Океан море“ од Барико во издание на Три. Но, уште не почнав со читање. Се сетив дека
@Saladin ми препорача да почнам со некоја друга негова, па затоа ја купив и онаа со која стекнал светска слава, „Свила“, во издание на Магор, од едицијата „Ѕвездите на светската книжевност“. И ја прочитав! Сега мака ми е што порано не сум го читал Барико. МА-ЕС-ТРАЛ-НО! Толку минималистички, а толку многу кажува. Како да читаш поезија и гледаш филм во исто време. Такви книжевни замки, јазични игри и толку стилски фигури во прозно дело никогаш не сум сретнал. И многу ми е интересен начинот како поставува прашања, а не дава одговори на истите. Ова е истовремено и трилер, и љубовна драма, и патопис, и историја, и чуден некој сонет... И уште многу други работи. Следно знам дека ќе ги купам и „Мистер Гвин“, и „Емаус“, и „City“, и се друго негово што ќе најдам.
@Saladin , можам сега да ја читам „Океан море“ или има други кои морам да ги поминам пред неа?