Един Карамазов: Aко бев пејач, ќе сакав да пеам како Калиопи!
Како што веќе објавивме, од неодамна во продажба се најде новиот албум на светски познатиот лаутист Един Карамазов, на кој Калиопи како гостин се најде заедно со светските ѕвезди Стинг, Рене Флеминг и Андреас Шол.
Албумот на Карамазов насловен како Лаутата е песна излезе под етикетата на дискографската куќа DECCA, за која на почетокот на кариерата снимаа и легендарните Ролингстоунси.
На албумот Калиопи и Карамазов заедно ја изведуваат македонската антологиска песна Со маки сум се родила, која овој пат е во барокна верзија. Песната е снимена во Загреб, во студиото Морис на Миро Видовиќ...
Колку Един Карамазов ја цени Калиопи, најдобро покажува буклетот од албумот, каде како изјава на славниот лаутист, стои реченицата: Се обидувам да направам мојата лаута да пее, но ако бев пејач, ќе сакав да пеам како Калиопи!
Калиопи со две песни на Хрватски Радиски Фестивал
Со песната Љубичице, за која музиката и текстот ги напиша Калиопи, а аранжманот Дарко Димитров, Калиопи ќе учествува на 14 Хрватски Радиски Фестивал во категоријата на поп-рок и(ли) урбана музика.
Како автор, Калиопи ќе учествува во истата категорија на фестивалот и со песната Среќа и нада во интерпретација на Маја Татиќ, за која автор на музиката и текстот е Калиопи, а автор на аранжманот е Дарко Димитров – стои на официјалната
web-страница на најдобрата македонска пејачка!
Хрватски Радиски Фестивал на својата официјална веб страница ги објави сите учесници на овогодинешното 14-то издание на Фестивалот, кои ќе се натпреваруваат во двете официјални категории: забавна и поп-рок или урбана музика.
На Хрватски Радиски Фестивал учествува и Наум Петрески со темата Моја или ничија (автори: Н. Мичевски – Борче Нечовски). Песната на Наум е примена во секцијата за забавна и народна музика.
Инаку, за 14-ти ХРФ пристигнаа рекордна 451 песна, а во потесен избор се најдоа 80, во две категории...