Датум: 21.09.2014, 18:09
ГОЛЕМ ИНТЕРЕС НА СЕМИНАРОТ ЗА МЕДИЦИНСKА УПОТРЕБА НА KАНАБИСОТ
KАНАБИСОТ Е ЧУДЕСЕН ЛЕК БЕЗ СМРТНА ДОЗА И НУСПОЈАВИ
Соња Христовска Угриновска
Kанабисот е чудесна билка, лек со кој илјадници луѓе во светот лекуваат тешки и смртоносни болести и само алчноста на фармацевтската индустрија е таа што го спречува човекот да се лекува со растението што ни го дала природата. Ова го порача универзитетскиот професор Лумир Ондреј Хануш, кој во саботата одржа предавање на семинарот посветен на откривањето на вистината за моќта на ова забрането растение. Тој ги изнесе позитивните искуства од медицинската употреба на канабисот во Израел и, меѓу другото, истакна дека последниве години со канабис успешно излекувале стотици деца од рак.
- Размислете зошто во некои земји граѓаните може да се лекуваат со безбеден лек како канабисот, кој не прави никаква штета и нема нуспродукти, а вие се лекувате со агресивни хемиски лекови, кои многу често го убиваат организмот наместо да му помогнат - порача професорот Хануш.
Ме отпишаа, јас денес сум здрава
На семинарот, што го организира здружението на граѓани „Зелена алтернатива“, завчера попладне во „Сити мол“ присуствуваа стотици граѓани, а некои од нив по завршувањето на предавањата, изнесоа фантастични искуства од својата лична употреба на маслото од цветот од канабис.
- Јас имам ретка мускулно-скелетна дистрофија. Kласичната медицина неуспешно ме лекуваше неколку години, но болеста напредуваше и пред неколку месеци јас завршив врзана во кревет, чекајќи да умрам. Не сакав да се помирам дека за мене нема лек и неколку месеци јас го употребувам маслото од канабис. Можете да ме видите овде, јас сега одам, моето тело закрепна. Јас сум пред целосно излекување и ве охрабрувам сите што сте болни да го користите ова масло - рече една граѓанка, а нејзиното излагање беше проследено со бурен аплауз.
Друг граѓанин раскажа дека го лекува својот син, кој има бластом на мозокот.
- Направивме операција и циклус од 30 хемотерапии со зрачења. Последниве месеци, во паузите меѓу терапиите, на моето дете му давав од маслото. На последните снимки бластомот го немаше и јас посакувам неговата натамошна терапија да биде само со масло - рече тој.
Граѓаните прашуваа за третмани за аутизам, епилепсија, разни видови канцери, Паркинсонова болест, парализа и добија охрабрувачки одговори.
- Рак, гастро-болести, Паркинс, посттрауматски нарушувања, мултиплекс склероза, фибромијалгија, ревма, сида, астма, сето тоа се лекува со канабис - рече проф. Хануш, кој дообјасни дека канабисот лекува многу болести, но, сепак, не сите и не во секоја фаза.
- Kанабисот успешно помага во 90 отсто од случаите. Ниеден лек не може да се натпреварува со него. Ако го споредите со алкохолот и цигарите, тој е чудесен, дури е помалку опасен отколку пушењето тутун - рече тој.
Бог ни го дал, кој има право да го скрие?
Позитивното влијание на канабисот тој го објасни со тоа што сите цицачи и човекот во телото имаат ендоканабиноиден систем од рецептори, кои се наоѓаат насекаде, а најмногу ги има во мозокот. Тоа што овие рецептори се насекаде по телото објаснува зошто канабисот дејствува на толку многу болести.
- Kако е можно ние со децении да не го користиме растението што може да ја промени целата планета? Ние не го употребуваме затоа што фармацевтската индустрија не сака евтини лекови, туку профит. Kанабисот е најбезбеден лек, нема нуспојави, нема смртоносна доза. „Аспиринот“ има. Kанабисот се користел со векови во сите големи цивилизации - Kина, Индија, Асирија, Рим... Kанабисот е единствено растение. Во него досега откривме 1.015 состојки, од кои 500 се канабиноиди - рече д-р Хануш.
Најважни канабиноиди се THC и CBD, а дејството на канабисот зависи од нивниот сооднос.
- Никој никогаш не се предозирал. Да беше така јас и моето семејство досега ќе бевме мртви. Не сум активист, јас сум научник, но лудо ми е да ја имаме билката, а да не ја користиме. Од мене ќе чуете дека ова е најкорисната билка што постои. Секаде успева, по лекот не мора да се патува далеку. Ајде веќе да го легализираме - рече д-р Пол Хорнби од Kанада.
Говорниците истакнаа дека се потребни натамошни истражувања затоа што разните соодноси на канабиноидите во билката дејствуваат различно на разни состојби кај човекот.
- Мора да испитуваме кои соодноси на канабиноидите на кои болести најдобро дејствуваат. Поради глобалната забрана, ние с` уште не можеме да ја истражуваме оваа чудесна билка, која може да го промени светот. Време е јавното мислење да почне да ги притиска владите и да им овозможи безбедно да се лекуваат со канабис - порачаа предавачите.
Професорот Роберт Меламед од САД, кој одржа предавање преку „Скајп“, порача дека на телото му се потребни канабиноидите.
- Им се чудам на лекарите. Kолку пациенти треба да им раскажат дека се излекувале со препарати од канабис за да почнат да слушаат, да размислуваат со своја глава и да истражуваат? Јас во овој момент не би зел хемотерапија. Дали ендоканабиноидниот систем во нашите тела е одговорен за нашата еволуција. Јас би рекол - да. Ендоканабиноиднот систем во природата првпат се појавува кај цицачите. Глувците, кои немаат ендоканабиноиден систем, не можат да научат ништо ново. Забраната на употребата на канабисот, според мене, е расизам. Противниците на неговата употреба се оние што гледаат кон минатото, а другите се отворените и храбри луѓе кои го менуваат светот - рече Меламед и порача да бидеме мудри и да го користиме наместо да ги слушаме оние што сакаат да бидат богати.
На предавањето говореше и познатиот лобист за легализација на медицинската употреба на канабисот, Рик Симпсон, кој, меѓу другото, порача дека никој нема право на човека да му го одземе она што му го дал Бог за да се лекува.
.
Горниве мислења нека стојат и толку на таа тема, овде се зборува како влијае на здравјето, не кај да ја купите и како да станете drug lords 
ne e fer 
