Балканско Помирување

[The_Red1]

Гледав пред неколку дена на ТВ (дали српски или хрватски беше каналот не знам, а може и босански - не ги разликувам јазиците, ама небитно) и главно се разговараше/дебатираше конкретно за Балканските земји, со осврт на Југославија, нивната состојба и нивните меѓусебни односи последниве 20-25 години, поточно по распадот на Југославија.

И без да гледаме некои документарни емисии, да читаме книги или било што, знаеме дека состојбата на Балканов (од аспект на пријателски односи) ни е катастрофална. Секој со секого е “скаран“ и има нерачистени сметки. Секој на секого му должи нешто.
Една стварно чудна појава што мислам дека само кај нас ја има до тој степен. Да почнам од Македонија со Грција - за името, за Аце наш и Солунско поле. Со Србија за црквата, со Бугарија за територија, граници и што ти знам таму. Србија пак со сите, најактуелно со Косово, од порано со Босна за таа Сребреница и Братунац, со Хрватска така-така, границите од нигде не средени. Босна кутрата од Србија (србите) глава не може да крене. Де геноцид (?!), де територијата од Р. Српска не знае дали ке им остане. Од тие Балкански војни (после Југославија, не тие во 1912 и 1913 година) а посебно од таа Сребреница уште не се опоравени психички (не сите!) и последиците и ден денес ги чувствуваат. Хрватска не е во поповолна положба воопшто, но сепак дели од претходните. И конечно Словенија која за нивна среќа е далеку пред сите бивши Југословенски држави и си тера напред или како што викаат дипломатите: Стабилно чекори и им се придружува на Западно Европските земји!

На крај испаѓа дека е точна старата народна “Што јужније - то тужније“

Муабетот ми е: Дали постои “простор“ за насловот? За Балканско помирување? Зарем не се доволни овие 20 и кусур години на буквално тапкање во место само заради тие неизрамнети сметки? Зарем уште да живееме со историјата и да имаме вечни непријатели?
И по 20 години на некој Бошњак да го прашаш за Сребреница маме му е*ава на секој србин до трето колено. А пак србите да ги прашаш за истото, ај што немаат грижа на совест туку (некои) јавно викаат дека тоа што се десило во Сребреница за нив е исто како да биле убиени 8000 мачки (да, ова лично го имам слушнато од Босански србин).

Баш ме интересираат мислења од оптимистичка гледна точка.
Не викам пак да бидеме тоа “Братство-Единство“ и повторно да правиме федерација ама сепак да имаме едни соседски односи како што стварно доликува.

И за крај, ако сакаме Европска Унија и една поголема стабилност на Балканот кога-тогаш тие прашања мора да се решат. Како Македонија, така Србија и Босна.

 

[fr0zen]

И?

Која иронија, гледаш за други, а не за себе.

Па не е ни чудо што вака не омаложуваат!

 

[The_Red1]

И?

Која иронија, гледаш за други, а не за себе. Па не е ни чудо што вака не омаложуваат !

А што не гледам за себе а гледам за другите?
Заради што не омаловажуваат?

 

[smihajlo]

Друже од оптимистичка гледна точка сите сакаме ама од реалистична гледна точка нема да се деси такво нешто во блиска иднина.

Зошто?
Имаш историја(или како што кажа нерасчистени сметки)
После политичарите секаде се исти го*на.
Па ги имаш големите сили кои не сакаат баш ние да цветаме.
Економската состојба исто си го прави своето, кога човек е гладен за леб и едвај преживува
лесно се манипулира и се раѓаат најгнасните појави како расизам, национализам итн

И на крај за при вакви услови да се заборават разликите постојат две можности да увидат широките маси колку малку ги користат нервните клетки (скоро невозможно) или пак да ни застане непријател пред портите и да не примора да се обединиме т.е како во случајот со втора светска војна.

Со оглед на тоа дека првата опција е на граница на невозможно, а освен тоа за таква промена треба барем еден век и втората опција која е поверојатна, но исто така тешко остварлива моја најоптимистичка проценка е помирување за некои 50 години во нај нај најдобар случај, 100 години
некоја реална проценка и 150 год веќе песимистичка проценка.

 

[fr0zen]

Зар уште верувате во обединување?? Пардон обедините но БЕЗ македонија

 

[The_Red1]

smihajlo
Да, реално далеку сме од такво нешто во блиска иднина НО што можам јас како поединец да сторам за да се забрза тој процес?

Историја. Да, сите држави имаат историја и историски гледано Бошњаците тоа што го претрпеле не се очекува да се случи повторно во ниту една земја поради тие меѓународни договори, човекови права и НАТО. Е сега, ако се водиме според историјата бошњаците никогаш нема да се помират со фактот дека србите убиле над 8 000 босански муслимани, секогаш ке памтат, ке ги сметаат за вечни непријатели и во најлош случај ке чекаат за “Око за око, заб за заб“. И што добиваме тогаш? Ситуација слична на Братунац. За историјата тоа би дошло како повторување. Yes, history is creating the future, the history creates itself!

Зошто да дозволам некои политички умови да манипулираат со мене? Поминале 20 години и не сум видел никакво подобрување, само празна глава може сеуште да верува во тоа. Треба да се запрашаме, што добивам од национализмот и историјата? Дали ми се подобрува економската благосостојба?
Ако ние како поедници ги сортираме работите од аспект на добивка многу е полесно да се одлучиме за што ке посегнеме.

За реалната проценка си во право, од 50 до 100 години се потребни за средување на односите но зошто да не се обидеме да го намалиме тој период?

Зар уште верувате во обединување?? Пардон обедините но БЕЗ македонија

Никој не спомни обединување. Помирување и средување на соседските односи е муабетот што го зборам.

 

[fr0zen]

Зборуваш за ДРУГИТЕ или за НАС ?

 

[smihajlo]

@The_Red1
Ништо не се добива со нацинализам ама ете да речам толку им дал господ и знаат само да се лупаат во гради.

За забрзување на тој процес ти како поединец можеш да направиш три работи :

1. Социо-економска состојба мислам дека веќе образложив зошто ако треба ќе дообјаснам.

2. Едукација т.е унапредување на истата охрабрување на критичко размислување, свесност за техники на манипулација итн.(Всушност ова е ептен широка тема на која може да се дискутира што и како да се подобри)

3. Спорт(Можеби најефективна алатка за склучување на пријателства едноставно покрај сите останати бенефити како подобро здравје, физичка и ментална подготвеност и социјализација на поединецот едноставно спортот е алатка(читај war-hammer) која ги рушува поставените ѕидови и предрасуди кои ги имаме и веќе кажано создава челични врски во секојдневниот живот. )

И да надополнам исто така патувањето ги проширува видиците ама ова е како под точка на првиот дел т.е секој кој би имал пари сигурно не би седел целиот живот на едно место знаејќи што се има низ светот.

 

[The_Red1]

smihajlo
Баш ми се дискутира на оваа тема.

Тоа за социо-економска состојба не те разбирам, како јас како поединец можам да сторам да допринесам?

Едукацијата да, но неформалната, може да биде доста ефективна. Формалната едукација/образование напротив може да биде негативен приод. Ако треба тука и јас би се дообјаснил.

Пред спортот би го ставил менталниот склоп на луѓето. Пример да земеме со Грција, едвај чекаме утакмица за да ги извреѓаме, да им покажеме колку сме јаки (на уста) и да ги потсетиме дека Солунско Поле е наше. Ете како пример ја земав Македонија во случајов, последниве години толку пати сме играле против Грците и секогаш ама баш секогаш сме ги пуштиле назад со полна торба пцовки. Против Србија пред година-две мислам (не ме фаќај за збор) имаше исто такви националистички песни кои воопшто не допринесуваат до подобрување на ситуацијата туку до поголемо влошување.

Бегаме од Балканов. И којзнае колку пари да имаме Балканов ни е последна дестинација за туризам. Не викам дека нема, има и тоа премногу но попрво би отишле во Будимпешта, Братислава и Букурешт отколку да го прошетаме Балканов кој е богат со историја.

 

[fan klub na HP]

Гледав пред неколку дена на ТВ (дали српски или хрватски беше каналот не знам, а може и босански - не ги разликувам јазиците, ама небитно) и главно се разговараше/дебатираше конкретно за Балканските земји, со осврт на Југославија, нивната состојба и нивните меѓусебни односи последниве 20-25 години, поточно по распадот на Југославија.

И без да гледаме некои документарни емисии, да читаме книги или било што, знаеме дека состојбата на Балканов (од аспект на пријателски односи) ни е катастрофална. Секој со секого е “скаран“ и има нерачистени сметки. Секој на секого му должи нешто.
Една стварно чудна појава што мислам дека само кај нас ја има до тој степен. Да почнам од Македонија со Грција - за името, за Аце наш и Солунско поле. Со Србија за црквата, со Бугарија за територија, граници и што ти знам таму. Србија пак со сите, најактуелно со Косово, од порано со Босна за таа Сребреница и Братунац, со Хрватска така-така, границите од нигде не средени. Босна кутрата од Србија (србите) глава не може да крене. Де геноцид (?!), де територијата од Р. Српска не знае дали ке им остане. Од тие Балкански војни (после Југославија, не тие во 1912 и 1913 година) а посебно од таа Сребреница уште не се опоравени психички (не сите!) и последиците и ден денес ги чувствуваат. Хрватска не е во поповолна положба воопшто, но сепак дели од претходните. И конечно Словенија која за нивна среќа е далеку пред сите бивши Југословенски држави и си тера напред или како што викаат дипломатите: Стабилно чекори и им се придружува на Западно Европските земји!

На крај испаѓа дека е точна старата народна “Што јужније - то тужније“

Муабетот ми е: Дали постои “простор“ за насловот? За Балканско помирување? Зарем не се доволни овие 20 и кусур години на буквално тапкање во место само заради тие неизрамнети сметки? Зарем уште да живееме со историјата и да имаме вечни непријатели?
И по 20 години на некој Бошњак да го прашаш за Сребреница маме му е*ава на секој србин до трето колено. А пак србите да ги прашаш за истото, ај што немаат грижа на совест туку (некои) јавно викаат дека тоа што се десило во Сребреница за нив е исто како да биле убиени 8000 мачки (да, ова лично го имам слушнато од Босански србин).

Баш ме интересираат мислења од оптимистичка гледна точка.
Не викам пак да бидеме тоа “Братство-Единство“ и повторно да правиме федерација ама сепак да имаме едни соседски односи како што стварно доликува.

И за крај, ако сакаме Европска Унија и една поголема стабилност на Балканот кога-тогаш тие прашања мора да се решат. Како Македонија, така Србија и Босна.

Добро спомна дека и босанците убиваа срби,но не ја спомна бројката?Се рокаа 4 години,но нема да ја отворам таа тема за геноцитот.Потоа вашата црква не ја признава само Србија ,туку и голем дел од светските цркви на чело со Руската,а кога сте имале вие црква,мислам самостојна?А република српска си поистои и ќе постои затоа што лично БиХ ја има признаено независноста,но да биде дел од територијата на босна.За време на СФРЈ бевме браство,бевме другари,но тој што сака да го растури другарството ќе ги носи и последиците од тоа,а криви беа политичарите поточно Алија Изедбегович,Фрањо Туџман-најкрив и Слободам Милошевиќ.Како што гледате ниту еден од горенаведените не е србин,а претседател на србија беше Милошевиќ,црногорец,кои не му беше гриза дали србите ќе постојат и како ќе постојат по неговата влада.
Јас како србин ниту мразам ниту ќе ги мразам Македонците,Бугарите,Грците,Босанците,па и Германците кои водеа 2 војни со србите и Србија ниту останатите народи и дрзави кои сега немозам да ги наведувам заота што се многу,но нема тоа да го казам и за хрватите,не ги мразам,но далеку од тоа дека ги сакам.Криви за распадот на Југославија,криви за нетрпеливоста и криви за тоа што Југославија падна под фашстичка окупација многу брзо,а и низа настани.
За Македонија,проблемот со името е заеднички,но повеќе ваш затоа што Грција нема што да изгуби иако они се носители на тој проблем,околу историјата исто така нема да дискутирам,а за црквата веќе казав,но вие мозеби ја спомнавте и нетрпеливоста помегу македонците и албанците ,истото се однесува и со србите и албанците,па и грците со албанците.
Во секој случај интересна тема

 

[smihajlo]

The_Red1

Па добро директно можеби и неможеш да имаш којзнае какво внимание освен ако не си некој ептен богаташ или ептен високо во власта.

Но, сепак има начини и овие три кои ги наведов немој да ги гледаш одвоено, ги поделив во под точки само заради поголема прегледност инаку сите три се дел од целото.

За да ја подобриш социо-економската ситуација има некои работи кои можеш да ги направиш како поединец и некои кои мора заедно да ги направиме.

Тука одма првата точка се испреплетува со втората т.е не може да имаме силна економија со неук народ.

Значи мора народот да има некое познавање за тоа како функционира економијата инаку кампањите како купувај македонски производи кои се корисни на повеќе нивоа се бесполезни т.е беше додека имаше маркетинг и толку.

Потоа плаќање ДДВ, пријавување работење на црно и ред други ситници.

И секако можеби најважно, бирање на власт која наместо да троши 500 милиони на споменици да инвестира во капитални инвестиции. Ова иако еднаш на четири години се случува кај нас луѓево никако да научат дека треба да се бираат луѓе,а не партија.

Понатаму да се научат луѓето паметно да трошат т.е да не трошат пари што не се нивни(читај кредити). Ваков вид на пари се земаат само доколку се некаква инвестација и имаш план како да ги удвоиш, а не за да ги платиш сметките за минатиот месец.

Следно да знаат дека треба да се штеди и како да заштедат. Еве еден пример доколку во една зграда има договор некои работи да се купуваат на големо тоа на месечно би заштедило многу од трошоците што пак придонесува повеќе пари за друга намена итн итн.

Исто така со знаењето на барем основи на економијата треба да знаат дека парите мора да се „вртат“ т.е или сите ќе имаме или никој ќе нема.

Со правилна едукација ќе се сузбијат илузиите дека спасот е во странските фирми т.е без силна економија дома џабе ни се странците кои ќе даваат минималец по 8000 ден.

Има уште многу што да се зборува додуша ова и веќе е кажано, а и оставам на некој покомпетентен од мене да зборува за овој дел, а ги има повеќе такви.

Едукација и формалната и неформалната треба да претрпи многи измени за овој дел до утре можам да дискутирам.

Неколку клучни точки се:
-Да се прекине со штанцање на дипломи т.е квалитет пред квантитет.
-Да се охрабрува учењето, да се пронајде начин учениците да сакаат сами да учат
-Професорите да се дообразоваат и да билдаат нови вештини џабе им е сето знаење ако не знаат да го пренесат
-Да се напушти старомодниот модел во кој се тераат учениците на непотребно помнење информации и да се охрабрува апликативниот пристап т.е информациите веќе ги имаме на интернет едноставно треба само да се знае како да се искористат.
-Да се затворат факултетите од кои имаме премногу кадар(читај економски и правен) и да има соработка помеѓу бизнис секторот и факултетите за тоа кој кадар е потребен. Со намалување на невработеноста 7 муви се утепуваат со еден удар.

Има тука исто уште многу да се зборува сега набрзинка ова го склопив кој сака нека ме надополни.

И за крај тоа е тоа еве за пример го зедов спорот кога ќе почне дружба и кога ќе се рушат предрасудите веќе тие зборови нема да имаат ефект бидејќи не можеш и да сакаш некој да го спречиш да збори отсекогаш било така, а башка и денес демократија сме.
--- надополнето: 4 октомври 2013 во 01:29 ---
@fan klub na HP

Друже не знам колку си читал ама српската црква се одделила од Охридската Архиепископија, а сега поставува ултиматуми она нас да не признаела глупости.
Тоа што Македонците немале среќа да оформат своја држава поради интересите на големите сили е друга работа т.е Грците ја сакале нашата територија исто така и Србите и Бугарите, а подоцна и Албанците.
На крај поради интересите на големите сили Македонија е расцепкана на парчиња и еве до ден денес останува таква. Не сум фан на историјата со оглед на тоа што секогаш победниците ја пишуваат, но барем за мене е факт дека само Македонците се бореле за Македонија, а останатите сакале само да зграбат што поголем дел од погачата.
Инаку зошто еве за пример да ја земеме Грција зошто ја делела Македонија со Бугарија и Србија ако Македонија е грчка?

Понатаму проблемот со името го имаат Грците, а не ние. Со влезот во ЕУ и нема да имаме некој бенефит се додека не научиме сами да си ги решаваме проблемите еве кажи што и фали на Швајцарија која не е во ЕУ.

Моментално Македонија ги има сите привилегии како членка на унијата без да плаќа членство, но други се проблемите т.е корупција на секој чекор почнувајќи од судството па се останато. И да не ја заборавам нашата сакана и ценета адмнистрација

Биди ми поздравен

 

[The_Red1]

fan klub na HP
Во ред, бројка не спомнив но го спомнив Братунац (така мислам дека беше гратчето). Таму најмногу срби биле убиени, околу 3000 (како што имам прочитано). После тоа следувало “На Х срби Y бошњаци“ паролата и тек после шлагот бил во Сребреница. Ако грешам поправиме.

Р. Српска е признаена од БиХ и функционираат како федерација ама која им е добивката кога меѓусебните односи не им се средени. Тука не зборам за политичките односи меѓу двете држави туку односите меѓу бошњаците и босанските срби. Го нема тој пријателски дух а живеат во едни граници.

Зошто јас да страдам за тоа што го направиле Изетбегович, Тужман и Милошевиќ, биле тие на времето, направиле раздор, убивале, палеле и силувале, ако се враќаме на деведесетите ништо не сме постигнале и личи ко уште во племиња да живееме.

И веќе доаѓаме на Хрватска, не ја мразиш ама далеку од тоа дека ја сакаш, не ти е “мила“ и секогаш ке ги гледаш со доза на резерва. Од некоја страна твојата врата е затворена за нив. Е сега, што е крива денешната генерација за тоа што го направиле луѓето што ете тебе ти боде очи? Ако гледаме така иднината ке биде слична како историјата - историјата ке се повтори. И што добиваме? - Ништо освен око за око.

smihajlo По твоето, ако не сакаме да чекаме 50 - 100 години за промена, истата може да ја забрзаме со целосни измени почнувајќи од врвот (политичкиот) ама таа тема не би ја отварал.

 

[smihajlo]

@The_Red1

Па во глобала да. Претпоставувам позната ти е изреката на Александар не се плашам од 1000 лавови кои ги води овца туку од илјада овци водени од лав.

Без навлегување во политика мислам дека сите се сложуваме и дека горе доле е факт дека ниедна влада од осамостојувањето на Македонија ги нема ставено интересите на државата пред личните интереси.

Така да многу нормално дека без добро лидерство тешко дека ќе има напредок, а во нашиов случај има регресија со други зборови не само што не се прави добро туку и се враќаме назад.

И со оглед на тоа дека во Македонија ништо не функционира како што треба па дури и луѓето некои дури размислуваат деструктивно, а има и многу што и вооптшо не размислуваат и не сум баш сигурен кое е полошо од двете зла.

Понатаму дури и утре да се деси правилните луѓе да застанат на лидерските позиции ќе ни требаат некои 10 години само за да се вратиме на нулта точка па тек после тоа да очекуваме некаков напредок.

 

[fan klub na HP]

Биле убиени 4000 срби за време на војната во БиХ(само во тоа градче).И јас сум за помирување помегу народите,ги спомнавте сегашните генерации,од каде произлегува нивната омраза,сигурно не се родени со неа,така ги учеле родителите,мене ме учеле поинаку,патем мајка ми е хрваткиња,ама пак не ги сакам затоа што направија војна безпричина,а во неа загинаа недолжни граѓани и војници.
За останатото се сложуваме сонекаде.Дали некаде се изјаснив како националист кон хрватите,не туку се изјаснив дека го мразам Туџман,а тоа е жива вистина,а Туџман не е цела хрватска и не е цел хрватски народ,а и самите тие немаат култ кон него.

Смихајло,
Историја сум читал и српска и македонска, искрено незнам дали во ова прашање се разликуваат ,но историите се многу различни кога станува збор за овој народ,земја и територија.Македонската историја донекаде е измилена, препишана ,но и дел кои навистина се случил,затоа прочитај некоја книга историја, или литература,подобри си го своето знаење кое без сомневање мислам дека го имате,охридската архиепископија секогаш ќе биде дел ос СПЦ,како дел од МПЦ,кои денес како независна црква не постои.Со останатото се служуваме во глобала.Направи компарација,не е розово како што личи,на балканот секој херој е посвоен,секој крал е посвоен,секоја битка посвоена да не се изразам за овие работи оттуѓени.Но да не излегувам многу од темата,од историјата произлегуваат сите проблеми,а и со историјата ќе заминат,односо барем за степен да се намали значењето на историјата.
Поздрав,другар историјата ја пишувале победниците,но немора секогаш тоа да е така.
П.С.Проблемот е и на Македонија,со самото тоа што нејзиното членство и се оддовлекува и ќе се оддовлекува,Грците ништо не губат во овој сегмент.

Бидејќи си го искажав мојот став кон ова прашање,мислам дека би било во ред тука да ставан точка со моите коментари,а ако сакате дискусија слободно,но не јавно на која било тема и во било кое време.

 

[smihajlo]

@fan klub na HP

Кажав веќе погоре дека не сум фан на историјата и тоа не само заради причината погоре туку и поради повеќе причини.
Јас си кажувам од мое искуство т.е како јас ја знам историјата и до некаде по некоја сопствена логика што сметам дека е правилно.
Охридската Архиепископија никогаш не била дел од СПЦ барем по онаа историја што јас сум ја учел, а и да е така не гледам причина зошто СПЦ не би и дала автономија со оглед на тоа дека сме 21 век и веќе со сила убавина не бидува.
Понатаму советот не ти лош да прочитам и друга историја ама како што кажав не сум фан, а и секогаш твоето т.е моето ќе ми биде најдраго така да чисто се сомневам дека објективноста ќе надвладее над субјективноста.

Грција губи многу повеќе од тоа што мислиш со тоа што Македонија не влегува во НАТО и ЕУ и спорот што останува нерешен.
И директно и индиректно она губи, доколку се реши спорот ќе нема да мелат грчките политичари како ние сме за се криви и ќе почнат да работат.
Понатаму добрососедство(во вистинската смисла на зборот) ќе донесе стабилност и просперитет на целиот регион, а со тоа и Грција и Македонија економски ќе просперираат.
Освен ова има и ред други бенефити кои ме мрзи да ги наведувам. Во глобала или сите ќе имаме или никој ќе нема.
Затоа северниот дел на европа целиот просперира зошто горе доле сите се развиени на повеќе полиња.
Или земи ја Африка како контраст каде никој не просперира се уште умираат од глад, а некои отидоа на Месечината уште малку и на Марс.

Не е се така црно бело како што изгледа на прв поглед.