Не знам која е таа „вистинска “ верзија на религијата. Ти ваљда ја знаеш. Во класификациите на религиите постојат фундаменталисти, умерени струи, и сите останати нијанси на религиско делување. Мене овие првиве (во било која деноминација ) ич не ми се бендисуваат.
Твојот пост зговара политички коректна атеистичка верзија на религијата. Тоа е синтагма која имплицира еден оксиморон -- „атеистичка религија.“ Ако тоа ти е тезата, слободно расправај со некои други за неа. За мене ова е монументална глупост.
Политичката коректност и широката религиска толеранција се заслуги на хуманистичкиот секуларизам. Ако за тебе тоа е религија, онда пеки. Во тој секуларизам учествуваат не само атеисти, туку сите оние кои се залагаат за еднаквост и демократија. Јас не сум атеист, но мене ми е најприфатлив тој секуларизам бидејќи во него има место за сите. Го поддржувам и учествувам во надградбата на хуманистичкиот секуларизам бидејќи овозможува најшироки граѓански права и слободи. Најмногу ми се допаѓаат општества каде религијата е во сферата на приватноста и е заштитена како такво право. Следствено, сметам дека теократиите (од сите провениенции) се непожелни и опасни.
Секој твој обид да водиш дискусија со мене е со подметнување теза под чергиче. Ќе ти треба повеќе вежбање за такво нешто. Твојата симплистичка перцепција за религијата резултира со бутање на сите религиозни во ист кош. Таквата фејл теза е рециклирана до бесвест на форумов. И одраз е на црно-белиот свет на недоволно информирани (и не многу демократски настроени) атеисти.
