Воен Удар во Турција

[Let 3]

Секој си ги брани своите интереси, војната е бизнис и борба за профит, ни Обама ни Путин од љубов и племенитост не фрлаат стотици милиони долари во воени акции и ризикуваат животи на свои војници, Асад и Сирија се големи руски партнери во трговија и во сирија е единствената воена база на русија на медитеран, спасувајќи го Асад и Сирија од Исис Русите ја спасуваат својата инвестиција своите трговии и својата пристност в светот. Да беше обратно, сирија и Асад да беа проамерички орјентирани, сигурно Русија немаше да се вплетка, можеби ќе пуштеше симболично некои посматрачи или лекари

 

[Бач]

Без поддршка од САД и Турција Исис не ќе можеше ниту едно село да окупира а камоли држава.

Да!

 

[Ron Burgundy]

ИСИС окупира пола Сирија стигна на километри од резиденцијата на Асад, доколку Русија не му помогнеше досега Сирија ќе беше целосно преземена.
Размисли малку врз фактите како може САД да ги "бомбардира" ИСИС околу 3 години а територијата само да им се зголемува, за тие три години најголем успех им беше ликвидација на 2-3 исламисти на точак или мотор, тие 20000 цистерни што секој ден влегуваа во Турска не можеа да ги видат.

А соработката на турска со исис не ја спомнуваш? Како така Исис партнерот да го окупираат

 

[Solaire of Astora]

Дека единствено и само интересите се вечни, говори и новото легнување во кревет меѓу Путин и Ердоган. Од тотална конфронтација и отворени обвинувања за соработка со ИСИС, сега ќе ги затоплуваат односите и ќе ствараат еден нов сојуз.
Не знам, но можеби и подобро што ударот не успеа, можам да ги замислам последиците од евентуална дестабилизација на Турција. Тоа би било опасно за Балканот.

 

[silmarillion]

Абе и оние со УЧК споменикот божем ќе го јадеа )) кои гревои сте вие.

 

[Смрт за зони и пајак воз.]

Па и крали Марко загина како вазал на турскиот султан борејќи се рамо до рамо со турците против рисјани

Крале Марко не бил вазал на „ турскиот султан “
туку на султанот на Отоманската или Османлиската империја
Турската држава се јавила многу подоцна за времето на Ататурк
Отоманската империја била космополитска држава. Мајката на Мурат 1, сопруга на Орхан 1, била византиска принцеза Хирофира Нилуфер Хатун, порфирогенета византиска принцеза
https://en.wikipedia.org/wiki/Nilüfer_Hatun
А чика Ердоган може само да сонува и да раскажува бајки за Османлиите. Од него султан не бива.

 

[Realen.]

Исис е производ на САД,Израел и Турција. А можеби и на Русија. Еден професор по политички науки од Париз за euronews изјави дека зошто Исис досега нема убиено некој американски израелски или турски војник. Ниту пак терористички напади нема извршено во овие држави.А нападите во Турција и во Бостон беа изрежирани напади со цел светската јавност да почне да верува дека САД и Турција немаат никаква врска со Исис.

 

[Almeida]

Отоманската империја била космополитска држава.

Ех сеа....да не претеруваме до толку. Да беше така, младо-турците немаше никогаш да се креваат. Да те однесам на Плачковица кај јуруците, да видиш какви космополити се - во неолит биле попрогресивни од нив. Може имињава да ги тураме-претураме - турски, османлиски, ама тоа е тоа. Суштината е дека власта е централизирана во еден човек - типичен пример за ретардирани народи каде што не се стои зад идеја, туку личност како кај нашите антички македонци (од 21 век), русите исл.

 

[Ne_sum_ja]

Косово го одби барањето од Турското МНР за казнување на еден новинар кој давал подршка на армијата за време на пучот.

 

[Realen.]

Косово го одби барањето од Турското МНР за казнување на еден новинар кој давал подршка на армијата за време на пучот.

Ебати ја политиката. А Србија понудила помош. Односно сите приврзаници на Ѓулен ќе бидат екстрадирани во Турција доколку бидат фатени во Србија.

 

[oon]

Шолендил не појасни дали Турција ќе бара санкционирање на некои организации во Македонија

Деновиве во некои медиуми кружеа информации дека во Македонија постојат организации поврзани со ФЕТО. Турскиот амбасадор не потврди, но и не одрече.



Турскиот амбасадор во Македонија на денешната прес конференција во Стопанска комора не сакаше да појасни дали во Македонија има или нема организации и компании кои што би можеле да претрпат санкции поради наводна поврзаност со организацијата ФЕТО на Фетулах Ѓулен.

Иако прес конференцијата која ја свика МАТТО помеѓу другото имаше за цел да ги расчисти дезинформациите кои што кружат во македонските медиуми по обидот за пуч во Турција на 15 јули, сепак ништо не беше конкретно потврдено или одречено.

Вчера на сајтот на информативната агенција Анадолу, беше објавен тексткаде што конкретно се спомнуваат училишта, медиуми и компании од Македонија кои наводно се поврзани со ФЕТО, но амбасадорот Омур Шолендил иако го посочи тој текст, не сакаше ниту да потврди, ниту да негира дали се работи за точни информации.

- Не може да се каже дека ова е информација која е дирекно поврзана со државните институции. Сакам да потенцирам дека не можам да ги потврдам, ниту пак да ги одречам информациите – рече турскиот амбасадор.

Тој сепак изјави дека Турција бара од повеќе земји да преземат соодветни чекори со цел да се заштити нејзиниот уставен поредок и финансиски сектор, но таквите случаи на перење пари или други незаконски активности треба да бидат предмет на истрага на земјата домаќин.

-Турција и е пријател на Македонија и двостраната поддршка помеѓу овие држави ќе продолжи и во иднина. Се разбира, во согласност со различните околности во различни земји и нашите барања ќе бидат поставени различно. Во овој момент не можам да дадам подетални информации за содржината на нашите барања во тој контекст – рече Шолендил.

Во текстот на агенцијата Анадолу се спомнуваат училиштата „Јахја Кемал“, весникот „Заман Македонија“, организацијата „Седеф“ и уште неколку други организации и компании од повеќе сектори.

Амбасадорот ја искористи пригодата да даде и кратко видување кон настаните од 15 јули кои предизвикаа бура од реакции низ целиот свет, кои во голем дел ги осудија методите на Ердоган за справување со ситуацијата.

-Пред се треба да се истакне дека вечерта на 15 јули во Турција, една мала група припадници на воени сили поврзани со терористичката организација на Фетула Ѓулен, се обиде да изврши државен удар, кој благодарение на мудроста и храбриот став под водство на почитуваниот претседател на Турција, премиерот и пратениците, како и целата нација, беше неуспешен. За восхит е и борбата против оваа група на претставниците на државните сили кои се приврзани кон својата држава и кон волјата на народот – рече амбасадорот Омур Шолендил.

Претседателот на управниот одбор на МАТТО, пак, во своето воведно обраќање на прес конференцијата изјави дека и покрај настаните од 15 јули и обидот за државен удар, Турција е се уште економски моќна држава и ги повика македонските бизнисмени и понатаму непречено да соработуваат со турските компании. На настанот како поддршка беа присутни и повеќе турски бизнисмени од Македонија, од банкарскиот сектор, градежништвото и други сектори.

Од МАТТО исто така потенцираа дека од настанатата вонредна состојба најмногу последици во Турција претрпе туризмот. Но, со оглед на тоа што во Турција ќе продолжи отстранувањето на структурите кои направија обид за државен удар, Турција во многу блиска иднина ќе стане многу побезбедна држава, изјавија од МАТТО.


http://plusinfo.mk/vest/80307/shole...ioniranje-na-nekoi-organizacii-vo-makedonija-

 

[Смрт за зони и пајак воз.]

Ех сеа....да не претеруваме до толку. Да беше така, младо-турците немаше никогаш да се креваат. Да те однесам на Плачковица кај јуруците, да видиш какви космополити се - во неолит биле попрогресивни од нив. Може имињава да ги тураме-претураме - турски, османлиски, ама тоа е тоа. Суштината е дека власта е централизирана во еден човек - типичен пример за ретардирани народи каде што не се стои зад идеја, туку личност како кај нашите антички македонци (од 21 век), русите исл.

Не претеравме...
Отоманската империја постоела од 1299 година до 1923
На 24 јули 1923, турскиот народ конечно се ослободил од османлиите и ја прогласил Република Турција
Република Турција е национална држава на Турците, а Отоманската империја била мултиетничка држава
Отоманската империја е средновековна држава. Таа се смета за исламски наследник на Источното римско царство - Византија
Во својот зенит, во времето на Сулејман Величествениот, таа била најнапредна држава во Европа.
За неа е карактеристично, спахиско-тимарскиот систем, превласт на световната власт ( султанот ) и парично стопанство
https://mk.wikipedia.org/wiki/Отоманско_царство
А чика Ердоган ги побркал сите поими од историјата и раскажува бајки

 

[LordDragonII]

Отоманската империја е средновековна држава. Таа се смета за исламски наследник на Источното римско царство - Византија

Добар си, Сашко Коцев.

 

[Смрт за зони и пајак воз.]

Добар си, Сашко Коцев.

Кој е тој Сашко Коцев?
Нешто е друго интересно:
Последен Отомански Султан е Абдулмеџит 2
Него во 1924 Турците го симнале од власт и го избркале. Потоа тој живеел во Париз каде и што умрел 1944 година
Ниту тој ниту неговите наследници не сакале да ги викаат дека се Турци. Ниту пак сакале да земат турско државјанство.
Тие биле Османлии
Ако имаш време прочитај - Прогонство и потомци
https://mk.wikipedia.org/wiki/Распа...B8_.D0.BF.D0.BE.D1.82.D0.BE.D0.BC.D1.86.D0.B8

 

[Almeida]

Отоманската империја е средновековна држава. Таа се смета за исламски наследник на Источното римско царство - Византија
Во својот зенит, во времето на Сулејман Величествениот, таа била најнапредна држава во Европа.

Самонаречени наследници? Па и ние сме такви „чеда александрови“....
Мехмед 2 Освојувачот го освоил Константинопол после долгогодишна опсада. Влегле, колеле и рушеле - тоа не е баш наследство.
Експанзијата кон западна Европа им била загарантирана поради веќе разделениот Балкан и расцепканоста на териториите на неприродното Источно римско царство т.е Византија. Од времето на Сулејман - да не била мобилизирана скоро пола Европа и Виена била за малку готова - но ова се должи на константна воена ангажираност подолг период и воена надмоќ базирана на бројност и бруталност (тоа напредокот е големо прашање). Не се работи за некаква воено-технолошка надмоќ, брилијантен технолошки изум (како Монголите своевремено).
Не е темава историја, само сакав да потенцирам дека вистински напредок за ова шаторско племе е воспоставувањето на секуларната власт и раздвојувањето на религијата од сите други сфери на живеењето. Имам таков впечаток дека кога се во тој експанзионистички османлиско-религиски фазон, дека нема земја која не сака да им ја земе мерката, од Русите, Грците, Курдите, па цела Европа и во некоја хипотетичка ситуација да настане воен конфликт сигурен сум дека ќе имаат голема листа противници.
Сега имаат голем прираст, многубројно младо работоспособно население, голема територија, дијаспора, ресурси и место да станат економска велесила по светски терк, тие го следат овој затуцаниов, кој ќе ги испозакачи со сите светски велесили.

 

[Solaire of Astora]

Во својот зенит, во времето на Сулејман Величествениот, таа била најнапредна држава во Европа.

Зошто тогаш Балканот остана слепо црево на Европа, израсток кој денес по ниеден основ, освен географски, не и припаѓа на Европа? Сепак Османлиската Империја, ако била толку напредна ќе оставела некоја оставштина и ќе бевме троа понапредни.