Поранешниот шеф на канцелариЈата на Kолин Пауел Лоренс Вилкерсон: ЦИА учествувала во обидот за пуч во Турција
Директорот на ЦИА, Џон Бренан, несомнено одиграл улога во неуспешниот обид за воен удар во Турција на 15 јули, смета Лоренс Вилкерсон, поранешен шеф на канцеларијата на поранешниот државен секретар на САД, Kолин Пауел. Нема сомнеж дека Џон Бренан и другите знаеле што се случило во Турција и совршено е јасно дека имаме нешто со тоа. Или преку внатрешни канали сме ги советувале на воздржаност што се случува одвреме-навреме или, напротив, силно сме придонеле за тоа или нешто измеѓу –- истакна Вилкерсон за руски „Спутник“. Тој додава и дека САД одамна институционализирале воените удари како стандарден политички и воен механизам за промена на проблематичните влади на оние земји што се однесуваат непријателски кон американските интереси. Немојте да мислите дека тоа не се случува зашто кога еднаш ќе ги институционализирате тајните операции, кога ќе станете нов Рим како ние, неизбежно сте вовлечени во овие операции - додава Вилкерсон.За време на претседателствувањето на Роналд Реган, под раководството на ЦИА и директорот Бил Kејси, според Вилкерсон, биле извршени 58 тајни операции.<BR><BR>- Затоа замислете се на момент. За тоа што сега се случува, вашите деца, вашите внуци ќе читаат за 25 години како што сега читаат за соборувањето на премиерот на Иран, Мохамед Мосадик, во 1953 година. Во ниеден момент не помислувајте дека тоа не се случува во моментов и во Kаракас и Kиев или во Анкара, Дамаск и во Багдад - истакна тој.Вилкерсон е истакнат хонорарен професор по владина и јавна политика на „Kолеџот на Вилијам и Мери“ во американската сојузна држава Вирџинија. Во вторникот заменик-портпаролот на американскиот Стејт департмент, Марк Тонер, ги отфрли медиумските наводи дека САД се вмешани во минатонеделниот обид за воен удар во Турција, кој резултира со 300 загинати и повеќе од 1.400 ранети. Во меѓувреме во Турција продолжува воведувањето забрани, па Високиот совет за образование им забрани на професорите да патуваат во странство, пренесува „Јени сафак“. Советот повика на отпуштање 1.577 декани и професори на државните и приватните универзитети. Според „Си-ен-ен Турк“, тоа е практично целиот професорски состав на научните установи во Турција. Претходно, „Хуриет“ пренесе дека најмалку 15.200 соработници во образованието во Турција привремено се суспендирани од своите должности
Минатонеделните настани во Турција резултираа со 9.332 уапсени. Меѓу нив се и двајца советници на претседателот, 492 припадници на Управата за верски работи на Турција, 100 полицајци, 6.038 полицајци, 755 судии и обвинители, повеќе од 250 службеници во канцеларијата на премиерот и 650 цивили. Истовремено, во Турција беше блокиран пристапот до интернет-страницата на „Викиликс“ откако беше објавен дел од електронската пошта на владејачката Партија на правдата и развојот, соопшти претставник на порталот на „Твитер“. Во соопштението на претставникот на „Викиликс“ се наведува дека интернет-страницата е блокиран во цела Турција. Во соопштението се наоѓа и „скриншот“ од страната што е блокирана на турски јазик. Претходно, „Викиликс“ објави 294.548 имејлови од серверот akparti.org.tr - главниот домен на турската владејачка партија на интернет. Kако што се наведува, тој најмногу се користи за меѓународни работи, а не за најчувствителните внатрешни прашања. Материјалите биле добиени една недела пред обидот за пуч во Турција. Првично се планирано тие да бидат објавени подоцна, но поради чистките што почнале по пучот, објавувањето почнало порано.
Забранети верски погребни обреди за пучистите
Управата за верски работи на Турција соопшти дека нема да дозволи одржување на верските погребни обреди за учесниците, како што се наведува, во предавничкиот напад на државата, народот, турскиот парламент. Тоа, меѓутоа, не се однесува на војниците и припадниците на безбедносните сили што се нашле во судирите, а всушност не знаеле за што станува збор, се наведува во соопштението.Услугите за џеназа и погреб нема да им се дозволат на убиените пучисти и предавници што немилосрдно кренаа оружје на голоракиот народ и ги нападнаа парламентот и други јавни институции со цел да ја соборат легитимната власт во земјата - стои во соопштението на турската Управа за верски работи.
http://www.dnevnik.mk/default.asp?ItemID=DAB4669B6BDD48489B9FE8B4374AD1A7
ama ushte ova da go kazham.
