outcast
login: failed!
- Член од
- 29 јануари 2007
- Мислења
- 424
- Поени од реакции
- 8
Денес ми е еден од оние денови кои многу ги мразам. Знаете, кога се` добро ќе почне, и во одреден момент работите почнуваат да ви одат надолу и не знаете кога тоа ќе престане. Едноставно, ви изгледа дека секоја работа што сте наумиле да ја направите, ќе ја направите погрешно. Е во такво расположение, “кога се` ми дојде до нос“ излегов до центар да го избистрам мозокот. Обземен од апатијата поттикната од она што ме опкружува, како и неизбежниот балкански простотилук кој упадливо ги провоцира моите сетила, стигнав до плоштадот. А таму, скоро во самиот центар, Уки и Шпиц, со својата скромна музичка опрема ја свират Plastic Fantastic Lover од Jefferson Airplane, по некој случаен минувач застанува да ги ислуша и им остава по некој денар во гитарскиот куфер.
Лежерно, спонтано, меланхолично. Им оставив 10 денари и се тргнав настрана да ги послушам. Додека стоев и ја слушав музиката, се почувствував како да не се наоѓам во Скопје, наеднаш се` ми изгледаше многу поцивилизирано, самиот амбиент кој го создаваа неверојатно добро ми годеше, а и расположението рапидно ми се измени.
Можам да кажам дека овие двајца рокери, кои многумина ги сметаат за клошари и бездомници буквално му даваат душа на градот, и ако ништо друго, го прават да изгледа поевропски. Не верувам дека некој скопјанец не ги знае, па ме интересира како вие ги доживувате. Сигурен сум дека и по 30 години ќе се сеќавам на нив, и тоа ќе биде во мојата архива на позитивни сеќавања и добри моменти. Дечки, секоја чест.
*Извинете за поголемото интро
Лежерно, спонтано, меланхолично. Им оставив 10 денари и се тргнав настрана да ги послушам. Додека стоев и ја слушав музиката, се почувствував како да не се наоѓам во Скопје, наеднаш се` ми изгледаше многу поцивилизирано, самиот амбиент кој го создаваа неверојатно добро ми годеше, а и расположението рапидно ми се измени.
Можам да кажам дека овие двајца рокери, кои многумина ги сметаат за клошари и бездомници буквално му даваат душа на градот, и ако ништо друго, го прават да изгледа поевропски. Не верувам дека некој скопјанец не ги знае, па ме интересира како вие ги доживувате. Сигурен сум дека и по 30 години ќе се сеќавам на нив, и тоа ќе биде во мојата архива на позитивни сеќавања и добри моменти. Дечки, секоја чест.
*Извинете за поголемото интро
Најзакон музичари што се родиле во Македонија општо. Живи легенди се стварно, постојано идам кај нив дали по дома или ќе се најдеме на улица па ај едно цигарче да си запалиме заедно, шампиони немам зборови за нив. А кога свират у центар обавезно оставам пари колку имам толку барем за нив знам дека ги трошат на јадење и пиво
