Шведска без истрага за "Свидмилк"
Шведскиот амбасадор објаснува дека станува збор за високоризична инвестиција на шведскиот фонд која во други земји била умно искористена и тој жали што во Македонија тоа не се случило
Ние сочувствуваме со млекарите кои беа сериозно погодени од пропаѓањето на "Свидмилк", вели амбасадорот Ларс Фреден
Во Шведска нема истрага за млекарницата "Свидмилк"
во која доминантен сопственик беше шведскиот фонд Свидфонд кој е основан со 100 проценти државен капитал, изјави за "Вест" Ларс Фреден, амбасадор на Кралството Шведска во Македонија.
Фреден вели дека амбасадата
не е овластена да дава какви било информации за тоа каде се наоѓа Роџер Оскарсон,
кој беше извршен директор во "Свидмилк" и претставник на Фондот.
Оскарсон исчезна од Македонија кога проблемот со неисплатеното млеко кулминираше.:kesa:
Шведскиот амбасадор во Македонија вели дека Шведска во проектот "Свидмилк" изгубила вкупно 500.000 евра во акциски капитал и околу 150.000 во позајмици кои Свидфонд ги вложи во развојот на млекарницата во Македонија и дека Шведската амбасада никогаш немала никаква поврзаност со создавањето на "Свидмилк".
"Свидфонд е важен играч во областа на светската соработка за развој. Главно, таквите високоризични инвестиции претставуваат вреден придонес за земјите и парите кои се заработуваат од успешните проекти може да се реинвестираат во нови проекти. За жал, тоа не се случи со инвестицијата во 'Свидмилк'. Ние сочувствуваме со млекарите кои беа сериозно погодени од пропаѓањето на 'Свидмилк'. Со самото тоа што компанијата се вика 'Свидмилк' и има шведски сопственик,
името и репутацијата на Шведска можеби и беа извалкани од ваквите настани. Исто така, овие настани можеби ќе имаат и негативно влијание врз тоа како ќе се гледа на бизнис климата во Македонија. Шведската амбасада жали што тоа е исходот од таа ситуација", вели Фреден.
Според него, Шведската амбасада, Свидфонд и министерството за надворешни работи на Шведска нема што да кријат и се отворени за каква било истрага со која ќе се разјасни случајот.
"Поддршката на развојот на земјоделството и реструктурирањето на секторот за земјоделство согласно барањата на ЕУ е во голема мера она што го покрива програмата за билатерална соработка и развој меѓу Шведска и Македонија. Во 2008 година околу 35 милиони шведски круни или повеќе од половината од расположивите фондови беа искористени за земјоделски проекти. Пропаѓањето на 'Свидмилк' во секој случај е трагично назадување, иако не е директно дел од програмата за билатерална соработка и развој", вели Фреден.
Млекопроизводителите ќе го тужат Свидфонд
Трифун Костовски со уште 3.000 кооперанти на суд ќе бараат да си ги наплатат парите за предаденото млеко од Шведскиот фонд (Свидфонд), кој беше доминантен сопственик на шведската млекарница "Свидмилк". Млекопроизводителите тужбите ќе ги поднесат поединечно пред македонскиот суд, а според Костовски, на кој "Свидмилк" му должи околу половина милион евра, се разгледува можноста правдата да се бара и на меѓународен суд.
Костовски вели дека тужбата е крајната варијанта да го наплатат долгот од пропаднатата млекарница и дека претходно ќе се обидат да преговараат со Фондот. "На 8 јули се сретнавме со шведскиот амбасадор во Македонија. На амбасадорот му кажавме дека сме изманипулирани и бараме да ни помогне да воспоставиме комуникација со 'Свидфонд'. Сакаме да преговараме со Фондот за да нe обесштети, а ако не успееме со преговори, тогаш ќе поднесеме поединечни тужби против Фондот", вели Костовски.
:pos2::pos2::pos2:
