Датум: 17.05.2012, 11:18
Нападната полициска станица кај Бујановац
Во албанското село Добросин, во српската општина Бујановац, рано изутринава околу три часот по полноќ непознати лица отвориле оган од автоматско оружје врз полициската станица во селото.
- Нападот врз полицијата, поточно врз полициската станица е извршен во три часот по локално време, и претставува терористички акт - рекол портпаролот на полициската станица во Врање, Драган Стаменковиќ, без да соопшти други детали за инцидентот, објави „Б92“.
Селото Добросин, каде е распореден и контролен премин за Косово се наоѓа на околу 16 километри југозападно од Бујановац.
Добросин е познато по тоа што на почетокот на јануари 2000 година таму е формирана Ослободителната војска на Прешево, Медвеѓа и Бујановац.
)
