Не е така едноставно
Не сум сигурна каков тип на тестови ќе им прават, бидејќи ,,психолошки тест,, е многу широк поим.
Но, дефинитивно не е онака како што го замислувата - како математика тест, точен или неточен одговор нема. Карактерот на личноста се испитува преку настани од секојдневниот живот, тој колку и да сака да одговори ,,позитивно,, - сите одговори се позитивни. Треба самиот професор да е професор по психологија, или да е добро начитан за психолошките тестови, за да може да предвиди која е ,,позадината,, на прашањето. На пример, сите ние глумиме алтруисти, но на последното истражување во гимназиите што го направивме од факултет, излезе дека мал процент од учениците реално се алтруисти, а професорите речиси воопшто не се. Исто така, излезе дека професорите имаат малку повеќе искривени морални вредности. Кога ние како студенти успеавме да дојдеме до такви заклучоци (испитувавме професори) можам да замислам до какви податоци би дошле посериозни институции, далеку постручни и поопремени од нас, па и поискусни.
Не можеш да предвидиш дали е некој педофил или убиец, но колку има лабилна или цврста личност можеш да утврдиш.
Мене само ме плаши дека ние немаме обучен кадар кој може релевантно да ги направи овие тестови, не е тоа така едноставно - дека секој психолог може. Самите психолози мораат прво да поминат добра обука - некаде надвор, каде што ова се применува, па да ги испитуваат нашите професори. Иако јас би сакала некоја надворешна институција да ги спроведе тестирањата, некоја што го прави тоа и во својата матична земја.
