Рано ми е да се врзам?

[Crazy in Love]

Често нели налетуваме и самите го употребуваме овој израз? Што се подразбира? Дека на човек се уште не му е време за врска или дека не му е време да биде сериозен, да биде посветен?

Ако не е човек подготвен да биде врзан тоа значи дека не треба да биде во врска или дека не сака да биде во сериозна врска?

Дали вие чувствувате потреба да се “врзете“ или да уживате во слободата?

Дали под поимот “врзување“ се мисли на подолга врска? Дали кратките врски припаѓаат под “врзување“? Дали човек уште од самиот почеток може да предвиди дали врската ќе биде подолга или не?

И за крај дали на вас ви е рано да се врзете?

 

[КиреМали 1911]

Сум налетал, да. Јас, нит сум го употребил, нит некогаш ќе го употребам - нити ќе го мислам, нити ќе го кажам како изговор. Што подразбирам? Дека не е доволно зрел/а за да може да воспостави отворен емоционален контакт со споритвната страна...или се плаши, или живее во некоја заблуда, во која смета дека други, моментални работи го/ја исполнуваат многу повеќе. Всушност, не се плаши да биде посветен/а на другата страна, туку да не ја изгуби посветеноста кон моменталното.

Човек кој „не е подготвен да биде врзан“ не заслужува да биде во врска, барем не во врска во која ќе добива многу повеќе од спротивната страна, одколку што дава.

Чувствувам потреба да уживам во врзаното...и кога ќе го почувствувам тоа, ќе знам дека сум со вистинската личност.

Кога ќе слушнам „врзување“, никогаш не го споредувам со времетраење на врската. Врзувањето е на емоционално ниво, на нешто повисоко од општосфатеното...е тоа пак, носи одредено обврзување кон личноста...обврзувања кои се развиваат како што се развива и емоционалното врзување...така и се развива врската.

 

[Flava]

За мене е изговор на човек кога сака да ти раскине, а не сака да ти каже директно. Ако некој е заљубен ни на крај памет нема да му падне дека е "врзан".

 

[Jovannah]

Сум го употребувала овај израз, дури и сега некогаш го употребувам (иако сум во врска) ама и знам зошто.
Кога имам проблем некаков во врската и кога не сакам да го решам, туку да избегам од него... Па си викам рано е да се замарам со вакви работи, има време. Ама на крај секогаш сум задоволна што е покрај мене и што воопшто имам некој за кој сум врзана.
Не ми фали слободата. Не сум заробена сега.

Ако знае човек дека е рано да се врзи, тогаш како знае дека е време???

 

[CafeDelMar]

Со самата мисла Рано ми е да се врзам ,на еден несвесен начин настапува врзување зошто ако постојано некој оптоварен со тоа дека ќе се врзи всушност е заробен во сопствената мисла дека е слободен.

Времетраењето на врската е релативно за она врзувањето,значи ако некој ја сака условната слобода,ќе ја сака и после 40 години брак,а оној што е без претходни калкулации може да се врзи и за 40 дена.Се е тоа релативно колку пред себе сме спремни за чекор плус,со кој чекор влегуваме на една врата без претходно да се оптоваруваме што се не чека внатре.

Слободата не е дали си во врска или не,слободата е таму каде што сакаш да припаѓаш ти.Со нејзе или далеку од нејзе.
Мене не ми е рано да се врзам,јас сум врзана уште од првиот момент кога почувствував потреба од Другиот.
Со самата таа потреба сме врзани,дали за конкретна личност или за фантазија :wink:.

 

[Дивајн]

Често нели налетуваме и самите го употребуваме овој израз?Што се подразбира? Дека на човек сеуште не му е време за врска или дека не му е време да биде сериозен, да биде посветен?

Сум налетала на овој израз, но не сум го употребила.
А што подразбира? Па мислам дека подразбира само изговор кога нема љубов и желба да се биде со некој. Неможе да подразбира неспремност за врска или недостиг на сериозност. Ако некој може да биде со некого еднаш, ќе може и да има врска со него, доколку сака. Ако не сака, секако дека ќе му биде рано да се врзе.

Ако не е човек подготвен да биде врзан тоа значи дека не треба да биде во врска или дека не сака да биде во сериозна врска?

Врска и сериозна врска мене ми се два исти поими. Како може да се одделат всушност? Како може да одиш со некого обично или сериозно? Не, за исто се работи кога се спомнува зборот врска.

Дали вие чувствувате потреба да се “врзете“ или да уживате во слободата?

Зборот врзување повторно ми звучи како нешто грдо, што не изгледа така кога си со некој што го сакаш. Ми звучи на нешто направено на сила, нешто вештачко, нешто лошо, а јас така не се чувствувам кога сум во врска, со било каков префикс. Значи уживам во својата слобода и кога сум сама и кога сум со некого. Никој тоа неможе да ми до одземе, а истото не ме прави неспособна за, еве да кажам една стабилна и зрела врска.

Дали под поимот “врзување“ се мисли на подолга врска? Дали кратките врски припаѓаат под “врзување“? Дали човек уште од самиот почеток може да предвиди дали врската ќе биде подолга или не?

Под поимот врзување се мисли да се има врска во која личноста повеќе неможе ни самата да се препознае. Се врзала за партнерот и неговите потреби и почнала да живее само за него или само за нив. Тоа може да биде така во секаква врска и воопшто не е предзнак за нешто сериозно, туку напротив, повеќе ми звучи на нешто што побрзо би пукнало. Неможе со тоа што ќе се "врземе" за некого да знаеме дека ќе сме со него цел живот или дека имаме сериозна врска. Ништо од тоа. Бљак, ама грдо ми звучи.:nesvest:

И за крај дали на вас ви е рано да се врзете?

И за крај, како што кажав, никогаш никоја врска не сум ја гледала како врзување, а сум имала и подолги и пократки. Според тоа, не ми е ни рано ни касно за врзување. Таман си е секое време за да почнеш заеднички живот со некој кој ти значи и го сакаш. Само тогаш човек може да сфати дека за ништо не му е рано.

 

[BliND]

Рано ми е да се врзам....
Да .. Така започна оваа врска за која сум подготвен да жртвувам се
Ама сепак, сите мислиме дека е рано .. А кога ќе престане да биде рано - ќе биде доцна.

 

[~~БоЖиЦа~~]

Скоро секој пат го викам тоа..А скоро 20 ги начукав и пак појма немам да се врзам..ама знам дека ова го викам се додека не најдам некој што ќе ми одговара за мене..Се некој на крај ќе излезит со женска или ќе се женит,или пак нешто карактерот не му ваља,или сум се залетала на некои особини кои тој всушност и ги нема (биле само моја илузија) и така..Кога ќе го најдам сигурна сум дека ќе сум со него,но не врзана,добро го објасни тоа Дивајн за врзувањето и го делам со нејзе истото мислење...А до тогаш,тоа рано ми е за да се врзам ќе е покултурен начин на одбивање на продолжувањето со една личност...

 

[Batistuta]

Се употребува често низ маалско-гратска комуникација и кога треба и кога не треба. Ги разбирам тие што имаат на располагање и им се нудат многу ресурси од спротивниот пол и сакаат до одредена мера да ги искористат што повеќе, а во обратни случаи нема поента :hump:
Под врзување подразбирам дека треба да лимитираш некои аспекти од животот за сметка на други. Ама денес во вакво динамично општество ефектите се минимални, а сите конци лесно се кинат

 

[G e G o]

Од кол на кол на некој ќе се надените .... па после ќе викате " кај баш со овај најдов "

 

[Desire]

Нема рано/касно за “врзување“,со самото стапување во врска се врзуваш.И нема ништо лошо у тоа да бидеш врзан за некого,тоа значи дека си спремен/а за заеднички живот со некого,спремен да делиш се со партнерот,дали ќе биде за цел живот дали само за дел,тоа никој не знае.Не може да ти текне после една година дека рано ти е да се врзеш,можеш да сфатиш дека не си го нашол вистинскиот партнер за врзување,а рано или касно нема,има само точно на време,зошто уствари сите сме спремни за врзување уште на почетокот,штом сме прифатиле врска со некого.

 

[Сатори]

Често нели налетуваме и самите го употребуваме овој израз?Што се подразбира? Дека на човек сеуште не му е време за врска или дека не му е време да биде сериозен, да биде посветен?

Јас за своја лична употреба си пронајдов нов израз кој што е скоро идентичен со горе наведениот, затоа ќе лажам ако велам дека не го употребувам, наместо „Рано ми е да се врзам“, во принцип велам „Ми треба слобода“, од искуство, во моментот кога ќе ја кажам таа фраза, станува збор за денови/часови додека врската да умре сама од себе или евентуално јас да ја убијам.
На сите понекогаш не ни е време за врска и не сакаме да бидеме сериозни, едноставно, кога воопшто се размислува за тие опции, дека слободата е неопходна на тој начин баш, кога ни е премногу рано за да бидеме со некој, тоа е првиот факт дека да тоа е она време кога не треба да бидеме во врска.

Ако не е човек подготвен да биде врзан тоа значи дека не треба да биде во врска или дека не сака да биде во сериозна врска?

Веројатно и двете, оние што се алтруистички настроени бираат да не бидат во врска за да не ја повредат другата страна, оние што се садистички настроени не ја сакаат пак сериозната врска, се ужива во благодетите а се избегнува одговорноста.

Дали вие чувствувате потреба да се “врзете“ или да уживате во слободата?

Не чувствувам никаква потреба од тој вид, среќна сум во врската во која сум, дали треба да бидам слободна, врзана или некоја трета ново измислена состојба не ме тангира се додека сум заљубена.

Дали под поимот “врзување“ се мисли на подолга врска? Дали кратките врски припаѓаат под “врзување“? Дали човек уште од самиот почеток може да предвиди дали врската ќе биде подолга или не?

Нема според мене апсолутно никаква врска со должината на релацијата, потешко е да се одвикне човек од веќе создадените навики, да, но тоа не значи дека му треба долг временски период за да се поврзе на емоционално ниво со партнерот.
Додека да се предвиди нешто, со луѓе кои што се константни да.

И за крај дали на вас ви е рано да се врзете?

Рано ми е за се, освен за љубов и среќа.:smir:

 

[kokran]

еднаш еден постар човек ми рече
-љубовта доаѓа после првата брачна ноќ,се предходно е само игра

 

[Jovannah]

еднаш еден постар човек ми рече
-љубовта доаѓа после првата брачна ноќ,се предходно е само игра

А па еден постар човек мене ми рече: Не квари вино водом и љубав браком...

 

[leandra]

Мене овој термин ме потсеќа на песната од Мартин Вучич
Инаку врзана сум од љубовта што ја чувствувам кон партнерот.Таа љубов ме врза како слеп за стап.Ништо не ми е интересно без него,иако имам секакви права за где ми очи таму и глава,јас сум врзана во чвор и не ми смета,врзана од чувства.